| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੧੧. ਅવਿਞ੍ਞਤ੍ਤਿ ਦੁਸ੍ਸੀਲ੍ਯਨ੍ਤਿਕਥਾવਣ੍ਣਨਾ
11. Aviññatti dussīlyantikathāvaṇṇanā
੬੦੩-੬੦੪. ਇਦਾਨਿ ਅવਿਞ੍ਞਤ੍ਤਿ ਦੁਸ੍ਸੀਲ੍ਯਨ੍ਤਿਕਥਾ ਨਾਮ ਹੋਤਿ। ਤਤ੍ਥ ਚਿਤ੍ਤવਿਪ੍ਪਯੁਤ੍ਤਂ ਅਪੁਞ੍ਞੂਪਚਯਞ੍ਚੇવ ਆਣਤ੍ਤਿਯਾ ਚ ਪਾਣਾਤਿਪਾਤਾਦੀਸੁ ਅਙ੍ਗਪਾਰਿਪੂਰਿਂ ਸਨ੍ਧਾਯ ‘‘ਅવਿਞ੍ਞਤ੍ਤਿ ਦੁਸ੍ਸੀਲ੍ਯ’’ਨ੍ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਮਹਾਸਂਘਿਕਾਨਂ, ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਅਥ ਨਂ ‘‘ਸਚੇ ਸਾ ਦੁਸ੍ਸੀਲ੍ਯਂ, ਪਾਣਾਤਿਪਾਤਾਦੀਸੁ ਅਞ੍ਞਤਰਾ ਸਿਯਾ’’ਤਿ ਚੋਦੇਤੁਂ ਪਾਣਾਤਿਪਾਤੋਤਿਆਦਿਮਾਹ। ਪਾਪਕਮ੍ਮਂ ਸਮਾਦਿਯਿਤ੍વਾਤਿ ‘‘ਅਸੁਕਂ ਨਾਮ ਘਾਤੇਸ੍ਸਾਮਿ, ਅਸੁਕਂ ਭਣ੍ਡਂ ਅવਹਰਿਸ੍ਸਾਮੀ’’ਤਿ ਏવਂ ਪਾਪਸਮਾਦਾਨਂ ਕਤ੍વਾ। ਉਭੋ વਡ੍ਢਨ੍ਤੀਤਿ ਪੁਟ੍ਠੋ ਦਾਨਕ੍ਖਣੇ ਪਾਪਸ੍ਸ ਅਨੁਪ੍ਪਤ੍ਤਿਂ ਸਨ੍ਧਾਯ ਪਟਿਕ੍ਖਿਪਤਿ। ਦੁਤਿਯਂ ਪੁਟ੍ਠੋ ਚਿਤ੍ਤવਿਪ੍ਪਯੁਤ੍ਤਂ ਪਾਪੂਪਚਯਂ ਸਨ੍ਧਾਯ ਪਟਿਜਾਨਾਤਿ। ਸੇਸਮੇਤ੍ਥ ਪਰਿਭੋਗਮਯਕਥਾਯਂ વੁਤ੍ਤਨਯੇਨੇવ વੇਦਿਤਬ੍ਬਂ। ਲਦ੍ਧਿਪਤਿਟ੍ਠਾਪਨਮ੍ਪਿਸ੍ਸ ਪਾਪਸਮਾਦਿਨ੍ਨਪੁਬ੍ਬਭਾਗਮੇવ ਸਾਧੇਤਿ; ਨ ਅવਿਞ੍ਞਤ੍ਤਿਯਾ ਦੁਸ੍ਸੀਲਭਾવਨ੍ਤਿ।
603-604. Idāni aviññatti dussīlyantikathā nāma hoti. Tattha cittavippayuttaṃ apuññūpacayañceva āṇattiyā ca pāṇātipātādīsu aṅgapāripūriṃ sandhāya ‘‘aviññatti dussīlya’’nti yesaṃ laddhi, seyyathāpi mahāsaṃghikānaṃ, te sandhāya pucchā sakavādissa, paṭiññā itarassa. Atha naṃ ‘‘sace sā dussīlyaṃ, pāṇātipātādīsu aññatarā siyā’’ti codetuṃ pāṇātipātotiādimāha. Pāpakammaṃ samādiyitvāti ‘‘asukaṃ nāma ghātessāmi, asukaṃ bhaṇḍaṃ avaharissāmī’’ti evaṃ pāpasamādānaṃ katvā. Ubho vaḍḍhantīti puṭṭho dānakkhaṇe pāpassa anuppattiṃ sandhāya paṭikkhipati. Dutiyaṃ puṭṭho cittavippayuttaṃ pāpūpacayaṃ sandhāya paṭijānāti. Sesamettha paribhogamayakathāyaṃ vuttanayeneva veditabbaṃ. Laddhipatiṭṭhāpanampissa pāpasamādinnapubbabhāgameva sādheti; na aviññattiyā dussīlabhāvanti.
ਅવਿਞ੍ਞਤ੍ਤਿ ਦੁਸ੍ਸੀਲ੍ਯਨ੍ਤਿਕਥਾવਣ੍ਣਨਾ।
Aviññatti dussīlyantikathāvaṇṇanā.
ਦਸਮੋ વਗ੍ਗੋ।
Dasamo vaggo.
ਦੁਤਿਯਪਣ੍ਣਾਸਕੋ ਸਮਤ੍ਤੋ।
Dutiyapaṇṇāsako samatto.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੦੫) ੧੧. ਅવਿਞ੍ਞਤ੍ਤਿ ਦੁਸ੍ਸਿਲ੍ਯਨ੍ਤਿਕਥਾ • (105) 11. Aviññatti dussilyantikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧੧. ਅવਿਞ੍ਞਤ੍ਤਿਦੁਸ੍ਸੀਲ੍ਯਨ੍ਤਿਕਥਾવਣ੍ਣਨਾ • 11. Aviññattidussīlyantikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧੧. ਅવਿਞ੍ਞਤ੍ਤਿਦੁਸ੍ਸੀਲ੍ਯਨ੍ਤਿਕਥਾવਣ੍ਣਨਾ • 11. Aviññattidussīlyantikathāvaṇṇanā
