| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༡༡. ཨཝིཉྙཏྟི དུསྶཱིལྱནྟིཀཐཱཝཎྞནཱ
11. Aviññatti dussīlyantikathāvaṇṇanā
༦༠༣-༦༠༤. ཨིདཱནི ཨཝིཉྙཏྟི དུསྶཱིལྱནྟིཀཐཱ ནཱམ ཧོཏི། ཏཏྠ ཙིཏྟཝིཔྤཡུཏྟཾ ཨཔུཉྙཱུཔཙཡཉྩེཝ ཨཱཎཏྟིཡཱ ཙ པཱཎཱཏིཔཱཏཱདཱིསུ ཨངྒཔཱརིཔཱུརིཾ སནྡྷཱཡ ‘‘ཨཝིཉྙཏྟི དུསྶཱིལྱ’’ནྟི ཡེསཾ ལདྡྷི, སེཡྻཐཱཔི མཧཱསཾགྷིཀཱནཾ, ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ། ཨཐ ནཾ ‘‘སཙེ སཱ དུསྶཱིལྱཾ, པཱཎཱཏིཔཱཏཱདཱིསུ ཨཉྙཏརཱ སིཡཱ’’ཏི ཙོདེཏུཾ པཱཎཱཏིཔཱཏོཏིཨཱདིམཱཧ། པཱཔཀམྨཾ སམཱདིཡིཏྭཱཏི ‘‘ཨསུཀཾ ནཱམ གྷཱཏེསྶཱམི, ཨསུཀཾ བྷཎྜཾ ཨཝཧརིསྶཱམཱི’’ཏི ཨེཝཾ པཱཔསམཱདཱནཾ ཀཏྭཱ། ཨུབྷོ ཝཌྜྷནྟཱིཏི པུཊྛོ དཱནཀྑཎེ པཱཔསྶ ཨནུཔྤཏྟིཾ སནྡྷཱཡ པཊིཀྑིཔཏི། དུཏིཡཾ པུཊྛོ ཙིཏྟཝིཔྤཡུཏྟཾ པཱཔཱུཔཙཡཾ སནྡྷཱཡ པཊིཛཱནཱཏི། སེསམེཏྠ པརིབྷོགམཡཀཐཱཡཾ ཝུཏྟནཡེནེཝ ཝེདིཏབྦཾ། ལདྡྷིཔཏིཊྛཱཔནམྤིསྶ པཱཔསམཱདིནྣཔུབྦབྷཱགམེཝ སཱདྷེཏི; ན ཨཝིཉྙཏྟིཡཱ དུསྶཱིལབྷཱཝནྟི།
603-604. Idāni aviññatti dussīlyantikathā nāma hoti. Tattha cittavippayuttaṃ apuññūpacayañceva āṇattiyā ca pāṇātipātādīsu aṅgapāripūriṃ sandhāya ‘‘aviññatti dussīlya’’nti yesaṃ laddhi, seyyathāpi mahāsaṃghikānaṃ, te sandhāya pucchā sakavādissa, paṭiññā itarassa. Atha naṃ ‘‘sace sā dussīlyaṃ, pāṇātipātādīsu aññatarā siyā’’ti codetuṃ pāṇātipātotiādimāha. Pāpakammaṃ samādiyitvāti ‘‘asukaṃ nāma ghātessāmi, asukaṃ bhaṇḍaṃ avaharissāmī’’ti evaṃ pāpasamādānaṃ katvā. Ubho vaḍḍhantīti puṭṭho dānakkhaṇe pāpassa anuppattiṃ sandhāya paṭikkhipati. Dutiyaṃ puṭṭho cittavippayuttaṃ pāpūpacayaṃ sandhāya paṭijānāti. Sesamettha paribhogamayakathāyaṃ vuttanayeneva veditabbaṃ. Laddhipatiṭṭhāpanampissa pāpasamādinnapubbabhāgameva sādheti; na aviññattiyā dussīlabhāvanti.
ཨཝིཉྙཏྟི དུསྶཱིལྱནྟིཀཐཱཝཎྞནཱ།
Aviññatti dussīlyantikathāvaṇṇanā.
དསམོ ཝགྒོ།
Dasamo vaggo.
དུཏིཡཔཎྞཱསཀོ སམཏྟོ།
Dutiyapaṇṇāsako samatto.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༠༥) ༡༡. ཨཝིཉྙཏྟི དུསྶིལྱནྟིཀཐཱ • (105) 11. Aviññatti dussilyantikathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༡༡. ཨཝིཉྙཏྟིདུསྶཱིལྱནྟིཀཐཱཝཎྞནཱ • 11. Aviññattidussīlyantikathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༡༡. ཨཝིཉྙཏྟིདུསྶཱིལྱནྟིཀཐཱཝཎྞནཱ • 11. Aviññattidussīlyantikathāvaṇṇanā
