| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
सेदमोचनगाथा
Sedamocanagāthā
अविप्पवासपञ्हावण्णना
Avippavāsapañhāvaṇṇanā
४७९. सेदमोचनगाथासु अकप्पियसम्भोगोति अनुपसम्पन्नेहि सद्धिं कातुं पटिक्खित्तो उपोसथादिसंवासो एव वुत्तो। पञ्हा मेसाति एत्थ म-कारो पदसन्धिकरो। एसाति च लिङ्गविपल्लासवसेन वुत्तं, पञ्हो एसोति अत्थो। पञ्ह-सद्दो वा द्विलिङ्गो दट्ठब्बो। तेनाह ‘‘एसा पञ्हा’’तिआदि।
479. Sedamocanagāthāsu akappiyasambhogoti anupasampannehi saddhiṃ kātuṃ paṭikkhitto uposathādisaṃvāso eva vutto. Pañhā mesāti ettha ma-kāro padasandhikaro. Esāti ca liṅgavipallāsavasena vuttaṃ, pañho esoti attho. Pañha-saddo vā dviliṅgo daṭṭhabbo. Tenāha ‘‘esā pañhā’’tiādi.
गरुभण्डं सन्धायाति गरुभण्डेन गरुभण्डपरिवत्तनं सन्धाय। दसाति दस अवन्दियपुग्गले। एकादसेति अभब्बपुग्गले। सिक्खाय असाधारणोति खुरभण्डं धारेतुं अनुञ्ञातसिक्खापदेन भिक्खूहि असाधारणसिक्खापदोति अत्थो।
Garubhaṇḍaṃ sandhāyāti garubhaṇḍena garubhaṇḍaparivattanaṃ sandhāya. Dasāti dasa avandiyapuggale. Ekādaseti abhabbapuggale. Sikkhāya asādhāraṇoti khurabhaṇḍaṃ dhāretuṃ anuññātasikkhāpadena bhikkhūhi asādhāraṇasikkhāpadoti attho.
उब्भक्खके न वदामीति अक्खतो उद्धं सीसे ठितमुखमग्गेपि पाराजिकं सन्धाय न वदामि। अधोनाभिन्ति नाभितो हेट्ठा ठितवच्चपस्सावमग्गेपि विवज्जिय अञ्ञस्मिं सरीरप्पदेसे मेथुनधम्मपच्चया कथं पाराजिको सियाति अत्थो।
Ubbhakkhake na vadāmīti akkhato uddhaṃ sīse ṭhitamukhamaggepi pārājikaṃ sandhāya na vadāmi. Adhonābhinti nābhito heṭṭhā ṭhitavaccapassāvamaggepi vivajjiya aññasmiṃ sarīrappadese methunadhammapaccayā kathaṃ pārājiko siyāti attho.
छेज्जवत्थुन्ति पाराजिकं।
Chejjavatthunti pārājikaṃ.
अविप्पवासपञ्हावण्णना निट्ठिता।
Avippavāsapañhāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / परिवारपाळि • Parivārapāḷi / १. अविप्पवासपञ्हा • 1. Avippavāsapañhā
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / परिवार-अट्ठकथा • Parivāra-aṭṭhakathā / (१) अविप्पवासपञ्हावण्णना • (1) Avippavāsapañhāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / अविप्पवासादिपञ्हवण्णना • Avippavāsādipañhavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / अविप्पवासपञ्हावण्णना • Avippavāsapañhāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / (१) अविप्पवासपञ्हावण्णना • (1) Avippavāsapañhāvaṇṇanā
