| Library / Tipiṭaka / తిపిటక • Tipiṭaka / విమతివినోదనీ-టీకా • Vimativinodanī-ṭīkā |
సేదమోచనగాథా
Sedamocanagāthā
అవిప్పవాసపఞ్హావణ్ణనా
Avippavāsapañhāvaṇṇanā
౪౭౯. సేదమోచనగాథాసు అకప్పియసమ్భోగోతి అనుపసమ్పన్నేహి సద్ధిం కాతుం పటిక్ఖిత్తో ఉపోసథాదిసంవాసో ఏవ వుత్తో. పఞ్హా మేసాతి ఏత్థ మ-కారో పదసన్ధికరో. ఏసాతి చ లిఙ్గవిపల్లాసవసేన వుత్తం, పఞ్హో ఏసోతి అత్థో. పఞ్హ-సద్దో వా ద్విలిఙ్గో దట్ఠబ్బో. తేనాహ ‘‘ఏసా పఞ్హా’’తిఆది.
479. Sedamocanagāthāsu akappiyasambhogoti anupasampannehi saddhiṃ kātuṃ paṭikkhitto uposathādisaṃvāso eva vutto. Pañhā mesāti ettha ma-kāro padasandhikaro. Esāti ca liṅgavipallāsavasena vuttaṃ, pañho esoti attho. Pañha-saddo vā dviliṅgo daṭṭhabbo. Tenāha ‘‘esā pañhā’’tiādi.
గరుభణ్డం సన్ధాయాతి గరుభణ్డేన గరుభణ్డపరివత్తనం సన్ధాయ. దసాతి దస అవన్దియపుగ్గలే. ఏకాదసేతి అభబ్బపుగ్గలే. సిక్ఖాయ అసాధారణోతి ఖురభణ్డం ధారేతుం అనుఞ్ఞాతసిక్ఖాపదేన భిక్ఖూహి అసాధారణసిక్ఖాపదోతి అత్థో.
Garubhaṇḍaṃ sandhāyāti garubhaṇḍena garubhaṇḍaparivattanaṃ sandhāya. Dasāti dasa avandiyapuggale. Ekādaseti abhabbapuggale. Sikkhāya asādhāraṇoti khurabhaṇḍaṃ dhāretuṃ anuññātasikkhāpadena bhikkhūhi asādhāraṇasikkhāpadoti attho.
ఉబ్భక్ఖకే న వదామీతి అక్ఖతో ఉద్ధం సీసే ఠితముఖమగ్గేపి పారాజికం సన్ధాయ న వదామి. అధోనాభిన్తి నాభితో హేట్ఠా ఠితవచ్చపస్సావమగ్గేపి వివజ్జియ అఞ్ఞస్మిం సరీరప్పదేసే మేథునధమ్మపచ్చయా కథం పారాజికో సియాతి అత్థో.
Ubbhakkhake na vadāmīti akkhato uddhaṃ sīse ṭhitamukhamaggepi pārājikaṃ sandhāya na vadāmi. Adhonābhinti nābhito heṭṭhā ṭhitavaccapassāvamaggepi vivajjiya aññasmiṃ sarīrappadese methunadhammapaccayā kathaṃ pārājiko siyāti attho.
ఛేజ్జవత్థున్తి పారాజికం.
Chejjavatthunti pārājikaṃ.
అవిప్పవాసపఞ్హావణ్ణనా నిట్ఠితా.
Avippavāsapañhāvaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / పరివారపాళి • Parivārapāḷi / ౧. అవిప్పవాసపఞ్హా • 1. Avippavāsapañhā
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / పరివార-అట్ఠకథా • Parivāra-aṭṭhakathā / (౧) అవిప్పవాసపఞ్హావణ్ణనా • (1) Avippavāsapañhāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / అవిప్పవాసాదిపఞ్హవణ్ణనా • Avippavāsādipañhavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / అవిప్పవాసపఞ్హావణ్ణనా • Avippavāsapañhāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / (౧) అవిప్పవాసపఞ్హావణ్ణనా • (1) Avippavāsapañhāvaṇṇanā
