| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
сзд̣̇аможанаг̇аат̇аа
Sedamocanagāthā
(1) авиббаваасабан̃хааван̣н̣анаа
(1) Avippavāsapañhāvaṇṇanā
479. сзд̣̇аможанаг̇аат̇аасу асам̣ваасод̇и убосат̇абавааран̣аад̣̇инаа сам̣ваасзна асам̣ваасо. самбхог̇о згажжо д̇ахим̣ на лаб̣бхад̇ийд̇и агаббияасамбхог̇о на лаб̣бхад̇и, нахаабанабхож̇анаад̣̇ибадиж̇аг̇г̇анам̣ бана маад̇арааязва гаад̇ум̣ лаб̣бхад̇и. авиббаваасзна анаабад̇д̇ийд̇и сахаг̇аарасзяяааяа анаабад̇д̇и. бан̃хаа мзсаа гусалзхи жинд̇ид̇аад̇и зсаа бан̃хаа гусалзхи бан̣д̣ид̇зхи жинд̇ид̇аа. ассаа виссаж̇ж̇анам̣ д̣̇аарагамаад̇уяаа бхигкунияаа взд̣̇ид̇аб̣б̣ам̣, д̇ассаа хи буд̇д̇ам̣ санд̇хааязд̇ам̣ вуд̇д̇анд̇и.
479. Sedamocanagāthāsu asaṃvāsoti uposathapavāraṇādinā saṃvāsena asaṃvāso. Sambhogo ekacco tahiṃ na labbhatīti akappiyasambhogo na labbhati, nahāpanabhojanādipaṭijagganaṃ pana mātarāyeva kātuṃ labbhati. Avippavāsena anāpattīti sahagāraseyyāya anāpatti. Pañhā mesā kusalehi cintitāti esā pañhā kusalehi paṇḍitehi cintitā. Assā vissajjanaṃ dārakamātuyā bhikkhuniyā veditabbaṃ, tassā hi puttaṃ sandhāyetaṃ vuttanti.
ависсаж̇ж̇ид̇аг̇аат̇аа г̇арубхан̣д̣ам̣ санд̇хааяа вуд̇д̇аа, ад̇т̇о банассаа г̇арубхан̣д̣авинижчаяз вуд̇д̇оязва.
Avissajjitagāthā garubhaṇḍaṃ sandhāya vuttā, attho panassā garubhaṇḍavinicchaye vuttoyeva.
д̣̇аса буг̇г̇алз на вад̣̇аамийд̇и сзнаасанагканд̇хагз вуд̇д̇з д̣̇аса буг̇г̇алз на вад̣̇аами. згаад̣̇аса виваж̇ж̇ияаад̇и яз махааканд̇хагз згаад̣̇аса виваж̇ж̇анийяабуг̇г̇алаа вуд̇д̇аа, д̇зби на вад̣̇аами. аяам̣ бан̃хаа наг̇г̇ам̣ бхигкум̣ санд̇хааяа вуд̇д̇аа.
Dasa puggale na vadāmīti senāsanakkhandhake vutte dasa puggale na vadāmi. Ekādasa vivajjiyāti ye mahākhandhake ekādasa vivajjanīyapuggalā vuttā, tepi na vadāmi. Ayaṃ pañhā naggaṃ bhikkhuṃ sandhāya vuttā.
гат̇ам̣ ну сигкааяа асаад̇хааран̣од̇и бан̃хаа нахаабид̇абуб̣б̣агам̣ бхигкум̣ санд̇хааяа вуд̇д̇аа. аяан̃хи курабхан̣д̣ам̣ барихарид̇ум̣ на лабхад̇и, ан̃н̃з лабханд̇и; д̇асмаа сигкааяа асаад̇хааран̣о.
Kathaṃ nu sikkhāya asādhāraṇoti pañhā nahāpitapubbakaṃ bhikkhuṃ sandhāya vuttā. Ayañhi khurabhaṇḍaṃ pariharituṃ na labhati, aññe labhanti; tasmā sikkhāya asādhāraṇo.
д̇ам̣ буг̇г̇алам̣ гад̇амам̣ вад̣̇анд̇и б̣уд̣̇д̇хаад̇и аяам̣ бан̃хаа ниммид̇аб̣уд̣̇д̇хам̣ санд̇хааяа вуд̇д̇аа.
Taṃ puggalaṃ katamaṃ vadanti buddhāti ayaṃ pañhā nimmitabuddhaṃ sandhāya vuttā.
ад̇хонаабхим̣ виваж̇ж̇ияаад̇и ад̇хонаабхим̣ виваж̇ж̇зд̇ваа. аяам̣ бан̃хаа яам̣ д̇ам̣ асийсагам̣ габ̣анд̇хам̣, яасса урз агкийни жзва мукан̃жа ход̇и, д̇ам̣ санд̇хааяа вуд̇д̇аа.
Adhonābhiṃvivajjiyāti adhonābhiṃ vivajjetvā. Ayaṃ pañhā yaṃ taṃ asīsakaṃ kabandhaṃ, yassa ure akkhīni ceva mukhañca hoti, taṃ sandhāya vuttā.
бхигку сан̃н̃аажигааяа гудинд̇и аяам̣ бан̃хаа д̇ин̣ажчаад̣̇анам̣ гудим̣ санд̇хааяа вуд̇д̇аа. д̣̇уд̇ияабан̃хаа саб̣б̣амад̇д̇игаамаяам̣ гудим̣ санд̇хааяа вуд̇д̇аа.
Bhikkhu saññācikāya kuṭinti ayaṃ pañhā tiṇacchādanaṃ kuṭiṃ sandhāya vuttā. Dutiyapañhā sabbamattikāmayaṃ kuṭiṃ sandhāya vuttā.
аабаж̇ж̇зяяа г̇аругам̣ чзж̇ж̇авад̇т̇унд̇и аяам̣ бан̃хаа важ̇ж̇абадижчаад̣̇игам̣ бхигкуним̣ санд̇хааяа вуд̇д̇аа. д̣̇уд̇ияабан̃хаа бан̣д̣агаад̣̇аяо абхаб̣б̣абуг̇г̇алз санд̇хааяа вуд̇д̇аа. згаад̣̇асаби хи д̇з г̇ихибхаавзязва баарааж̇игам̣ бад̇д̇аа.
Āpajjeyya garukaṃ chejjavatthunti ayaṃ pañhā vajjapaṭicchādikaṃ bhikkhuniṃ sandhāya vuttā. Dutiyapañhā paṇḍakādayo abhabbapuggale sandhāya vuttā. Ekādasapi hi te gihibhāveyeva pārājikaṃ pattā.
ваажаад̇и ваажааяа анаалабанд̇о. г̇ирам̣ но жа барз бхан̣зяяаад̇и ‘‘ид̇и имз соссанд̇ий’’д̇и барабуг̇г̇алз санд̇хааяа сад̣̇д̣̇амби на нижчаарзяяа. аяам̣ бан̃хаа ‘‘санд̇им̣ аабад̇д̇им̣ наавигарзяяа, самбаж̇аанамусааваад̣̇асса ход̇ий’’д̇и имам̣ мусааваад̣̇ам̣ санд̇хааяа вуд̇д̇аа. д̇асса хи бхигкуно ад̇хаммигааяа бадин̃н̃ааяа д̇ун̣хийбхууд̇асса нисиннасса манод̣̇ваарз аабад̇д̇и наама над̇т̇и. яасмаа бана аавигаад̇аб̣б̣ам̣ на аавигарод̇и, д̇знасса важийд̣̇ваарз агирияад̇о аяам̣ аабад̇д̇и самудтаад̇ийд̇и взд̣̇ид̇аб̣б̣аа.
Vācāti vācāya anālapanto. Giraṃ no ca pare bhaṇeyyāti ‘‘iti ime sossantī’’ti parapuggale sandhāya saddampi na nicchāreyya. Ayaṃ pañhā ‘‘santiṃ āpattiṃ nāvikareyya, sampajānamusāvādassa hotī’’ti imaṃ musāvādaṃ sandhāya vuttā. Tassa hi bhikkhuno adhammikāya paṭiññāya tuṇhībhūtassa nisinnassa manodvāre āpatti nāma natthi. Yasmā pana āvikātabbaṃ na āvikaroti, tenassa vacīdvāre akiriyato ayaṃ āpatti samuṭṭhātīti veditabbā.
сан̇гхаад̣̇исзсаа жад̇урод̇и аяам̣ бан̃хаа арун̣уг̇г̇з г̇ааманд̇арабарияаабаннам̣ над̣̇ибаарам̣ огганд̇абхигкуним̣ санд̇хааяа вуд̇д̇аа, саа хи сагаг̇аамад̇о бажжуусасамаяз нигкамид̇ваа арун̣уг̇г̇аманагаалз вуд̇д̇аббагаарам̣ над̣̇ибаарам̣ огганд̇амад̇д̇аава рад̇д̇ивиббаваасаг̇ааманд̇аранад̣̇ибаараг̇ан̣амхааохийяаналагкан̣зна згаббахаарзнзва жад̇уро сан̇гхаад̣̇исзсз аабаж̇ж̇ад̇и.
Saṅghādisesā caturoti ayaṃ pañhā aruṇugge gāmantarapariyāpannaṃ nadipāraṃ okkantabhikkhuniṃ sandhāya vuttā, sā hi sakagāmato paccūsasamaye nikkhamitvā aruṇuggamanakāle vuttappakāraṃ nadipāraṃ okkantamattāva rattivippavāsagāmantaranadipāragaṇamhāohīyanalakkhaṇena ekappahāreneva caturo saṅghādisese āpajjati.
сияаа аабад̇д̇ияо наанаад̇и аяам̣ бан̃хаа згад̇оубасамбаннаа д̣̇вз бхигкунияо санд̇хааяа вуд̇д̇аа. д̇аасу хи бхигкуунам̣ санд̇игз згад̇оубасамбаннааяа хад̇т̇ад̇о г̇ан̣ханд̇асса баажид̇д̇ияам̣, бхигкунийнам̣ санд̇игз згад̇оубасамбаннааяа хад̇т̇ад̇о г̇ан̣ханд̇асса д̣̇уггадам̣.
Siyā āpattiyo nānāti ayaṃ pañhā ekatoupasampannā dve bhikkhuniyo sandhāya vuttā. Tāsu hi bhikkhūnaṃ santike ekatoupasampannāya hatthato gaṇhantassa pācittiyaṃ, bhikkhunīnaṃ santike ekatoupasampannāya hatthato gaṇhantassa dukkaṭaṃ.
жад̇уро ж̇анаа сам̣вид̇хааяаад̇и аажарияо жа д̇аяо жа анд̇зваасигаа чамаасагам̣ бхан̣д̣ам̣ авахарим̣су, аажарияасса саахад̇т̇игаа д̇аяо маасагаа, аан̣ад̇д̇ияааби д̇аяова д̇асмаа т̇уллажжаяам̣ аабаж̇ж̇ад̇и , ид̇арзсам̣ саахад̇т̇иго згзго, аан̣ад̇д̇игаа бан̃жаад̇и д̇асмаа баарааж̇игам̣ аабаж̇ж̇им̣су. аяамзд̇т̇а сан̇кзбо. вид̇т̇ааро бана ад̣̇иннаад̣̇аанабаарааж̇игз сам̣вид̣̇аавахаараван̣н̣анааяам̣ вуд̇д̇о.
Caturo janā saṃvidhāyāti ācariyo ca tayo ca antevāsikā chamāsakaṃ bhaṇḍaṃ avahariṃsu, ācariyassa sāhatthikā tayo māsakā, āṇattiyāpi tayova tasmā thullaccayaṃ āpajjati , itaresaṃ sāhatthiko ekeko, āṇattikā pañcāti tasmā pārājikaṃ āpajjiṃsu. Ayamettha saṅkhepo. Vitthāro pana adinnādānapārājike saṃvidāvahāravaṇṇanāyaṃ vutto.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. авиббаваасабан̃хаа • 1. Avippavāsapañhā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / авиббаваасаад̣̇ибан̃хаван̣н̣анаа • Avippavāsādipañhavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / авиббаваасабан̃хааван̣н̣анаа • Avippavāsapañhāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / авиббаваасабан̃хааван̣н̣анаа • Avippavāsapañhāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / (1) авиббаваасабан̃хааван̣н̣анаа • (1) Avippavāsapañhāvaṇṇanā
