| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
11. அவிஞ்ஞத்தி து³ஸ்ஸீல்யந்திகதா²வண்ணனா
11. Aviññatti dussīlyantikathāvaṇṇanā
603-604. இதா³னி அவிஞ்ஞத்தி து³ஸ்ஸீல்யந்திகதா² நாம ஹோதி. தத்த² சித்தவிப்பயுத்தங் அபுஞ்ஞூபசயஞ்சேவ ஆணத்தியா ச பாணாதிபாதாதீ³ஸு அங்க³பாரிபூரிங் ஸந்தா⁴ய ‘‘அவிஞ்ஞத்தி து³ஸ்ஸீல்ய’’ந்தி யேஸங் லத்³தி⁴, ஸெய்யதா²பி மஹாஸங்கி⁴கானங், தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் ‘‘ஸசே ஸா து³ஸ்ஸீல்யங், பாணாதிபாதாதீ³ஸு அஞ்ஞதரா ஸியா’’தி சோதே³துங் பாணாதிபாதோதிஆதி³மாஹ. பாபகம்மங் ஸமாதி³யித்வாதி ‘‘அஸுகங் நாம கா⁴தெஸ்ஸாமி, அஸுகங் ப⁴ண்ட³ங் அவஹரிஸ்ஸாமீ’’தி ஏவங் பாபஸமாதா³னங் கத்வா. உபோ⁴ வட்³ட⁴ந்தீதி புட்டோ² தா³னக்க²ணே பாபஸ்ஸ அனுப்பத்திங் ஸந்தா⁴ய படிக்கி²பதி. து³தியங் புட்டோ² சித்தவிப்பயுத்தங் பாபூபசயங் ஸந்தா⁴ய படிஜானாதி. ஸேஸமெத்த² பரிபோ⁴க³மயகதா²யங் வுத்தனயேனேவ வேதி³தப்³ப³ங். லத்³தி⁴பதிட்டா²பனம்பிஸ்ஸ பாபஸமாதி³ன்னபுப்³ப³பா⁴க³மேவ ஸாதே⁴தி; ந அவிஞ்ஞத்தியா து³ஸ்ஸீலபா⁴வந்தி.
603-604. Idāni aviññatti dussīlyantikathā nāma hoti. Tattha cittavippayuttaṃ apuññūpacayañceva āṇattiyā ca pāṇātipātādīsu aṅgapāripūriṃ sandhāya ‘‘aviññatti dussīlya’’nti yesaṃ laddhi, seyyathāpi mahāsaṃghikānaṃ, te sandhāya pucchā sakavādissa, paṭiññā itarassa. Atha naṃ ‘‘sace sā dussīlyaṃ, pāṇātipātādīsu aññatarā siyā’’ti codetuṃ pāṇātipātotiādimāha. Pāpakammaṃ samādiyitvāti ‘‘asukaṃ nāma ghātessāmi, asukaṃ bhaṇḍaṃ avaharissāmī’’ti evaṃ pāpasamādānaṃ katvā. Ubho vaḍḍhantīti puṭṭho dānakkhaṇe pāpassa anuppattiṃ sandhāya paṭikkhipati. Dutiyaṃ puṭṭho cittavippayuttaṃ pāpūpacayaṃ sandhāya paṭijānāti. Sesamettha paribhogamayakathāyaṃ vuttanayeneva veditabbaṃ. Laddhipatiṭṭhāpanampissa pāpasamādinnapubbabhāgameva sādheti; na aviññattiyā dussīlabhāvanti.
அவிஞ்ஞத்தி து³ஸ்ஸீல்யந்திகதா²வண்ணனா.
Aviññatti dussīlyantikathāvaṇṇanā.
த³ஸமோ வக்³கோ³.
Dasamo vaggo.
து³தியபண்ணாஸகோ ஸமத்தோ.
Dutiyapaṇṇāsako samatto.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (105) 11. அவிஞ்ஞத்தி து³ஸ்ஸில்யந்திகதா² • (105) 11. Aviññatti dussilyantikathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 11. அவிஞ்ஞத்திது³ஸ்ஸீல்யந்திகதா²வண்ணனா • 11. Aviññattidussīlyantikathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 11. அவிஞ்ஞத்திது³ஸ்ஸீல்யந்திகதா²வண்ணனா • 11. Aviññattidussīlyantikathāvaṇṇanā
