| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਸੇਦਮੋਚਨਗਾਥਾ
Sedamocanagāthā
ਅવਿਪ੍ਪવਾਸਾਦਿਪਞ੍ਹવਣ੍ਣਨਾ
Avippavāsādipañhavaṇṇanā
੪੭੯. ਸੇਦਮੋਚਨਗਾਥਾਸੁ ਤਹਿਨ੍ਤਿ ਤਸ੍ਮਿਂ ਪੁਗ੍ਗਲੇ। ‘‘ਅਕਪ੍ਪਿਯਸਮ੍ਭੋਗੋ ਨਾਮ ਮੇਥੁਨਧਮ੍ਮਾਦੀ’’ਤਿ ਗਣ੍ਠਿਪਦੇਸੁ વੁਤ੍ਤਂ। ਏਸਾ ਪਞ੍ਹਾ ਕੁਸਲੇਹਿ ਚਿਨ੍ਤਿਤਾਤਿ ਲਿਙ੍ਗવਿਪਲ੍ਲਾਸવਸੇਨੇਤਂ વੁਤ੍ਤਂ, ਏਸੋ ਪਞ੍ਹੋ ਕੁਸਲੇਹਿ ਚਿਨ੍ਤਿਤੋਤਿ ਅਤ੍ਥੋ।
479. Sedamocanagāthāsu tahinti tasmiṃ puggale. ‘‘Akappiyasambhogo nāma methunadhammādī’’ti gaṇṭhipadesu vuttaṃ. Esā pañhā kusalehi cintitāti liṅgavipallāsavasenetaṃ vuttaṃ, eso pañho kusalehi cintitoti attho.
ਦਸਾਤਿ ਅવਨ੍ਦਿਯੇ ਦਸ। ਏਕਾਦਸਾਤਿ ਪਣ੍ਡਕਾਦਯੋ ਏਕਾਦਸ। ਉਬ੍ਭਕ੍ਖਕੇ ਨ વਦਾਮੀਤਿ ਇਮਿਨਾ ਮੁਖੇ ਮੇਥੁਨਧਮ੍ਮਾਭਾવਂ ਦੀਪੇਤਿ। ਅਧੋਨਾਭਿਂ વਿવਜ੍ਜਿਯਾਤਿ ਇਮਿਨਾ વਚ੍ਚਮਗ੍ਗਪਸ੍ਸਾવਮਗ੍ਗੇਸੁ।
Dasāti avandiye dasa. Ekādasāti paṇḍakādayo ekādasa. Ubbhakkhake na vadāmīti iminā mukhe methunadhammābhāvaṃ dīpeti. Adhonābhiṃ vivajjiyāti iminā vaccamaggapassāvamaggesu.
ਗਾਮਨ੍ਤਰਪਰਿਯਾਪਨ੍ਨਂ ਨਦੀਪਾਰਂ ਓਕ੍ਕਨ੍ਤਭਿਕ੍ਖੁਨਿਂ ਸਨ੍ਧਾਯਾਤਿ ਏਤ੍ਥ ਨਦੀ ਭਿਕ੍ਖੁਨਿਯਾ ਗਾਮਪਰਿਯਾਪਨ੍ਨਾ, ਪਰਤੀਰਂ ਗਾਮਨ੍ਤਰਪਰਿਯਾਪਨ੍ਨਂ। ਤਤ੍ਥ ਪਰਤੀਰੇ ਪਠਮਲੇਡ੍ਡੁਪਾਤਪ੍ਪਮਾਣੋ ਗਾਮੂਪਚਾਰੋ ਨਦੀਪਰਿਯਨ੍ਤੇਨ ਪਰਿਚ੍ਛਿਨ੍ਨੋ, ਤਸ੍ਮਾ ਪਰਤੀਰੇ ਰਤਨਮਤ੍ਤਮ੍ਪਿ ਅਰਞ੍ਞਂ ਨਤ੍ਥਿ, ਪਰਤੀਰਞ੍ਚ ਤਿਣਾਦੀਹਿ ਪਟਿਚ੍ਛਨ੍ਨਤ੍ਤਾ ਦਸ੍ਸਨੂਪਚਾਰવਿਰਹਿਤਂ ਕਰੋਤਿ। ਤਤ੍ਥ ਅਤ੍ਤਨੋ ਗਾਮੇ ਆਪਤ੍ਤਿ ਨਤ੍ਥਿ, ਪਰਤੀਰੇ ਪਨ ਪਠਮਲੇਡ੍ਡੁਪਾਤਸਙ੍ਖਾਤੇ ਗਾਮੂਪਚਾਰੇਯੇવ ਪਾਦਂ ਠਪੇਤਿ। ਅਨ੍ਤਰੇ ਅਭਿਧਮ੍ਮੇ વੁਤ੍ਤਨਯੇਨ ਅਰਞ੍ਞਭੂਤਂ ਸਕਗਾਮਂ ਅਤਿਕ੍ਕਮਤਿ ਨਾਮ, ਤਸ੍ਮਾ ਗਣਮ੍ਹਾ ਓਹੀਯਨਾ ਨਾਮ ਹੋਤੀਤਿ વੇਦਿਤਬ੍ਬਂ।
Gāmantarapariyāpannaṃ nadīpāraṃ okkantabhikkhuniṃ sandhāyāti ettha nadī bhikkhuniyā gāmapariyāpannā, paratīraṃ gāmantarapariyāpannaṃ. Tattha paratīre paṭhamaleḍḍupātappamāṇo gāmūpacāro nadīpariyantena paricchinno, tasmā paratīre ratanamattampi araññaṃ natthi, paratīrañca tiṇādīhi paṭicchannattā dassanūpacāravirahitaṃ karoti. Tattha attano gāme āpatti natthi, paratīre pana paṭhamaleḍḍupātasaṅkhāte gāmūpacāreyeva pādaṃ ṭhapeti. Antare abhidhamme vuttanayena araññabhūtaṃ sakagāmaṃ atikkamati nāma, tasmā gaṇamhā ohīyanā nāma hotīti veditabbaṃ.
ਭਿਕ੍ਖੂਨਂ ਸਨ੍ਤਿਕੇ ਏਕਤੋਉਪਸਮ੍ਪਨ੍ਨਾ ਨਾਮ ਮਹਾਪਜਾਪਤਿਪਮੁਖਾ ਪਞ੍ਚਸਤਸਾਕਿਨਿਯੋ ਭਿਕ੍ਖੁਨਿਯੋ। ਮਹਾਪਜਾਪਤਿਪਿ ਹਿ ਆਨਨ੍ਦਤ੍ਥੇਰੇਨ ਦਿਨ੍ਨਓવਾਦਸ੍ਸ ਪਟਿਗ੍ਗਹਿਤਤ੍ਤਾ ਭਿਕ੍ਖੂਨਂ ਸਨ੍ਤਿਕੇ ਉਪਸਮ੍ਪਨ੍ਨਾ ਨਾਮ।
Bhikkhūnaṃ santike ekatoupasampannā nāma mahāpajāpatipamukhā pañcasatasākiniyo bhikkhuniyo. Mahāpajāpatipi hi ānandattherena dinnaovādassa paṭiggahitattā bhikkhūnaṃ santike upasampannā nāma.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੧. ਅવਿਪ੍ਪવਾਸਪਞ੍ਹਾ • 1. Avippavāsapañhā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / (੧) ਅવਿਪ੍ਪવਾਸਪਞ੍ਹਾવਣ੍ਣਨਾ • (1) Avippavāsapañhāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅવਿਪ੍ਪવਾਸਪਞ੍ਹਾવਣ੍ਣਨਾ • Avippavāsapañhāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅવਿਪ੍ਪવਾਸਪਞ੍ਹਾવਣ੍ਣਨਾ • Avippavāsapañhāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / (੧) ਅવਿਪ੍ਪવਾਸਪਞ੍ਹਾવਣ੍ਣਨਾ • (1) Avippavāsapañhāvaṇṇanā
