махааваг̇г̇о

Mahāvaggo

1. маг̇г̇асам̣яуд̇д̇ам̣

1. Maggasaṃyuttaṃ

1. авиж̇ж̇ааваг̇г̇о

1. Avijjāvaggo

1. авиж̇ж̇аасуд̇д̇ам̣

1. Avijjāsuttaṃ

1. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –

1. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –

‘‘авиж̇ж̇аа, бхигкавз, буб̣б̣ан̇г̇амаа агусалаанам̣ д̇хаммаанам̣ самаабад̇д̇ияаа, анвад̣̇зва ¹ ахиригам̣ анод̇д̇аббам̣ . авиж̇ж̇ааг̇ад̇асса, бхигкавз, авид̣̇д̣̇асуно мижчаад̣̇идти баход̇и; мижчаад̣̇идтисса мижчаасан̇габбо баход̇и; мижчаасан̇габбасса мижчааваажаа баход̇и; мижчааваажасса мижчаагамманд̇о баход̇и; мижчаагамманд̇асса мижчааааж̇ийво баход̇и; мижчааааж̇ийвасса мижчаавааяаамо баход̇и; мижчаавааяаамасса мижчаасад̇и баход̇и; мижчаасад̇исса мижчаасамаад̇хи баход̇и.

‘‘Avijjā, bhikkhave, pubbaṅgamā akusalānaṃ dhammānaṃ samāpattiyā, anvadeva ² ahirikaṃ anottappaṃ . Avijjāgatassa, bhikkhave, aviddasuno micchādiṭṭhi pahoti; micchādiṭṭhissa micchāsaṅkappo pahoti; micchāsaṅkappassa micchāvācā pahoti; micchāvācassa micchākammanto pahoti; micchākammantassa micchāājīvo pahoti; micchāājīvassa micchāvāyāmo pahoti; micchāvāyāmassa micchāsati pahoti; micchāsatissa micchāsamādhi pahoti.

‘‘виж̇ж̇аа жа ко, бхигкавз, буб̣б̣ан̇г̇амаа гусалаанам̣ д̇хаммаанам̣ самаабад̇д̇ияаа, анвад̣̇зва хирод̇д̇аббам̣. виж̇ж̇ааг̇ад̇асса, бхигкавз , вид̣̇д̣̇асуно саммаад̣̇идти баход̇и; саммаад̣̇идтисса саммаасан̇габбо баход̇и; саммаасан̇габбасса саммааваажаа баход̇и; саммааваажасса саммаагамманд̇о баход̇и; саммаагамманд̇асса саммааааж̇ийво баход̇и; саммааааж̇ийвасса саммаавааяаамо баход̇и; саммаавааяаамасса саммаасад̇и баход̇и; саммаасад̇исса саммаасамаад̇хи баход̇ий’’д̇и. батамам̣.

‘‘Vijjā ca kho, bhikkhave, pubbaṅgamā kusalānaṃ dhammānaṃ samāpattiyā, anvadeva hirottappaṃ. Vijjāgatassa, bhikkhave , viddasuno sammādiṭṭhi pahoti; sammādiṭṭhissa sammāsaṅkappo pahoti; sammāsaṅkappassa sammāvācā pahoti; sammāvācassa sammākammanto pahoti; sammākammantassa sammāājīvo pahoti; sammāājīvassa sammāvāyāmo pahoti; sammāvāyāmassa sammāsati pahoti; sammāsatissa sammāsamādhi pahotī’’ti. Paṭhamaṃ.

Next: 2. убад̣дхасуд̇д̇ам̣ • 2. Upaḍḍhasuttaṃ

Footnotes:

1. ануд̣̇зва (сий. бий. га.)

2. anudeva (sī. pī. ka.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-2. авиж̇ж̇аасуд̇д̇аад̣̇иван̣н̣анаа • 1-2. Avijjāsuttādivaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-2. авиж̇ж̇аасуд̇д̇аад̣̇иван̣н̣анаа • 1-2. Avijjāsuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact