| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
เสทโมจนคาถา
Sedamocanagāthā
อวิปฺปวาสปญฺหาวณฺณนา
Avippavāsapañhāvaṇṇanā
๔๗๙. เสทโมจนคาถาสุ อกปฺปิยสโมฺภโคติ อนุปสมฺปเนฺนหิ สทฺธิํ กาตุํ ปฎิกฺขิโตฺต อุโปสถาทิสํวาโส เอว วุโตฺตฯ ปญฺหา เมสาติ เอตฺถ ม-กาโร ปทสนฺธิกโรฯ เอสาติ จ ลิงฺควิปลฺลาสวเสน วุตฺตํ, ปโญฺห เอโสติ อโตฺถฯ ปญฺห-สโทฺท วา ทฺวิลิโงฺค ทฎฺฐโพฺพฯ เตนาห ‘‘เอสา ปญฺหา’’ติอาทิฯ
479. Sedamocanagāthāsu akappiyasambhogoti anupasampannehi saddhiṃ kātuṃ paṭikkhitto uposathādisaṃvāso eva vutto. Pañhā mesāti ettha ma-kāro padasandhikaro. Esāti ca liṅgavipallāsavasena vuttaṃ, pañho esoti attho. Pañha-saddo vā dviliṅgo daṭṭhabbo. Tenāha ‘‘esā pañhā’’tiādi.
ครุภณฺฑํ สนฺธายาติ ครุภเณฺฑน ครุภณฺฑปริวตฺตนํ สนฺธายฯ ทสาติ ทส อวนฺทิยปุคฺคเลฯ เอกาทเสติ อภพฺพปุคฺคเลฯ สิกฺขาย อสาธารโณติ ขุรภณฺฑํ ธาเรตุํ อนุญฺญาตสิกฺขาปเทน ภิกฺขูหิ อสาธารณสิกฺขาปโทติ อโตฺถฯ
Garubhaṇḍaṃ sandhāyāti garubhaṇḍena garubhaṇḍaparivattanaṃ sandhāya. Dasāti dasa avandiyapuggale. Ekādaseti abhabbapuggale. Sikkhāya asādhāraṇoti khurabhaṇḍaṃ dhāretuṃ anuññātasikkhāpadena bhikkhūhi asādhāraṇasikkhāpadoti attho.
อุพฺภกฺขเก น วทามีติ อกฺขโต อุทฺธํ สีเส ฐิตมุขมเคฺคปิ ปาราชิกํ สนฺธาย น วทามิฯ อโธนาภินฺติ นาภิโต เหฎฺฐา ฐิตวจฺจปสฺสาวมเคฺคปิ วิวชฺชิย อญฺญสฺมิํ สรีรปฺปเทเส เมถุนธมฺมปจฺจยา กถํ ปาราชิโก สิยาติ อโตฺถฯ
Ubbhakkhake na vadāmīti akkhato uddhaṃ sīse ṭhitamukhamaggepi pārājikaṃ sandhāya na vadāmi. Adhonābhinti nābhito heṭṭhā ṭhitavaccapassāvamaggepi vivajjiya aññasmiṃ sarīrappadese methunadhammapaccayā kathaṃ pārājiko siyāti attho.
เฉชฺชวตฺถุนฺติ ปาราชิกํฯ
Chejjavatthunti pārājikaṃ.
อวิปฺปวาสปญฺหาวณฺณนา นิฎฺฐิตาฯ
Avippavāsapañhāvaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi / ๑. อวิปฺปวาสปญฺหา • 1. Avippavāsapañhā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā / (๑) อวิปฺปวาสปญฺหาวณฺณนา • (1) Avippavāsapañhāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / อวิปฺปวาสาทิปญฺหวณฺณนา • Avippavāsādipañhavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / อวิปฺปวาสปญฺหาวณฺณนา • Avippavāsapañhāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / (๑) อวิปฺปวาสปญฺหาวณฺณนา • (1) Avippavāsapañhāvaṇṇanā
