| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
74. авиббаваасасиймаануж̇аананаа
74. Avippavāsasīmānujānanā
143. д̇зна ко бана самаязна ааяасмаа махаагассабо анд̇хагавинд̣̇аа рааж̇аг̇ахам̣ убосат̇ам̣ ааг̇ажчанд̇о анд̇араамаг̇г̇з над̣̇им̣ д̇аранд̇о манам̣ вуул̣хо ахоси, жийвараанисса 1 аллаани. бхигкуу ааяасманд̇ам̣ махаагассабам̣ зд̇ад̣̇авожум̣ – ‘‘гисса д̇з, аавусо, жийвараани аллааний’’д̇и? ‘‘ид̇хаахам̣, аавусо, анд̇хагавинд̣̇аа рааж̇аг̇ахам̣ убосат̇ам̣ ааг̇ажчанд̇о анд̇араамаг̇г̇з над̣̇им̣ д̇аранд̇о манамхи вуул̣хо. д̇зна мз жийвараани аллааний’’д̇и. бхаг̇авад̇о зд̇амад̇т̇ам̣ аарожзсум̣. яаа саа, бхигкавз, сан̇гхзна сиймаа саммад̇аа самаанасам̣ваасаа згубосат̇аа, сан̇гхо д̇ам̣ сиймам̣ д̇ижийварзна авиббаваасам̣ самманнад̇у. зван̃жа бана, бхигкавз, самманнид̇аб̣б̣аа. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
143. Tena kho pana samayena āyasmā mahākassapo andhakavindā rājagahaṃ uposathaṃ āgacchanto antarāmagge nadiṃ taranto manaṃ vūḷho ahosi, cīvarānissa 2 allāni. Bhikkhū āyasmantaṃ mahākassapaṃ etadavocuṃ – ‘‘kissa te, āvuso, cīvarāni allānī’’ti? ‘‘Idhāhaṃ, āvuso, andhakavindā rājagahaṃ uposathaṃ āgacchanto antarāmagge nadiṃ taranto manamhi vūḷho. Tena me cīvarāni allānī’’ti. Bhagavato etamatthaṃ ārocesuṃ. Yā sā, bhikkhave, saṅghena sīmā sammatā samānasaṃvāsā ekuposathā, saṅgho taṃ sīmaṃ ticīvarena avippavāsaṃ sammannatu. Evañca pana, bhikkhave, sammannitabbā. Byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. яаа саа сан̇гхзна сиймаа саммад̇аа самаанасам̣ваасаа згубосат̇аа, яад̣̇и сан̇гхасса бад̇д̇агаллам̣ сан̇гхо д̇ам̣ сиймам̣ д̇ижийварзна авиббаваасам̣ самманнзяяа. зсаа н̃ад̇д̇и.
‘‘Suṇātu me, bhante, saṅgho. Yā sā saṅghena sīmā sammatā samānasaṃvāsā ekuposathā, yadi saṅghassa pattakallaṃ saṅgho taṃ sīmaṃ ticīvarena avippavāsaṃ sammanneyya. Esā ñatti.
‘‘сун̣аад̇у мз, бханд̇з, сан̇гхо. яаа саа сан̇гхзна сиймаа саммад̇аа самаанасам̣ваасаа згубосат̇аа, сан̇гхо д̇ам̣ сиймам̣ д̇ижийварзна авиббаваасам̣ самманнад̇и. яассааяасмад̇о камад̇и зд̇иссаа сиймааяа д̇ижийварзна авиббаваасааяа 3 саммуд̇и, со д̇ун̣хасса; яасса нагкамад̇и, со бхаасзяяа. саммад̇аа саа сиймаа сан̇гхзна д̇ижийварзна авиббаваасаа 4. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Suṇātu me, bhante, saṅgho. Yā sā saṅghena sīmā sammatā samānasaṃvāsā ekuposathā, saṅgho taṃ sīmaṃ ticīvarena avippavāsaṃ sammannati. Yassāyasmato khamati etissā sīmāya ticīvarena avippavāsāya 5 sammuti, so tuṇhassa; yassa nakkhamati, so bhāseyya. Sammatā sā sīmā saṅghena ticīvarena avippavāsā 6. Khamati saṅghassa, tasmā tuṇhī, evametaṃ dhārayāmī’’ti.
д̇зна ко бана самаязна бхигкуу бхаг̇авад̇аа д̇ижийварзна авиббаваасасаммуд̇и анун̃н̃аад̇аад̇и анд̇арагхарз жийвараани нигкибанд̇и. д̇аани жийвараани нассанд̇иби д̣аяханд̇иби унд̣̇уурзхиби каж̇ж̇анд̇и. бхигкуу д̣̇ужжол̣аа хонд̇и луукажийвараа. бхигкуу звамаахам̣су – ‘‘гисса д̇умхз, аавусо, д̣̇ужжол̣аа луукажийвараа’’д̇и? ‘‘ид̇ха маяам̣, аавусо, бхаг̇авад̇аа д̇ижийварзна авиббаваасасаммуд̇и анун̃н̃аад̇аад̇и анд̇арагхарз жийвараани нигкибимхаа . д̇аани жийвараани надтааниби д̣̇ад̣дхааниби, унд̣̇уурзхиби кааяид̇аани, д̇зна маяам̣ д̣̇ужжол̣аа луукажийвараа’’д̇и. бхаг̇авад̇о зд̇амад̇т̇ам̣ аарожзсум̣. яаа саа, бхигкавз, сан̇гхзна сиймаа саммад̇аа самаанасам̣ваасаа згубосат̇аа, сан̇гхо д̇ам̣ сиймам̣ д̇ижийварзна авиббаваасам̣ самманнад̇у, табзд̇ваа г̇ааман̃жа г̇аамуубажааран̃жа. зван̃жа бана, бхигкавз, самманнид̇аб̣б̣аа. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Tena kho pana samayena bhikkhū bhagavatā ticīvarena avippavāsasammuti anuññātāti antaraghare cīvarāni nikkhipanti. Tāni cīvarāni nassantipi ḍayhantipi undūrehipi khajjanti. Bhikkhū duccoḷā honti lūkhacīvarā. Bhikkhū evamāhaṃsu – ‘‘kissa tumhe, āvuso, duccoḷā lūkhacīvarā’’ti? ‘‘Idha mayaṃ, āvuso, bhagavatā ticīvarena avippavāsasammuti anuññātāti antaraghare cīvarāni nikkhipimhā . Tāni cīvarāni naṭṭhānipi daḍḍhānipi, undūrehipi khāyitāni, tena mayaṃ duccoḷā lūkhacīvarā’’ti. Bhagavato etamatthaṃ ārocesuṃ. Yā sā, bhikkhave, saṅghena sīmā sammatā samānasaṃvāsā ekuposathā, saṅgho taṃ sīmaṃ ticīvarena avippavāsaṃ sammannatu, ṭhapetvā gāmañca gāmūpacārañca. Evañca pana, bhikkhave, sammannitabbā. Byattena bhikkhunā paṭibalena saṅgho ñāpetabbo –
144. ‘‘сун̣аад̇у мз, бханд̇з, сан̇гхо. яаа саа сан̇гхзна сиймаа саммад̇аа самаанасам̣ваасаа згубосат̇аа яад̣̇и сан̇гхасса бад̇д̇агаллам̣, сан̇гхо д̇ам̣ сиймам̣ д̇ижийварзна авиббаваасам̣ самманнзяяа, табзд̇ваа г̇ааман̃жа г̇аамуубажааран̃жа. зсаа н̃ад̇д̇и.
144. ‘‘Suṇātu me, bhante, saṅgho. Yā sā saṅghena sīmā sammatā samānasaṃvāsā ekuposathā yadi saṅghassa pattakallaṃ, saṅgho taṃ sīmaṃ ticīvarena avippavāsaṃ sammanneyya, ṭhapetvā gāmañca gāmūpacārañca. Esā ñatti.
‘‘сун̣аад̇у мз, бханд̇з, сан̇гхо. яаа саа сан̇гхзна сиймаа саммад̇аа самаанасам̣ваасаа згубосат̇аа, сан̇гхо д̇ам̣ сиймам̣ д̇ижийварзна авиббаваасам̣ самманнад̇и, табзд̇ваа г̇ааман̃жа г̇аамуубажааран̃жа. яассааяасмад̇о камад̇и зд̇иссаа сиймааяа д̇ижийварзна авиббаваасааяа 7 саммуд̇и, табзд̇ваа г̇ааман̃жа г̇аамуубажааран̃жа, со д̇ун̣хасса; яасса нагкамад̇и, со бхаасзяяа. саммад̇аа саа сиймаа сан̇гхзна д̇ижийварзна авиббаваасаа 8, табзд̇ваа г̇ааман̃жа г̇аамуубажааран̃жа. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Suṇātu me, bhante, saṅgho. Yā sā saṅghena sīmā sammatā samānasaṃvāsā ekuposathā, saṅgho taṃ sīmaṃ ticīvarena avippavāsaṃ sammannati, ṭhapetvā gāmañca gāmūpacārañca. Yassāyasmato khamati etissā sīmāya ticīvarena avippavāsāya 9 sammuti, ṭhapetvā gāmañca gāmūpacārañca, so tuṇhassa; yassa nakkhamati, so bhāseyya. Sammatā sā sīmā saṅghena ticīvarena avippavāsā 10, ṭhapetvā gāmañca gāmūpacārañca. Khamati saṅghassa, tasmā tuṇhī, evametaṃ dhārayāmī’’ti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / авиббаваасасиймаануж̇аананагат̇аа • Avippavāsasīmānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / авиббаваасасиймаануж̇аананагат̇ааван̣н̣анаа • Avippavāsasīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / авиббаваасасиймаануж̇аананагат̇ааван̣н̣анаа • Avippavāsasīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / авиббаваасасиймаануж̇аананагат̇ааван̣н̣анаа • Avippavāsasīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 74. авиббаваасасиймаануж̇аананагат̇аа • 74. Avippavāsasīmānujānanakathā
