| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
12. ධම්‌මකථිකවග්‌ගො
12. Dhammakathikavaggo
1. අවිජ්‌ජාසුත්‌තං
1. Avijjāsuttaṃ
113. සාවත්‌ථිනිදානං . අථ ඛො අඤ්‌ඤතරො භික්‌ඛු යෙන භගවා තෙනුපසඞ්‌කමි…පෙ.… එකමන්‌තං නිසින්‌නො ඛො සො භික්‌ඛු භගවන්‌තං එතදවොච – ‘‘‘අවිජ්‌ජා අවිජ්‌ජා’ති, භන්‌තෙ, වුච්‌චති. කතමා නු ඛො, භන්‌තෙ, අවිජ්‌ජා, කිත්‌තාවතා ච අවිජ්‌ජාගතො හොතී’’ති? ‘‘ඉධ, භික්‌ඛු, අස්‌සුතවා පුථුජ්‌ජනො රූපං නප්‌පජානාති, රූපසමුදයං නප්‌පජානාති, රූපනිරොධං නප්‌පජානාති, රූපනිරොධගාමිනිං පටිපදං නප්‌පජානාති; වෙදනං නප්‌පජානාති… සඤ්‌ඤං… සඞ්‌ඛාරෙ නප්‌පජානාති…පෙ.… විඤ්‌ඤාණනිරොධගාමිනිං පටිපදං නප්‌පජානාති. අයං වුච්‌චති, භික්‌ඛු, අවිජ්‌ජා. එත්‌තාවතා ච අවිජ්‌ජාගතො හොතී’’ති. පඨමං.
113. Sāvatthinidānaṃ . Atha kho aññataro bhikkhu yena bhagavā tenupasaṅkami…pe… ekamantaṃ nisinno kho so bhikkhu bhagavantaṃ etadavoca – ‘‘‘avijjā avijjā’ti, bhante, vuccati. Katamā nu kho, bhante, avijjā, kittāvatā ca avijjāgato hotī’’ti? ‘‘Idha, bhikkhu, assutavā puthujjano rūpaṃ nappajānāti, rūpasamudayaṃ nappajānāti, rūpanirodhaṃ nappajānāti, rūpanirodhagāminiṃ paṭipadaṃ nappajānāti; vedanaṃ nappajānāti… saññaṃ… saṅkhāre nappajānāti…pe… viññāṇanirodhagāminiṃ paṭipadaṃ nappajānāti. Ayaṃ vuccati, bhikkhu, avijjā. Ettāvatā ca avijjāgato hotī’’ti. Paṭhamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1-2. අවිජ්‌ජාසුත්‌තාදිවණ්‌ණනා • 1-2. Avijjāsuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1-2. අවිජ්‌ජාසුත්‌තාදිවණ්‌ණනා • 1-2. Avijjāsuttādivaṇṇanā
