| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
১০. দসমৰগ্গো
10. Dasamavaggo
(১০৫) ১১. অৰিঞ্ঞত্তি দুস্সিল্যন্তিকথা
(105) 11. Aviññatti dussilyantikathā
৬০৩. অৰিঞ্ঞত্তি দুস্সিল্যন্তি? আমন্তা। পাণাতিপাতোতি? ন হেৰং ৰত্তব্বে…পে॰… অদিন্নাদানন্তি? ন হেৰং ৰত্তব্বে…পে॰… কামেসুমিচ্ছাচারোতি? ন হেৰং ৰত্তব্বে…পে॰… মুসাৰাদোতি? ন হেৰং ৰত্তব্বে…পে॰… সুরামেরযমজ্জপমাদট্ঠানন্তি? ন হেৰং ৰত্তব্বে…পে॰…।
603. Aviññatti dussilyanti? Āmantā. Pāṇātipātoti? Na hevaṃ vattabbe…pe… adinnādānanti? Na hevaṃ vattabbe…pe… kāmesumicchācāroti? Na hevaṃ vattabbe…pe… musāvādoti? Na hevaṃ vattabbe…pe… surāmerayamajjapamādaṭṭhānanti? Na hevaṃ vattabbe…pe….
পাপকম্মং সমাদিযিত্ৰা দানং দদন্তস্স পুঞ্ঞঞ্চ অপুঞ্ঞঞ্চ উভো ৰড্ঢন্তীতি? ন হেৰং ৰত্তব্বে…পে॰… পুঞ্ঞঞ্চ অপুঞ্ঞঞ্চ উভো ৰড্ঢন্তীতি? আমন্তা । দ্ৰিন্নং ফস্সানং…পে॰… দ্ৰিন্নং চিত্তানং সমোধানং হোতীতি? ন হেৰং ৰত্তব্বে…পে॰… দ্ৰিন্নং ফস্সানং…পে॰… দ্ৰিন্নং চিত্তানং সমোধানং হোতীতি? আমন্তা। কুসলাকুসলা সাৰজ্জানৰজ্জা হীনপণীতা কণ্হসুক্কসপ্পটিভাগা ধম্মা সম্মুখীভাৰং আগচ্ছন্তীতি? ন হেৰং ৰত্তব্বে…পে॰…।
Pāpakammaṃ samādiyitvā dānaṃ dadantassa puññañca apuññañca ubho vaḍḍhantīti? Na hevaṃ vattabbe…pe… puññañca apuññañca ubho vaḍḍhantīti? Āmantā . Dvinnaṃ phassānaṃ…pe… dvinnaṃ cittānaṃ samodhānaṃ hotīti? Na hevaṃ vattabbe…pe… dvinnaṃ phassānaṃ…pe… dvinnaṃ cittānaṃ samodhānaṃ hotīti? Āmantā. Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantīti? Na hevaṃ vattabbe…pe….
কুসলাকুসলা সাৰজ্জানৰজ্জা হীনপণীতা কণ্হসুক্কসপ্পটিভাগা ধম্মা সম্মুখীভাৰং আগচ্ছন্তীতি? আমন্তা। ননু ৰুত্তং ভগৰতা – ‘‘চত্তারিমানি, ভিক্খৰে, সুৰিদূরৰিদূরানি ! কতমানি চত্তারি? নভঞ্চ, ভিক্খৰে, পথৰী চ – ইদং পঠমং সুৰিদূরৰিদূরং…পে॰… তস্মা সতং ধম্মো অসব্ভি আরকা’’তি। অত্থেৰ সুত্তন্তোতি? আমন্তা। তেন হি ন ৰত্তব্বং – ‘‘কুসলাকুসলা সাৰজ্জানৰজ্জা হীনপণীতা কণ্হসুক্কসপ্পটিভাগা ধম্মা সম্মুখীভাৰং আগচ্ছন্তী’’তি।
Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantīti? Āmantā. Nanu vuttaṃ bhagavatā – ‘‘cattārimāni, bhikkhave, suvidūravidūrāni ! Katamāni cattāri? Nabhañca, bhikkhave, pathavī ca – idaṃ paṭhamaṃ suvidūravidūraṃ…pe… tasmā sataṃ dhammo asabbhi ārakā’’ti. Attheva suttantoti? Āmantā. Tena hi na vattabbaṃ – ‘‘kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantī’’ti.
৬০৪. ন ৰত্তব্বং – ‘‘অৰিঞ্ঞত্তি দুস্সিল্য’’ন্তি? আমন্তা। ননু পাপকম্মং সমাদিন্নো আসীতি? আমন্তা। হঞ্চি পাপকম্মং সমাদিন্নো আসি, তেন ৰত রে ৰত্তব্বে – ‘‘অৰিঞ্ঞত্তি দুস্সিল্য’’ন্তি।
604. Na vattabbaṃ – ‘‘aviññatti dussilya’’nti? Āmantā. Nanu pāpakammaṃ samādinno āsīti? Āmantā. Hañci pāpakammaṃ samādinno āsi, tena vata re vattabbe – ‘‘aviññatti dussilya’’nti.
অৰিঞ্ঞত্তি দুস্সিল্যন্তিকথা নিট্ঠিতা।
Aviññatti dussilyantikathā niṭṭhitā.
দসমৰগ্গো।
Dasamavaggo.
তস্সুদ্দানং –
Tassuddānaṃ –
উপপত্তেসিযে পঞ্চক্খন্ধে অনিরুদ্ধে কিরিযা পঞ্চক্খন্ধা উপ্পজ্জন্তি, মগ্গসমঙ্গিস্স রূপং মগ্গো, পঞ্চৰিঞ্ঞাণসমঙ্গিস্স অত্থি মগ্গভাৰনা, পঞ্চৰিঞ্ঞাণা কুসলাপি অকুসলাপি, পঞ্চৰিঞ্ঞাণা সাভোগা, মগ্গসমঙ্গী দ্ৰীহি সীলেহি সমন্নাগতো, সীলং অচেতসিকং, সীলং ন চিত্তানুপরিৰত্তি, সমাদানহেতুকং সীলং ৰড্ঢতীতি, ৰিঞ্ঞত্তিসীলং অৰিঞ্ঞত্তি দুস্সিল্যন্তি।
Upapattesiye pañcakkhandhe aniruddhe kiriyā pañcakkhandhā uppajjanti, maggasamaṅgissa rūpaṃ maggo, pañcaviññāṇasamaṅgissa atthi maggabhāvanā, pañcaviññāṇā kusalāpi akusalāpi, pañcaviññāṇā sābhogā, maggasamaṅgī dvīhi sīlehi samannāgato, sīlaṃ acetasikaṃ, sīlaṃ na cittānuparivatti, samādānahetukaṃ sīlaṃ vaḍḍhatīti, viññattisīlaṃ aviññatti dussilyanti.
দুতিযো পণ্ণাসকো।
Dutiyo paṇṇāsako.
তস্সুদ্দানং –
Tassuddānaṃ –
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ১১. অৰিঞ্ঞত্তি দুস্সীল্যন্তিকথাৰণ্ণনা • 11. Aviññatti dussīlyantikathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১১. অৰিঞ্ঞত্তিদুস্সীল্যন্তিকথাৰণ্ণনা • 11. Aviññattidussīlyantikathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ১১. অৰিঞ্ঞত্তিদুস্সীল্যন্তিকথাৰণ্ণনা • 11. Aviññattidussīlyantikathāvaṇṇanā
