| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
12. д̇хаммагат̇игаваг̇г̇о
12. Dhammakathikavaggo
1. авиж̇ж̇аасуд̇д̇ам̣
1. Avijjāsuttaṃ
113. саавад̇т̇инид̣̇аанам̣ . ат̇а ко ан̃н̃ад̇аро бхигку язна бхаг̇аваа д̇знубасан̇гами…бз… згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘‘авиж̇ж̇аа авиж̇ж̇аа’д̇и, бханд̇з, вужжад̇и. гад̇амаа ну ко, бханд̇з, авиж̇ж̇аа, гид̇д̇аавад̇аа жа авиж̇ж̇ааг̇ад̇о ход̇ий’’д̇и? ‘‘ид̇ха, бхигку, ассуд̇аваа бут̇уж̇ж̇ано руубам̣ наббаж̇аанаад̇и, руубасамуд̣̇аяам̣ наббаж̇аанаад̇и, руубанирод̇хам̣ наббаж̇аанаад̇и, руубанирод̇хаг̇ааминим̣ бадибад̣̇ам̣ наббаж̇аанаад̇и; взд̣̇анам̣ наббаж̇аанаад̇и… сан̃н̃ам̣… сан̇каарз наббаж̇аанаад̇и…бз… вин̃н̃аан̣анирод̇хаг̇ааминим̣ бадибад̣̇ам̣ наббаж̇аанаад̇и. аяам̣ вужжад̇и, бхигку, авиж̇ж̇аа. зд̇д̇аавад̇аа жа авиж̇ж̇ааг̇ад̇о ход̇ий’’д̇и. батамам̣.
113. Sāvatthinidānaṃ . Atha kho aññataro bhikkhu yena bhagavā tenupasaṅkami…pe… ekamantaṃ nisinno kho so bhikkhu bhagavantaṃ etadavoca – ‘‘‘avijjā avijjā’ti, bhante, vuccati. Katamā nu kho, bhante, avijjā, kittāvatā ca avijjāgato hotī’’ti? ‘‘Idha, bhikkhu, assutavā puthujjano rūpaṃ nappajānāti, rūpasamudayaṃ nappajānāti, rūpanirodhaṃ nappajānāti, rūpanirodhagāminiṃ paṭipadaṃ nappajānāti; vedanaṃ nappajānāti… saññaṃ… saṅkhāre nappajānāti…pe… viññāṇanirodhagāminiṃ paṭipadaṃ nappajānāti. Ayaṃ vuccati, bhikkhu, avijjā. Ettāvatā ca avijjāgato hotī’’ti. Paṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-2. авиж̇ж̇аасуд̇д̇аад̣̇иван̣н̣анаа • 1-2. Avijjāsuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-2. авиж̇ж̇аасуд̇д̇аад̣̇иван̣н̣анаа • 1-2. Avijjāsuttādivaṇṇanā
