| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā |
༡༡. ཨཝིཉྙཏྟིདུསྶཱིལྱནྟིཀཐཱཝཎྞནཱ
11. Aviññattidussīlyantikathāvaṇṇanā
༦༠༣-༦༠༤. མཧཱབྷཱུཏཱནི ཨུཔཱདཱཡ པཝཏྟོ ཨཉྙཙིཏྟཀྑཎེཔི ལབྦྷམཱནོ ཀུསལཱཀུསལཱནུབནྡྷོ ཨཝིཉྙཏྟཱིཏི ཨཡཾ ཝཱདོ ‘‘ཙིཏྟཝིཔྤཡུཏྟོ ཨཔུཉྙཱུཔཙཡོ’’ཏི ཨིམིནཱ སངྒཧིཏོཏི ཏཏོ ཨཉྙཱནུབནྡྷཱཡཾ ‘‘ཨཱཎཏྟིཡཱ’’ཏིཨཱདི ཝུཏྟནྟི ཏཾ དསྶེཏུཾ ‘‘ཨཱཎཏྟིཡཱ…པེ॰… ཨདྷིཔྤཱཡོ’’ཏི ཝུཏྟཾ། ཏཏྠ ཨཱཎཏྟོ ཡདཱ ཨཱཎཏྟབྷཱཝེན ཝིཧིཾསཱདིཀིརིཡཾ སཱདྷེཏི, ཏདཱ ཨཱཎཏྟིཡཱ པཱཎཱཏིཔཱཏཱདཱིསུ ཨངྒབྷཱཝོ ཝེདིཏབྦོ། སཱ པནཱཎཏྟི པཱརིཝཱསིཀབྷཱཝེན ཝིཉྙཏྟིརཧིཏཱ ནཱམ ཧོཏཱིཏི པརཝཱདིནོ ཨདྷིཔྤཱཡོ, ཏཾ དསྶེཏུཾ ‘‘ཨེཀསྨིཾ དིཝསེ’’ཏིཨཱདི ཝུཏྟཾ།
603-604. Mahābhūtāni upādāya pavatto aññacittakkhaṇepi labbhamāno kusalākusalānubandho aviññattīti ayaṃ vādo ‘‘cittavippayutto apuññūpacayo’’ti iminā saṅgahitoti tato aññānubandhāyaṃ ‘‘āṇattiyā’’tiādi vuttanti taṃ dassetuṃ ‘‘āṇattiyā…pe… adhippāyo’’ti vuttaṃ. Tattha āṇatto yadā āṇattabhāvena vihiṃsādikiriyaṃ sādheti, tadā āṇattiyā pāṇātipātādīsu aṅgabhāvo veditabbo. Sā panāṇatti pārivāsikabhāvena viññattirahitā nāma hotīti paravādino adhippāyo, taṃ dassetuṃ ‘‘ekasmiṃ divase’’tiādi vuttaṃ.
ཨཝིཉྙཏྟིདུསྶཱིལྱནྟིཀཐཱཝཎྞནཱ ནིཊྛིཏཱ།
Aviññattidussīlyantikathāvaṇṇanā niṭṭhitā.
དསམཝགྒཝཎྞནཱ ནིཊྛིཏཱ།
Dasamavaggavaṇṇanā niṭṭhitā.
དུཏིཡོ པཎྞཱསཀོ སམཏྟོ།
Dutiyo paṇṇāsako samatto.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༠༥) ༡༡. ཨཝིཉྙཏྟི དུསྶིལྱནྟིཀཐཱ • (105) 11. Aviññatti dussilyantikathā
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༡༡. ཨཝིཉྙཏྟི དུསྶཱིལྱནྟིཀཐཱཝཎྞནཱ • 11. Aviññatti dussīlyantikathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༡༡. ཨཝིཉྙཏྟིདུསྶཱིལྱནྟིཀཐཱཝཎྞནཱ • 11. Aviññattidussīlyantikathāvaṇṇanā
