| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
ஸேத³மோசனகா³தா²
Sedamocanagāthā
அவிப்பவாஸாதி³பஞ்ஹவண்ணனா
Avippavāsādipañhavaṇṇanā
479. ஸேத³மோசனகா³தா²ஸு தஹிந்தி தஸ்மிங் புக்³க³லே. ‘‘அகப்பியஸம்போ⁴கோ³ நாம மேது²னத⁴ம்மாதீ³’’தி க³ண்டி²பதே³ஸு வுத்தங். ஏஸா பஞ்ஹா குஸலேஹி சிந்திதாதி லிங்க³விபல்லாஸவஸேனேதங் வுத்தங், ஏஸோ பஞ்ஹோ குஸலேஹி சிந்திதோதி அத்தோ².
479. Sedamocanagāthāsu tahinti tasmiṃ puggale. ‘‘Akappiyasambhogo nāma methunadhammādī’’ti gaṇṭhipadesu vuttaṃ. Esā pañhā kusalehi cintitāti liṅgavipallāsavasenetaṃ vuttaṃ, eso pañho kusalehi cintitoti attho.
த³ஸாதி அவந்தி³யே த³ஸ. ஏகாத³ஸாதி பண்ட³காத³யோ ஏகாத³ஸ. உப்³ப⁴க்க²கே ந வதா³மீதி இமினா முகே² மேது²னத⁴ம்மாபா⁴வங் தீ³பேதி. அதோ⁴னாபி⁴ங் விவஜ்ஜியாதி இமினா வச்சமக்³க³பஸ்ஸாவமக்³கே³ஸு.
Dasāti avandiye dasa. Ekādasāti paṇḍakādayo ekādasa. Ubbhakkhake na vadāmīti iminā mukhe methunadhammābhāvaṃ dīpeti. Adhonābhiṃ vivajjiyāti iminā vaccamaggapassāvamaggesu.
கா³மந்தரபரியாபன்னங் நதீ³பாரங் ஓக்கந்தபி⁴க்கு²னிங் ஸந்தா⁴யாதி எத்த² நதீ³ பி⁴க்கு²னியா கா³மபரியாபன்னா, பரதீரங் கா³மந்தரபரியாபன்னங். தத்த² பரதீரே பட²மலெட்³டு³பாதப்பமாணோ கா³மூபசாரோ நதீ³பரியந்தேன பரிச்சி²ன்னோ, தஸ்மா பரதீரே ரதனமத்தம்பி அரஞ்ஞங் நத்தி², பரதீரஞ்ச திணாதீ³ஹி படிச்ச²ன்னத்தா த³ஸ்ஸனூபசாரவிரஹிதங் கரோதி. தத்த² அத்தனோ கா³மே ஆபத்தி நத்தி², பரதீரே பன பட²மலெட்³டு³பாதஸங்கா²தே கா³மூபசாரேயேவ பாத³ங் ட²பேதி. அந்தரே அபி⁴த⁴ம்மே வுத்தனயேன அரஞ்ஞபூ⁴தங் ஸககா³மங் அதிக்கமதி நாம, தஸ்மா க³ணம்ஹா ஓஹீயனா நாம ஹோதீதி வேதி³தப்³ப³ங்.
Gāmantarapariyāpannaṃ nadīpāraṃ okkantabhikkhuniṃ sandhāyāti ettha nadī bhikkhuniyā gāmapariyāpannā, paratīraṃ gāmantarapariyāpannaṃ. Tattha paratīre paṭhamaleḍḍupātappamāṇo gāmūpacāro nadīpariyantena paricchinno, tasmā paratīre ratanamattampi araññaṃ natthi, paratīrañca tiṇādīhi paṭicchannattā dassanūpacāravirahitaṃ karoti. Tattha attano gāme āpatti natthi, paratīre pana paṭhamaleḍḍupātasaṅkhāte gāmūpacāreyeva pādaṃ ṭhapeti. Antare abhidhamme vuttanayena araññabhūtaṃ sakagāmaṃ atikkamati nāma, tasmā gaṇamhā ohīyanā nāma hotīti veditabbaṃ.
பி⁴க்கூ²னங் ஸந்திகே ஏகதோஉபஸம்பன்னா நாம மஹாபஜாபதிபமுகா² பஞ்சஸதஸாகினியோ பி⁴க்கு²னியோ. மஹாபஜாபதிபி ஹி ஆனந்த³த்தே²ரேன தி³ன்னஓவாத³ஸ்ஸ படிக்³க³ஹிதத்தா பி⁴க்கூ²னங் ஸந்திகே உபஸம்பன்னா நாம.
Bhikkhūnaṃ santike ekatoupasampannā nāma mahāpajāpatipamukhā pañcasatasākiniyo bhikkhuniyo. Mahāpajāpatipi hi ānandattherena dinnaovādassa paṭiggahitattā bhikkhūnaṃ santike upasampannā nāma.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 1. அவிப்பவாஸபஞ்ஹா • 1. Avippavāsapañhā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / (1) அவிப்பவாஸபஞ்ஹாவண்ணனா • (1) Avippavāsapañhāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அவிப்பவாஸபஞ்ஹாவண்ணனா • Avippavāsapañhāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அவிப்பவாஸபஞ்ஹாவண்ணனா • Avippavāsapañhāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / (1) அவிப்பவாஸபஞ்ஹாவண்ணனா • (1) Avippavāsapañhāvaṇṇanā
