| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
১১. অৰিঞ্ঞত্তি দুস্সীল্যন্তিকথাৰণ্ণনা
11. Aviññatti dussīlyantikathāvaṇṇanā
৬০৩-৬০৪. ইদানি অৰিঞ্ঞত্তি দুস্সীল্যন্তিকথা নাম হোতি। তত্থ চিত্তৰিপ্পযুত্তং অপুঞ্ঞূপচযঞ্চেৰ আণত্তিযা চ পাণাতিপাতাদীসু অঙ্গপারিপূরিং সন্ধায ‘‘অৰিঞ্ঞত্তি দুস্সীল্য’’ন্তি যেসং লদ্ধি, সেয্যথাপি মহাসংঘিকানং, তে সন্ধায পুচ্ছা সকৰাদিস্স, পটিঞ্ঞা ইতরস্স। অথ নং ‘‘সচে সা দুস্সীল্যং, পাণাতিপাতাদীসু অঞ্ঞতরা সিযা’’তি চোদেতুং পাণাতিপাতোতিআদিমাহ। পাপকম্মং সমাদিযিত্ৰাতি ‘‘অসুকং নাম ঘাতেস্সামি, অসুকং ভণ্ডং অৰহরিস্সামী’’তি এৰং পাপসমাদানং কত্ৰা। উভো ৰড্ঢন্তীতি পুট্ঠো দানক্খণে পাপস্স অনুপ্পত্তিং সন্ধায পটিক্খিপতি। দুতিযং পুট্ঠো চিত্তৰিপ্পযুত্তং পাপূপচযং সন্ধায পটিজানাতি। সেসমেত্থ পরিভোগমযকথাযং ৰুত্তনযেনেৰ ৰেদিতব্বং। লদ্ধিপতিট্ঠাপনম্পিস্স পাপসমাদিন্নপুব্বভাগমেৰ সাধেতি; ন অৰিঞ্ঞত্তিযা দুস্সীলভাৰন্তি।
603-604. Idāni aviññatti dussīlyantikathā nāma hoti. Tattha cittavippayuttaṃ apuññūpacayañceva āṇattiyā ca pāṇātipātādīsu aṅgapāripūriṃ sandhāya ‘‘aviññatti dussīlya’’nti yesaṃ laddhi, seyyathāpi mahāsaṃghikānaṃ, te sandhāya pucchā sakavādissa, paṭiññā itarassa. Atha naṃ ‘‘sace sā dussīlyaṃ, pāṇātipātādīsu aññatarā siyā’’ti codetuṃ pāṇātipātotiādimāha. Pāpakammaṃ samādiyitvāti ‘‘asukaṃ nāma ghātessāmi, asukaṃ bhaṇḍaṃ avaharissāmī’’ti evaṃ pāpasamādānaṃ katvā. Ubho vaḍḍhantīti puṭṭho dānakkhaṇe pāpassa anuppattiṃ sandhāya paṭikkhipati. Dutiyaṃ puṭṭho cittavippayuttaṃ pāpūpacayaṃ sandhāya paṭijānāti. Sesamettha paribhogamayakathāyaṃ vuttanayeneva veditabbaṃ. Laddhipatiṭṭhāpanampissa pāpasamādinnapubbabhāgameva sādheti; na aviññattiyā dussīlabhāvanti.
অৰিঞ্ঞত্তি দুস্সীল্যন্তিকথাৰণ্ণনা।
Aviññatti dussīlyantikathāvaṇṇanā.
দসমো ৰগ্গো।
Dasamo vaggo.
দুতিযপণ্ণাসকো সমত্তো।
Dutiyapaṇṇāsako samatto.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১০৫) ১১. অৰিঞ্ঞত্তি দুস্সিল্যন্তিকথা • (105) 11. Aviññatti dussilyantikathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১১. অৰিঞ্ঞত্তিদুস্সীল্যন্তিকথাৰণ্ণনা • 11. Aviññattidussīlyantikathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ১১. অৰিঞ্ঞত্তিদুস্সীল্যন্তিকথাৰণ্ণনা • 11. Aviññattidussīlyantikathāvaṇṇanā
