| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਸੇਦਮੋਚਨਗਾਥਾ
Sedamocanagāthā
(੧) ਅવਿਪ੍ਪવਾਸਪਞ੍ਹਾવਣ੍ਣਨਾ
(1) Avippavāsapañhāvaṇṇanā
੪੭੯. ਸੇਦਮੋਚਨਗਾਥਾਸੁ ਅਸਂવਾਸੋਤਿ ਉਪੋਸਥਪવਾਰਣਾਦਿਨਾ ਸਂવਾਸੇਨ ਅਸਂવਾਸੋ। ਸਮ੍ਭੋਗੋ ਏਕਚ੍ਚੋ ਤਹਿਂ ਨ ਲਬ੍ਭਤੀਤਿ ਅਕਪ੍ਪਿਯਸਮ੍ਭੋਗੋ ਨ ਲਬ੍ਭਤਿ, ਨਹਾਪਨਭੋਜਨਾਦਿਪਟਿਜਗ੍ਗਨਂ ਪਨ ਮਾਤਰਾਯੇવ ਕਾਤੁਂ ਲਬ੍ਭਤਿ। ਅવਿਪ੍ਪવਾਸੇਨ ਅਨਾਪਤ੍ਤੀਤਿ ਸਹਗਾਰਸੇਯ੍ਯਾਯ ਅਨਾਪਤ੍ਤਿ। ਪਞ੍ਹਾ ਮੇਸਾ ਕੁਸਲੇਹਿ ਚਿਨ੍ਤਿਤਾਤਿ ਏਸਾ ਪਞ੍ਹਾ ਕੁਸਲੇਹਿ ਪਣ੍ਡਿਤੇਹਿ ਚਿਨ੍ਤਿਤਾ। ਅਸ੍ਸਾ વਿਸ੍ਸਜ੍ਜਨਂ ਦਾਰਕਮਾਤੁਯਾ ਭਿਕ੍ਖੁਨਿਯਾ વੇਦਿਤਬ੍ਬਂ, ਤਸ੍ਸਾ ਹਿ ਪੁਤ੍ਤਂ ਸਨ੍ਧਾਯੇਤਂ વੁਤ੍ਤਨ੍ਤਿ।
479. Sedamocanagāthāsu asaṃvāsoti uposathapavāraṇādinā saṃvāsena asaṃvāso. Sambhogo ekacco tahiṃ na labbhatīti akappiyasambhogo na labbhati, nahāpanabhojanādipaṭijagganaṃ pana mātarāyeva kātuṃ labbhati. Avippavāsena anāpattīti sahagāraseyyāya anāpatti. Pañhā mesā kusalehi cintitāti esā pañhā kusalehi paṇḍitehi cintitā. Assā vissajjanaṃ dārakamātuyā bhikkhuniyā veditabbaṃ, tassā hi puttaṃ sandhāyetaṃ vuttanti.
ਅવਿਸ੍ਸਜ੍ਜਿਤਗਾਥਾ ਗਰੁਭਣ੍ਡਂ ਸਨ੍ਧਾਯ વੁਤ੍ਤਾ, ਅਤ੍ਥੋ ਪਨਸ੍ਸਾ ਗਰੁਭਣ੍ਡવਿਨਿਚ੍ਛਯੇ વੁਤ੍ਤੋਯੇવ।
Avissajjitagāthā garubhaṇḍaṃ sandhāya vuttā, attho panassā garubhaṇḍavinicchaye vuttoyeva.
ਦਸ ਪੁਗ੍ਗਲੇ ਨ વਦਾਮੀਤਿ ਸੇਨਾਸਨਕ੍ਖਨ੍ਧਕੇ વੁਤ੍ਤੇ ਦਸ ਪੁਗ੍ਗਲੇ ਨ વਦਾਮਿ। ਏਕਾਦਸ વਿવਜ੍ਜਿਯਾਤਿ ਯੇ ਮਹਾਖਨ੍ਧਕੇ ਏਕਾਦਸ વਿવਜ੍ਜਨੀਯਪੁਗ੍ਗਲਾ વੁਤ੍ਤਾ, ਤੇਪਿ ਨ વਦਾਮਿ। ਅਯਂ ਪਞ੍ਹਾ ਨਗ੍ਗਂ ਭਿਕ੍ਖੁਂ ਸਨ੍ਧਾਯ વੁਤ੍ਤਾ।
Dasa puggale na vadāmīti senāsanakkhandhake vutte dasa puggale na vadāmi. Ekādasa vivajjiyāti ye mahākhandhake ekādasa vivajjanīyapuggalā vuttā, tepi na vadāmi. Ayaṃ pañhā naggaṃ bhikkhuṃ sandhāya vuttā.
ਕਥਂ ਨੁ ਸਿਕ੍ਖਾਯ ਅਸਾਧਾਰਣੋਤਿ ਪਞ੍ਹਾ ਨਹਾਪਿਤਪੁਬ੍ਬਕਂ ਭਿਕ੍ਖੁਂ ਸਨ੍ਧਾਯ વੁਤ੍ਤਾ। ਅਯਞ੍ਹਿ ਖੁਰਭਣ੍ਡਂ ਪਰਿਹਰਿਤੁਂ ਨ ਲਭਤਿ, ਅਞ੍ਞੇ ਲਭਨ੍ਤਿ; ਤਸ੍ਮਾ ਸਿਕ੍ਖਾਯ ਅਸਾਧਾਰਣੋ।
Kathaṃ nu sikkhāya asādhāraṇoti pañhā nahāpitapubbakaṃ bhikkhuṃ sandhāya vuttā. Ayañhi khurabhaṇḍaṃ pariharituṃ na labhati, aññe labhanti; tasmā sikkhāya asādhāraṇo.
ਤਂ ਪੁਗ੍ਗਲਂ ਕਤਮਂ વਦਨ੍ਤਿ ਬੁਦ੍ਧਾਤਿ ਅਯਂ ਪਞ੍ਹਾ ਨਿਮ੍ਮਿਤਬੁਦ੍ਧਂ ਸਨ੍ਧਾਯ વੁਤ੍ਤਾ।
Taṃ puggalaṃ katamaṃ vadanti buddhāti ayaṃ pañhā nimmitabuddhaṃ sandhāya vuttā.
ਅਧੋਨਾਭਿਂ વਿવਜ੍ਜਿਯਾਤਿ ਅਧੋਨਾਭਿਂ વਿવਜ੍ਜੇਤ੍વਾ। ਅਯਂ ਪਞ੍ਹਾ ਯਂ ਤਂ ਅਸੀਸਕਂ ਕਬਨ੍ਧਂ, ਯਸ੍ਸ ਉਰੇ ਅਕ੍ਖੀਨਿ ਚੇવ ਮੁਖਞ੍ਚ ਹੋਤਿ, ਤਂ ਸਨ੍ਧਾਯ વੁਤ੍ਤਾ।
Adhonābhiṃvivajjiyāti adhonābhiṃ vivajjetvā. Ayaṃ pañhā yaṃ taṃ asīsakaṃ kabandhaṃ, yassa ure akkhīni ceva mukhañca hoti, taṃ sandhāya vuttā.
ਭਿਕ੍ਖੁ ਸਞ੍ਞਾਚਿਕਾਯ ਕੁਟਿਨ੍ਤਿ ਅਯਂ ਪਞ੍ਹਾ ਤਿਣਚ੍ਛਾਦਨਂ ਕੁਟਿਂ ਸਨ੍ਧਾਯ વੁਤ੍ਤਾ। ਦੁਤਿਯਪਞ੍ਹਾ ਸਬ੍ਬਮਤ੍ਤਿਕਾਮਯਂ ਕੁਟਿਂ ਸਨ੍ਧਾਯ વੁਤ੍ਤਾ।
Bhikkhu saññācikāya kuṭinti ayaṃ pañhā tiṇacchādanaṃ kuṭiṃ sandhāya vuttā. Dutiyapañhā sabbamattikāmayaṃ kuṭiṃ sandhāya vuttā.
ਆਪਜ੍ਜੇਯ੍ਯ ਗਰੁਕਂ ਛੇਜ੍ਜવਤ੍ਥੁਨ੍ਤਿ ਅਯਂ ਪਞ੍ਹਾ વਜ੍ਜਪਟਿਚ੍ਛਾਦਿਕਂ ਭਿਕ੍ਖੁਨਿਂ ਸਨ੍ਧਾਯ વੁਤ੍ਤਾ। ਦੁਤਿਯਪਞ੍ਹਾ ਪਣ੍ਡਕਾਦਯੋ ਅਭਬ੍ਬਪੁਗ੍ਗਲੇ ਸਨ੍ਧਾਯ વੁਤ੍ਤਾ। ਏਕਾਦਸਪਿ ਹਿ ਤੇ ਗਿਹਿਭਾવੇਯੇવ ਪਾਰਾਜਿਕਂ ਪਤ੍ਤਾ।
Āpajjeyya garukaṃ chejjavatthunti ayaṃ pañhā vajjapaṭicchādikaṃ bhikkhuniṃ sandhāya vuttā. Dutiyapañhā paṇḍakādayo abhabbapuggale sandhāya vuttā. Ekādasapi hi te gihibhāveyeva pārājikaṃ pattā.
વਾਚਾਤਿ વਾਚਾਯ ਅਨਾਲਪਨ੍ਤੋ। ਗਿਰਂ ਨੋ ਚ ਪਰੇ ਭਣੇਯ੍ਯਾਤਿ ‘‘ਇਤਿ ਇਮੇ ਸੋਸ੍ਸਨ੍ਤੀ’’ਤਿ ਪਰਪੁਗ੍ਗਲੇ ਸਨ੍ਧਾਯ ਸਦ੍ਦਮ੍ਪਿ ਨ ਨਿਚ੍ਛਾਰੇਯ੍ਯ। ਅਯਂ ਪਞ੍ਹਾ ‘‘ਸਨ੍ਤਿਂ ਆਪਤ੍ਤਿਂ ਨਾવਿਕਰੇਯ੍ਯ, ਸਮ੍ਪਜਾਨਮੁਸਾવਾਦਸ੍ਸ ਹੋਤੀ’’ਤਿ ਇਮਂ ਮੁਸਾવਾਦਂ ਸਨ੍ਧਾਯ વੁਤ੍ਤਾ। ਤਸ੍ਸ ਹਿ ਭਿਕ੍ਖੁਨੋ ਅਧਮ੍ਮਿਕਾਯ ਪਟਿਞ੍ਞਾਯ ਤੁਣ੍ਹੀਭੂਤਸ੍ਸ ਨਿਸਿਨ੍ਨਸ੍ਸ ਮਨੋਦ੍વਾਰੇ ਆਪਤ੍ਤਿ ਨਾਮ ਨਤ੍ਥਿ। ਯਸ੍ਮਾ ਪਨ ਆવਿਕਾਤਬ੍ਬਂ ਨ ਆવਿਕਰੋਤਿ, ਤੇਨਸ੍ਸ વਚੀਦ੍વਾਰੇ ਅਕਿਰਿਯਤੋ ਅਯਂ ਆਪਤ੍ਤਿ ਸਮੁਟ੍ਠਾਤੀਤਿ વੇਦਿਤਬ੍ਬਾ।
Vācāti vācāya anālapanto. Giraṃ no ca pare bhaṇeyyāti ‘‘iti ime sossantī’’ti parapuggale sandhāya saddampi na nicchāreyya. Ayaṃ pañhā ‘‘santiṃ āpattiṃ nāvikareyya, sampajānamusāvādassa hotī’’ti imaṃ musāvādaṃ sandhāya vuttā. Tassa hi bhikkhuno adhammikāya paṭiññāya tuṇhībhūtassa nisinnassa manodvāre āpatti nāma natthi. Yasmā pana āvikātabbaṃ na āvikaroti, tenassa vacīdvāre akiriyato ayaṃ āpatti samuṭṭhātīti veditabbā.
ਸਙ੍ਘਾਦਿਸੇਸਾ ਚਤੁਰੋਤਿ ਅਯਂ ਪਞ੍ਹਾ ਅਰੁਣੁਗ੍ਗੇ ਗਾਮਨ੍ਤਰਪਰਿਯਾਪਨ੍ਨਂ ਨਦਿਪਾਰਂ ਓਕ੍ਕਨ੍ਤਭਿਕ੍ਖੁਨਿਂ ਸਨ੍ਧਾਯ વੁਤ੍ਤਾ, ਸਾ ਹਿ ਸਕਗਾਮਤੋ ਪਚ੍ਚੂਸਸਮਯੇ ਨਿਕ੍ਖਮਿਤ੍વਾ ਅਰੁਣੁਗ੍ਗਮਨਕਾਲੇ વੁਤ੍ਤਪ੍ਪਕਾਰਂ ਨਦਿਪਾਰਂ ਓਕ੍ਕਨ੍ਤਮਤ੍ਤਾવ ਰਤ੍ਤਿવਿਪ੍ਪવਾਸਗਾਮਨ੍ਤਰਨਦਿਪਾਰਗਣਮ੍ਹਾਓਹੀਯਨਲਕ੍ਖਣੇਨ ਏਕਪ੍ਪਹਾਰੇਨੇવ ਚਤੁਰੋ ਸਙ੍ਘਾਦਿਸੇਸੇ ਆਪਜ੍ਜਤਿ।
Saṅghādisesā caturoti ayaṃ pañhā aruṇugge gāmantarapariyāpannaṃ nadipāraṃ okkantabhikkhuniṃ sandhāya vuttā, sā hi sakagāmato paccūsasamaye nikkhamitvā aruṇuggamanakāle vuttappakāraṃ nadipāraṃ okkantamattāva rattivippavāsagāmantaranadipāragaṇamhāohīyanalakkhaṇena ekappahāreneva caturo saṅghādisese āpajjati.
ਸਿਯਾ ਆਪਤ੍ਤਿਯੋ ਨਾਨਾਤਿ ਅਯਂ ਪਞ੍ਹਾ ਏਕਤੋਉਪਸਮ੍ਪਨ੍ਨਾ ਦ੍વੇ ਭਿਕ੍ਖੁਨਿਯੋ ਸਨ੍ਧਾਯ વੁਤ੍ਤਾ। ਤਾਸੁ ਹਿ ਭਿਕ੍ਖੂਨਂ ਸਨ੍ਤਿਕੇ ਏਕਤੋਉਪਸਮ੍ਪਨ੍ਨਾਯ ਹਤ੍ਥਤੋ ਗਣ੍ਹਨ੍ਤਸ੍ਸ ਪਾਚਿਤ੍ਤਿਯਂ, ਭਿਕ੍ਖੁਨੀਨਂ ਸਨ੍ਤਿਕੇ ਏਕਤੋਉਪਸਮ੍ਪਨ੍ਨਾਯ ਹਤ੍ਥਤੋ ਗਣ੍ਹਨ੍ਤਸ੍ਸ ਦੁਕ੍ਕਟਂ।
Siyā āpattiyo nānāti ayaṃ pañhā ekatoupasampannā dve bhikkhuniyo sandhāya vuttā. Tāsu hi bhikkhūnaṃ santike ekatoupasampannāya hatthato gaṇhantassa pācittiyaṃ, bhikkhunīnaṃ santike ekatoupasampannāya hatthato gaṇhantassa dukkaṭaṃ.
ਚਤੁਰੋ ਜਨਾ ਸਂવਿਧਾਯਾਤਿ ਆਚਰਿਯੋ ਚ ਤਯੋ ਚ ਅਨ੍ਤੇવਾਸਿਕਾ ਛਮਾਸਕਂ ਭਣ੍ਡਂ ਅવਹਰਿਂਸੁ, ਆਚਰਿਯਸ੍ਸ ਸਾਹਤ੍ਥਿਕਾ ਤਯੋ ਮਾਸਕਾ, ਆਣਤ੍ਤਿਯਾਪਿ ਤਯੋવ ਤਸ੍ਮਾ ਥੁਲ੍ਲਚ੍ਚਯਂ ਆਪਜ੍ਜਤਿ , ਇਤਰੇਸਂ ਸਾਹਤ੍ਥਿਕੋ ਏਕੇਕੋ, ਆਣਤ੍ਤਿਕਾ ਪਞ੍ਚਾਤਿ ਤਸ੍ਮਾ ਪਾਰਾਜਿਕਂ ਆਪਜ੍ਜਿਂਸੁ। ਅਯਮੇਤ੍ਥ ਸਙ੍ਖੇਪੋ। વਿਤ੍ਥਾਰੋ ਪਨ ਅਦਿਨ੍ਨਾਦਾਨਪਾਰਾਜਿਕੇ ਸਂવਿਦਾવਹਾਰવਣ੍ਣਨਾਯਂ વੁਤ੍ਤੋ।
Caturo janā saṃvidhāyāti ācariyo ca tayo ca antevāsikā chamāsakaṃ bhaṇḍaṃ avahariṃsu, ācariyassa sāhatthikā tayo māsakā, āṇattiyāpi tayova tasmā thullaccayaṃ āpajjati , itaresaṃ sāhatthiko ekeko, āṇattikā pañcāti tasmā pārājikaṃ āpajjiṃsu. Ayamettha saṅkhepo. Vitthāro pana adinnādānapārājike saṃvidāvahāravaṇṇanāyaṃ vutto.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੧. ਅવਿਪ੍ਪવਾਸਪਞ੍ਹਾ • 1. Avippavāsapañhā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅવਿਪ੍ਪવਾਸਾਦਿਪਞ੍ਹવਣ੍ਣਨਾ • Avippavāsādipañhavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅવਿਪ੍ਪવਾਸਪਞ੍ਹਾવਣ੍ਣਨਾ • Avippavāsapañhāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅવਿਪ੍ਪવਾਸਪਞ੍ਹਾવਣ੍ਣਨਾ • Avippavāsapañhāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / (੧) ਅવਿਪ੍ਪવਾਸਪਞ੍ਹਾવਣ੍ਣਨਾ • (1) Avippavāsapañhāvaṇṇanā
