| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၁၁. အဝိညတ္တိ ဒုသ္သီလ္ယန္တိကထာဝဏ္ဏနာ
11. Aviññatti dussīlyantikathāvaṇṇanā
၆၀၃-၆၀၄. ဣဒာနိ အဝိညတ္တိ ဒုသ္သီလ္ယန္တိကထာ နာမ ဟောတိ။ တတ္ထ စိတ္တဝိပ္ပယုတ္တံ အပုညူပစယဉ္စေဝ အာဏတ္တိယာ စ ပာဏာတိပာတာဒီသု အင္ဂပာရိပူရိံ သန္ဓာယ ‘‘အဝိညတ္တိ ဒုသ္သီလ္ယ’’န္တိ ယေသံ လဒ္ဓိ, သေယ္ယထာပိ မဟာသံဃိကာနံ, တေ သန္ဓာယ ပုစ္ဆာ သကဝာဒိသ္သ, ပဋိညာ ဣတရသ္သ။ အထ နံ ‘‘သစေ သာ ဒုသ္သီလ္ယံ, ပာဏာတိပာတာဒီသု အညတရာ သိယာ’’တိ စောဒေတုံ ပာဏာတိပာတောတိအာဒိမာဟ။ ပာပကမ္မံ သမာဒိယိတ္ဝာတိ ‘‘အသုကံ နာမ ဃာတေသ္သာမိ, အသုကံ ဘဏ္ဍံ အဝဟရိသ္သာမီ’’တိ ဧဝံ ပာပသမာဒာနံ ကတ္ဝာ။ ဥဘော ဝဍ္ဎန္တီတိ ပုဋ္ဌော ဒာနက္ခဏေ ပာပသ္သ အနုပ္ပတ္တိံ သန္ဓာယ ပဋိက္ခိပတိ။ ဒုတိယံ ပုဋ္ဌော စိတ္တဝိပ္ပယုတ္တံ ပာပူပစယံ သန္ဓာယ ပဋိဇာနာတိ။ သေသမေတ္ထ ပရိဘောဂမယကထာယံ ဝုတ္တနယေနေဝ ဝေဒိတဗ္ဗံ။ လဒ္ဓိပတိဋ္ဌာပနမ္ပိသ္သ ပာပသမာဒိန္နပုဗ္ဗဘာဂမေဝ သာဓေတိ; န အဝိညတ္တိယာ ဒုသ္သီလဘာဝန္တိ။
603-604. Idāni aviññatti dussīlyantikathā nāma hoti. Tattha cittavippayuttaṃ apuññūpacayañceva āṇattiyā ca pāṇātipātādīsu aṅgapāripūriṃ sandhāya ‘‘aviññatti dussīlya’’nti yesaṃ laddhi, seyyathāpi mahāsaṃghikānaṃ, te sandhāya pucchā sakavādissa, paṭiññā itarassa. Atha naṃ ‘‘sace sā dussīlyaṃ, pāṇātipātādīsu aññatarā siyā’’ti codetuṃ pāṇātipātotiādimāha. Pāpakammaṃ samādiyitvāti ‘‘asukaṃ nāma ghātessāmi, asukaṃ bhaṇḍaṃ avaharissāmī’’ti evaṃ pāpasamādānaṃ katvā. Ubho vaḍḍhantīti puṭṭho dānakkhaṇe pāpassa anuppattiṃ sandhāya paṭikkhipati. Dutiyaṃ puṭṭho cittavippayuttaṃ pāpūpacayaṃ sandhāya paṭijānāti. Sesamettha paribhogamayakathāyaṃ vuttanayeneva veditabbaṃ. Laddhipatiṭṭhāpanampissa pāpasamādinnapubbabhāgameva sādheti; na aviññattiyā dussīlabhāvanti.
အဝိညတ္တိ ဒုသ္သီလ္ယန္တိကထာဝဏ္ဏနာ။
Aviññatti dussīlyantikathāvaṇṇanā.
ဒသမော ဝဂ္ဂော။
Dasamo vaggo.
ဒုတိယပဏ္ဏာသကော သမတ္တော။
Dutiyapaṇṇāsako samatto.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၀၅) ၁၁. အဝိညတ္တိ ဒုသ္သိလ္ယန္တိကထာ • (105) 11. Aviññatti dussilyantikathā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၁၁. အဝိညတ္တိဒုသ္သီလ္ယန္တိကထာဝဏ္ဏနာ • 11. Aviññattidussīlyantikathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၁၁. အဝိညတ္တိဒုသ္သီလ္ယန္တိကထာဝဏ္ဏနာ • 11. Aviññattidussīlyantikathāvaṇṇanā
