| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
ஸேத³மோசிககா³தா²
Sedamocikagāthā
(1) அவிப்பவாஸபஞ்ஹாவண்ணனா
(1) Avippavāsapañhāvaṇṇanā
479. ஸேத³மோசிககா³தா²ஸூதி அதி⁴ப்பாயத்த²ஸ்ஸ க³ம்பீ⁴ரத்தா தங் சிந்தெந்தானங் வினயத⁴ரானங் காயே ஸேத³ங் மோசேதீதி ஸேத³மோசிகா, ஸாயேவ கா³தா² ஸேத³மோசிககா³தா², தாஸு. ‘‘அகப்பியஸம்போ⁴கோ³ ந லப்³ப⁴தீ’’தி இமினா கப்பியஸம்போ⁴கோ³ லப்³ப⁴தீதி த³ஸ்ஸேதி. கப்பியஸம்போ⁴க³ங் த³ஸ்ஸேதுங் ‘‘நஹாபனபோ⁴ஜனாதீ³’’தி வுத்தங். அனாபத்தீதி மாதுபி⁴க்கு²னியா அனாபத்தி. ஏஸா பஞ்ஹாதி எத்த² பஞ்ஹஸத்³தோ³ ஸபா⁴வதிலிங்கோ³தி ஸத்³த³ஸத்தே²ஸு (ஸத்³த³னீதிதா⁴துமாலாயங் 16 ஹகாரந்ததா⁴து; அபி⁴தா⁴னப்பதீ³பிகாயங் 115 கா³தா²யங்) வுத்தோ, இத⁴ இத்தி²லிங்க³வஸேன வுத்தோ. ‘‘பண்டி³தேஹீ’’தி இமினா குஸலஸ்ஸ காரணங் த³ஸ்ஸேதி, பண்டி³தத்தா குஸலோதி அதி⁴ப்பாயோ. அஸ்ஸாதி பஞ்ஹாய. ஏதந்தி விஸ்ஸஜ்ஜனங். அஸ்ஸாதி கா³தா²ய.
479.Sedamocikagāthāsūti adhippāyatthassa gambhīrattā taṃ cintentānaṃ vinayadharānaṃ kāye sedaṃ mocetīti sedamocikā, sāyeva gāthā sedamocikagāthā, tāsu. ‘‘Akappiyasambhogo na labbhatī’’ti iminā kappiyasambhogo labbhatīti dasseti. Kappiyasambhogaṃ dassetuṃ ‘‘nahāpanabhojanādī’’ti vuttaṃ. Anāpattīti mātubhikkhuniyā anāpatti. Esā pañhāti ettha pañhasaddo sabhāvatiliṅgoti saddasatthesu (saddanītidhātumālāyaṃ 16 hakārantadhātu; abhidhānappadīpikāyaṃ 115 gāthāyaṃ) vutto, idha itthiliṅgavasena vutto. ‘‘Paṇḍitehī’’ti iminā kusalassa kāraṇaṃ dasseti, paṇḍitattā kusaloti adhippāyo. Assāti pañhāya. Etanti vissajjanaṃ. Assāti gāthāya.
ஏகாத³ஸ விவஜ்ஜியாதி அவிப⁴த்திகனித்³தே³ஸோ, ஏகாத³ஸ விவஜ்ஜியேதி அத்தோ². தேன வுத்தங் ‘‘யே’’திஆதி³. தேபீதி பிஸத்³தோ³ கா³தா²யங் லுத்தனித்³தி³ட்ட²க³ம்யமானபா⁴வங் த³ஸ்ஸேதி.
Ekādasa vivajjiyāti avibhattikaniddeso, ekādasa vivajjiyeti attho. Tena vuttaṃ ‘‘ye’’tiādi. Tepīti pisaddo gāthāyaṃ luttaniddiṭṭhagamyamānabhāvaṃ dasseti.
அயந்தி ந்ஹாபிதபுப்³ப³கோ பி⁴க்கு². நிம்மிதபு³த்³த⁴ந்தி பு³த்³தே⁴ன நிம்மிதங் பு³த்³த⁴ரூபங்.
Ayanti nhāpitapubbako bhikkhu. Nimmitabuddhanti buddhena nimmitaṃ buddharūpaṃ.
விவஜ்ஜியாதி எத்த² யகாரோ த்வாபச்சயஸ்ஸ காரியோதி ஆஹ ‘‘விவஜ்ஜெத்வா’’தி. அஸீஸகங் யங் தங் கப³ந்த⁴ங் அத்தீ²தி யோஜனா. அஸீஸகத்தா கேன ஸரீரேன ஜீவிதங் ப³ந்த⁴தீதி கப³ந்தோ⁴. யஸ்ஸாதி கப³ந்த⁴ஸ்ஸ.
Vivajjiyāti ettha yakāro tvāpaccayassa kāriyoti āha ‘‘vivajjetvā’’ti. Asīsakaṃ yaṃ taṃ kabandhaṃ atthīti yojanā. Asīsakattā kena sarīrena jīvitaṃ bandhatīti kabandho. Yassāti kabandhassa.
ஹீதி ஸச்சங். தேதி அப⁴ப்³ப³புக்³க³லா.
Hīti saccaṃ. Teti abhabbapuggalā.
வாசாதி எத்த² யகாரலோபோதி ஆஹ ‘‘வாசாயா’’தி. இதி மேதி ஏவங் மம. ஏவங் வத³மானே மம வசனந்தி யோஜனா. அத²வா இதிமேதி ஏவங் இமே, ஏவங் வத³மானே இமே ஜனாதி யோஜனா. ஸத்³த³ம்பீதி இமினா கி³ரஸத்³தோ³ ஸத்³த³பரியாயோதி த³ஸ்ஸேதி. ஹீதி ஸச்சங். துண்ஹீபூ⁴தஸ்ஸ நிஸின்னஸ்ஸ தஸ்ஸ பி⁴க்கு²னோதி யோஜனா. யதி³ மனொத்³வாரே ஆபத்தி நாம நத்தி², ஏவங் ஸதி கஸ்மா ஆபஜ்ஜெய்ய வாசஸிகந்தி வுத்தந்தி ஆஹ ‘‘யஸ்மா பனா’’திஆதி³. தேனாதி தஸ்மா. அஸ்ஸாதி பி⁴க்கு²ஸ்ஸ.
Vācāti ettha yakāralopoti āha ‘‘vācāyā’’ti. Iti meti evaṃ mama. Evaṃ vadamāne mama vacananti yojanā. Athavā itimeti evaṃ ime, evaṃ vadamāne ime janāti yojanā. Saddampīti iminā girasaddo saddapariyāyoti dasseti. Hīti saccaṃ. Tuṇhībhūtassa nisinnassa tassa bhikkhunoti yojanā. Yadi manodvāre āpatti nāma natthi, evaṃ sati kasmā āpajjeyya vācasikanti vuttanti āha ‘‘yasmā panā’’tiādi. Tenāti tasmā. Assāti bhikkhussa.
ஸாதி பி⁴க்கு²னீ, ஆபஜ்ஜதீதி ஸம்ப³ந்தோ⁴. வுத்தப்பகாரந்தி ‘‘கா³மந்தரபரியாபன்ன’’ந்தி வுத்தப்பகாரங்.
Sāti bhikkhunī, āpajjatīti sambandho. Vuttappakāranti ‘‘gāmantarapariyāpanna’’nti vuttappakāraṃ.
தாஸூதி த்³வீஸு பி⁴க்கு²னீஸு.
Tāsūti dvīsu bhikkhunīsu.
சதுரோ ஜனாதி எத்த² சதுன்னங் ஜனானங் ஸரூபங் த³ஸ்ஸெந்தோ ஆஹ ‘‘ஆசரியோ ச தயோ ச அந்தேவாஸிகா’’தி . ஸாஹத்தி²காதி ஸஹத்தா² அவஹரிதா. ஆணத்தியாபீதி ஆணத்தேன அவஹரிதாபி. இதரேஸந்தி அந்தேவாஸிகானங், ஏகேகோ மாஸகோதி ஸம்ப³ந்தோ⁴. எத்தா²தி பரிவாரே ஸேத³மோசிககா³தா²யங்.
Caturo janāti ettha catunnaṃ janānaṃ sarūpaṃ dassento āha ‘‘ācariyo ca tayo ca antevāsikā’’ti . Sāhatthikāti sahatthā avaharitā. Āṇattiyāpīti āṇattena avaharitāpi. Itaresanti antevāsikānaṃ, ekeko māsakoti sambandho. Etthāti parivāre sedamocikagāthāyaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 1. அவிப்பவாஸபஞ்ஹா • 1. Avippavāsapañhā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / (1) அவிப்பவாஸபஞ்ஹாவண்ணனா • (1) Avippavāsapañhāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / அவிப்பவாஸாதி³பஞ்ஹவண்ணனா • Avippavāsādipañhavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அவிப்பவாஸபஞ்ஹாவண்ணனா • Avippavāsapañhāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அவிப்பவாஸபஞ்ஹாவண்ணனா • Avippavāsapañhāvaṇṇanā
