| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೧೧. ಅವಿಞ್ಞತ್ತಿ ದುಸ್ಸೀಲ್ಯನ್ತಿಕಥಾವಣ್ಣನಾ
11. Aviññatti dussīlyantikathāvaṇṇanā
೬೦೩-೬೦೪. ಇದಾನಿ ಅವಿಞ್ಞತ್ತಿ ದುಸ್ಸೀಲ್ಯನ್ತಿಕಥಾ ನಾಮ ಹೋತಿ। ತತ್ಥ ಚಿತ್ತವಿಪ್ಪಯುತ್ತಂ ಅಪುಞ್ಞೂಪಚಯಞ್ಚೇವ ಆಣತ್ತಿಯಾ ಚ ಪಾಣಾತಿಪಾತಾದೀಸು ಅಙ್ಗಪಾರಿಪೂರಿಂ ಸನ್ಧಾಯ ‘‘ಅವಿಞ್ಞತ್ತಿ ದುಸ್ಸೀಲ್ಯ’’ನ್ತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಮಹಾಸಂಘಿಕಾನಂ, ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ಅಥ ನಂ ‘‘ಸಚೇ ಸಾ ದುಸ್ಸೀಲ್ಯಂ, ಪಾಣಾತಿಪಾತಾದೀಸು ಅಞ್ಞತರಾ ಸಿಯಾ’’ತಿ ಚೋದೇತುಂ ಪಾಣಾತಿಪಾತೋತಿಆದಿಮಾಹ। ಪಾಪಕಮ್ಮಂ ಸಮಾದಿಯಿತ್ವಾತಿ ‘‘ಅಸುಕಂ ನಾಮ ಘಾತೇಸ್ಸಾಮಿ, ಅಸುಕಂ ಭಣ್ಡಂ ಅವಹರಿಸ್ಸಾಮೀ’’ತಿ ಏವಂ ಪಾಪಸಮಾದಾನಂ ಕತ್ವಾ। ಉಭೋ ವಡ್ಢನ್ತೀತಿ ಪುಟ್ಠೋ ದಾನಕ್ಖಣೇ ಪಾಪಸ್ಸ ಅನುಪ್ಪತ್ತಿಂ ಸನ್ಧಾಯ ಪಟಿಕ್ಖಿಪತಿ। ದುತಿಯಂ ಪುಟ್ಠೋ ಚಿತ್ತವಿಪ್ಪಯುತ್ತಂ ಪಾಪೂಪಚಯಂ ಸನ್ಧಾಯ ಪಟಿಜಾನಾತಿ। ಸೇಸಮೇತ್ಥ ಪರಿಭೋಗಮಯಕಥಾಯಂ ವುತ್ತನಯೇನೇವ ವೇದಿತಬ್ಬಂ। ಲದ್ಧಿಪತಿಟ್ಠಾಪನಮ್ಪಿಸ್ಸ ಪಾಪಸಮಾದಿನ್ನಪುಬ್ಬಭಾಗಮೇವ ಸಾಧೇತಿ; ನ ಅವಿಞ್ಞತ್ತಿಯಾ ದುಸ್ಸೀಲಭಾವನ್ತಿ।
603-604. Idāni aviññatti dussīlyantikathā nāma hoti. Tattha cittavippayuttaṃ apuññūpacayañceva āṇattiyā ca pāṇātipātādīsu aṅgapāripūriṃ sandhāya ‘‘aviññatti dussīlya’’nti yesaṃ laddhi, seyyathāpi mahāsaṃghikānaṃ, te sandhāya pucchā sakavādissa, paṭiññā itarassa. Atha naṃ ‘‘sace sā dussīlyaṃ, pāṇātipātādīsu aññatarā siyā’’ti codetuṃ pāṇātipātotiādimāha. Pāpakammaṃ samādiyitvāti ‘‘asukaṃ nāma ghātessāmi, asukaṃ bhaṇḍaṃ avaharissāmī’’ti evaṃ pāpasamādānaṃ katvā. Ubho vaḍḍhantīti puṭṭho dānakkhaṇe pāpassa anuppattiṃ sandhāya paṭikkhipati. Dutiyaṃ puṭṭho cittavippayuttaṃ pāpūpacayaṃ sandhāya paṭijānāti. Sesamettha paribhogamayakathāyaṃ vuttanayeneva veditabbaṃ. Laddhipatiṭṭhāpanampissa pāpasamādinnapubbabhāgameva sādheti; na aviññattiyā dussīlabhāvanti.
ಅವಿಞ್ಞತ್ತಿ ದುಸ್ಸೀಲ್ಯನ್ತಿಕಥಾವಣ್ಣನಾ।
Aviññatti dussīlyantikathāvaṇṇanā.
ದಸಮೋ ವಗ್ಗೋ।
Dasamo vaggo.
ದುತಿಯಪಣ್ಣಾಸಕೋ ಸಮತ್ತೋ।
Dutiyapaṇṇāsako samatto.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೦೫) ೧೧. ಅವಿಞ್ಞತ್ತಿ ದುಸ್ಸಿಲ್ಯನ್ತಿಕಥಾ • (105) 11. Aviññatti dussilyantikathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೧೧. ಅವಿಞ್ಞತ್ತಿದುಸ್ಸೀಲ್ಯನ್ತಿಕಥಾವಣ್ಣನಾ • 11. Aviññattidussīlyantikathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೧೧. ಅವಿಞ್ಞತ್ತಿದುಸ್ಸೀಲ್ಯನ್ತಿಕಥಾವಣ್ಣನಾ • 11. Aviññattidussīlyantikathāvaṇṇanā
