| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
12. த⁴ம்மகதி²கவக்³கோ³
12. Dhammakathikavaggo
1. அவிஜ்ஜாஸுத்தங்
1. Avijjāsuttaṃ
113. ஸாவத்தி²னிதா³னங் . அத² கோ² அஞ்ஞதரோ பி⁴க்கு² யேன ப⁴க³வா தேனுபஸங்கமி…பே॰… ஏகமந்தங் நிஸின்னோ கோ² ஸோ பி⁴க்கு² ப⁴க³வந்தங் ஏதத³வோச – ‘‘‘அவிஜ்ஜா அவிஜ்ஜா’தி, ப⁴ந்தே, வுச்சதி. கதமா நு கோ², ப⁴ந்தே, அவிஜ்ஜா, கித்தாவதா ச அவிஜ்ஜாக³தோ ஹோதீ’’தி? ‘‘இத⁴, பி⁴க்கு², அஸ்ஸுதவா புது²ஜ்ஜனோ ரூபங் நப்பஜானாதி, ரூபஸமுத³யங் நப்பஜானாதி, ரூபனிரோத⁴ங் நப்பஜானாதி, ரூபனிரோத⁴கா³மினிங் படிபத³ங் நப்பஜானாதி; வேத³னங் நப்பஜானாதி… ஸஞ்ஞங்… ஸங்கா²ரே நப்பஜானாதி…பே॰… விஞ்ஞாணனிரோத⁴கா³மினிங் படிபத³ங் நப்பஜானாதி. அயங் வுச்சதி, பி⁴க்கு², அவிஜ்ஜா. எத்தாவதா ச அவிஜ்ஜாக³தோ ஹோதீ’’தி. பட²மங்.
113. Sāvatthinidānaṃ . Atha kho aññataro bhikkhu yena bhagavā tenupasaṅkami…pe… ekamantaṃ nisinno kho so bhikkhu bhagavantaṃ etadavoca – ‘‘‘avijjā avijjā’ti, bhante, vuccati. Katamā nu kho, bhante, avijjā, kittāvatā ca avijjāgato hotī’’ti? ‘‘Idha, bhikkhu, assutavā puthujjano rūpaṃ nappajānāti, rūpasamudayaṃ nappajānāti, rūpanirodhaṃ nappajānāti, rūpanirodhagāminiṃ paṭipadaṃ nappajānāti; vedanaṃ nappajānāti… saññaṃ… saṅkhāre nappajānāti…pe… viññāṇanirodhagāminiṃ paṭipadaṃ nappajānāti. Ayaṃ vuccati, bhikkhu, avijjā. Ettāvatā ca avijjāgato hotī’’ti. Paṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-2. அவிஜ்ஜாஸுத்தாதி³வண்ணனா • 1-2. Avijjāsuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-2. அவிஜ்ஜாஸுத்தாதி³வண்ணனா • 1-2. Avijjāsuttādivaṇṇanā
