| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
сзд̣̇аможанаг̇аат̇ааван̣н̣анаа
Sedamocanagāthāvaṇṇanā
авиббаваасабан̃хааван̣н̣анаа
Avippavāsapañhāvaṇṇanā
479. д̇ахинд̇и д̇асмим̣ буг̇г̇алз. агаббияасамбхог̇о наама мзт̇унад̇хаммаад̣̇и. ‘‘варасзнаасанарагкан̣ад̇т̇ааяа виссаж̇ж̇зд̇ваа барибхун̃ж̇ид̇ум̣ ваддад̇ий’’д̇и г̇арубхан̣д̣авинижчаяз вуд̇д̇о. згаад̣̇асааванд̣̇ияз бан̣д̣агаад̣̇аяо згаад̣̇аса. убзд̇и сабарисам̣. на ж̇ийвад̇и ниммид̇аруубад̇д̇аа. ‘‘уб̣бхагкагзна вад̣̇аамий’’д̇и иминаа мукз мзт̇унад̇хаммаабхаавам̣ д̣̇ийбзд̇и. ад̇хонаабхививаж̇ж̇анзна важжамаг̇г̇аббассаавамаг̇г̇зсу . г̇ааманд̇арабарияаабаннам̣ над̣̇ибаарам̣ огганд̇абхигкуним̣ санд̇хааяаад̇и бхигкунияаа г̇аамаабарияаабаннабарад̇ийрз над̣̇исамийбамзва санд̇хааяа вуд̇д̇аа. д̇ад̇т̇а барад̇ийрз г̇аамуубажааро згалзд̣д̣убаад̇о над̣̇ибарияанд̇зна барижчинно, д̇асмаа барад̇ийрз рад̇анамад̇д̇амби аран̃н̃ам̣ на ад̇т̇и, д̇ан̃жа д̇ин̣аад̣̇ийхи бадижчаннад̇д̇аа д̣̇ассануубажааравирахид̇ам̣ гарод̇и. д̇ад̇т̇а ад̇д̇ано г̇аамз аабад̇д̇и над̇т̇и. барад̇ийрз бана згалзд̣д̣убаад̇асан̇каад̇з г̇аамуубажаарзязва бад̣̇ам̣ табзд̇и. анд̇арз абхид̇хаммавасзна аран̃н̃абхууд̇ам̣ сагаг̇аамам̣ ад̇иггамад̇и наама, д̇асмаа г̇ан̣амхаа охийяанаа жа ход̇ийд̇и н̃аад̇аб̣б̣ам̣. зд̇д̇аавад̇ааби санд̇осамагад̇ваа вижаарзд̇ваа г̇ахзд̇аб̣б̣ам̣. бхигкуунам̣ санд̇игз убасамбаннаа бан̃жасад̇аа махаабаж̇аабад̇иббамукаа. махаабаж̇аабад̇иби хи аананд̣̇ад̇т̇зрзна д̣̇иннаоваад̣̇асса бадиг̇г̇ахид̇ад̇д̇аа бхигкуунам̣ санд̇игз убасамбаннаа наама.
479.Tahinti tasmiṃ puggale. Akappiyasambhogo nāma methunadhammādi. ‘‘Varasenāsanarakkhaṇatthāya vissajjetvā paribhuñjituṃ vaṭṭatī’’ti garubhaṇḍavinicchaye vutto. Ekādasāvandiye paṇḍakādayo ekādasa. Upeti saparisaṃ. Na jīvati nimmitarūpattā. ‘‘Ubbhakkhakena vadāmī’’ti iminā mukhe methunadhammābhāvaṃ dīpeti. Adhonābhivivajjanena vaccamaggappassāvamaggesu . Gāmantarapariyāpannaṃ nadipāraṃ okkantabhikkhuniṃ sandhāyāti bhikkhuniyā gāmāpariyāpannaparatīre nadisamīpameva sandhāya vuttā. Tattha paratīre gāmūpacāro ekaleḍḍupāto nadipariyantena paricchinno, tasmā paratīre ratanamattampi araññaṃ na atthi, tañca tiṇādīhi paṭicchannattā dassanūpacāravirahitaṃ karoti. Tattha attano gāme āpatti natthi. Paratīre pana ekaleḍḍupātasaṅkhāte gāmūpacāreyeva padaṃ ṭhapeti. Antare abhidhammavasena araññabhūtaṃ sakagāmaṃ atikkamati nāma, tasmā gaṇamhā ohīyanā ca hotīti ñātabbaṃ. Ettāvatāpi santosamakatvā vicāretvā gahetabbaṃ. Bhikkhūnaṃ santike upasampannā pañcasatā mahāpajāpatippamukhā. Mahāpajāpatipi hi ānandattherena dinnaovādassa paṭiggahitattā bhikkhūnaṃ santike upasampannā nāma.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. авиббаваасабан̃хаа • 1. Avippavāsapañhā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / (1) авиббаваасабан̃хааван̣н̣анаа • (1) Avippavāsapañhāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / авиббаваасаад̣̇ибан̃хаван̣н̣анаа • Avippavāsādipañhavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / авиббаваасабан̃хааван̣н̣анаа • Avippavāsapañhāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / (1) авиббаваасабан̃хааван̣н̣анаа • (1) Avippavāsapañhāvaṇṇanā
