| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๑๑. อวิญฺญตฺติ ทุสฺสีลฺยนฺติกถาวณฺณนา
11. Aviññatti dussīlyantikathāvaṇṇanā
๖๐๓-๖๐๔. อิทานิ อวิญฺญตฺติ ทุสฺสีลฺยนฺติกถา นาม โหติฯ ตตฺถ จิตฺตวิปฺปยุตฺตํ อปุญฺญูปจยเญฺจว อาณตฺติยา จ ปาณาติปาตาทีสุ องฺคปาริปูริํ สนฺธาย ‘‘อวิญฺญตฺติ ทุสฺสีลฺย’’นฺติ เยสํ ลทฺธิ, เสยฺยถาปิ มหาสํฆิกานํ, เต สนฺธาย ปุจฺฉา สกวาทิสฺส, ปฎิญฺญา อิตรสฺสฯ อถ นํ ‘‘สเจ สา ทุสฺสีลฺยํ, ปาณาติปาตาทีสุ อญฺญตรา สิยา’’ติ โจเทตุํ ปาณาติปาโตติอาทิมาหฯ ปาปกมฺมํ สมาทิยิตฺวาติ ‘‘อสุกํ นาม ฆาเตสฺสามิ, อสุกํ ภณฺฑํ อวหริสฺสามี’’ติ เอวํ ปาปสมาทานํ กตฺวาฯ อุโภ วฑฺฒนฺตีติ ปุโฎฺฐ ทานกฺขเณ ปาปสฺส อนุปฺปตฺติํ สนฺธาย ปฎิกฺขิปติฯ ทุติยํ ปุโฎฺฐ จิตฺตวิปฺปยุตฺตํ ปาปูปจยํ สนฺธาย ปฎิชานาติฯ เสสเมตฺถ ปริโภคมยกถายํ วุตฺตนเยเนว เวทิตพฺพํฯ ลทฺธิปติฎฺฐาปนมฺปิสฺส ปาปสมาทินฺนปุพฺพภาคเมว สาเธติ; น อวิญฺญตฺติยา ทุสฺสีลภาวนฺติฯ
603-604. Idāni aviññatti dussīlyantikathā nāma hoti. Tattha cittavippayuttaṃ apuññūpacayañceva āṇattiyā ca pāṇātipātādīsu aṅgapāripūriṃ sandhāya ‘‘aviññatti dussīlya’’nti yesaṃ laddhi, seyyathāpi mahāsaṃghikānaṃ, te sandhāya pucchā sakavādissa, paṭiññā itarassa. Atha naṃ ‘‘sace sā dussīlyaṃ, pāṇātipātādīsu aññatarā siyā’’ti codetuṃ pāṇātipātotiādimāha. Pāpakammaṃ samādiyitvāti ‘‘asukaṃ nāma ghātessāmi, asukaṃ bhaṇḍaṃ avaharissāmī’’ti evaṃ pāpasamādānaṃ katvā. Ubho vaḍḍhantīti puṭṭho dānakkhaṇe pāpassa anuppattiṃ sandhāya paṭikkhipati. Dutiyaṃ puṭṭho cittavippayuttaṃ pāpūpacayaṃ sandhāya paṭijānāti. Sesamettha paribhogamayakathāyaṃ vuttanayeneva veditabbaṃ. Laddhipatiṭṭhāpanampissa pāpasamādinnapubbabhāgameva sādheti; na aviññattiyā dussīlabhāvanti.
อวิญฺญตฺติ ทุสฺสีลฺยนฺติกถาวณฺณนาฯ
Aviññatti dussīlyantikathāvaṇṇanā.
ทสโม วโคฺคฯ
Dasamo vaggo.
ทุติยปณฺณาสโก สมโตฺตฯ
Dutiyapaṇṇāsako samatto.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๑๐๕) ๑๑. อวิญฺญตฺติ ทุสฺสิลฺยนฺติกถา • (105) 11. Aviññatti dussilyantikathā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๑๑. อวิญฺญตฺติทุสฺสีลฺยนฺติกถาวณฺณนา • 11. Aviññattidussīlyantikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๑๑. อวิญฺญตฺติทุสฺสีลฺยนฺติกถาวณฺณนา • 11. Aviññattidussīlyantikathāvaṇṇanā
