| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੭੪. ਅવਿਪ੍ਪવਾਸਸੀਮਾਨੁਜਾਨਨਾ
74. Avippavāsasīmānujānanā
੧੪੩. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਮਹਾਕਸ੍ਸਪੋ ਅਨ੍ਧਕવਿਨ੍ਦਾ ਰਾਜਗਹਂ ਉਪੋਸਥਂ ਆਗਚ੍ਛਨ੍ਤੋ ਅਨ੍ਤਰਾਮਗ੍ਗੇ ਨਦਿਂ ਤਰਨ੍ਤੋ ਮਨਂ વੂਲ਼੍ਹੋ ਅਹੋਸਿ, ਚੀવਰਾਨਿਸ੍ਸ 1 ਅਲ੍ਲਾਨਿ। ਭਿਕ੍ਖੂ ਆਯਸ੍ਮਨ੍ਤਂ ਮਹਾਕਸ੍ਸਪਂ ਏਤਦવੋਚੁਂ – ‘‘ਕਿਸ੍ਸ ਤੇ, ਆવੁਸੋ, ਚੀવਰਾਨਿ ਅਲ੍ਲਾਨੀ’’ਤਿ? ‘‘ਇਧਾਹਂ, ਆવੁਸੋ, ਅਨ੍ਧਕવਿਨ੍ਦਾ ਰਾਜਗਹਂ ਉਪੋਸਥਂ ਆਗਚ੍ਛਨ੍ਤੋ ਅਨ੍ਤਰਾਮਗ੍ਗੇ ਨਦਿਂ ਤਰਨ੍ਤੋ ਮਨਮ੍ਹਿ વੂਲ਼੍ਹੋ। ਤੇਨ ਮੇ ਚੀવਰਾਨਿ ਅਲ੍ਲਾਨੀ’’ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਯਾ ਸਾ, ਭਿਕ੍ਖવੇ, ਸਙ੍ਘੇਨ ਸੀਮਾ ਸਮ੍ਮਤਾ ਸਮਾਨਸਂવਾਸਾ ਏਕੁਪੋਸਥਾ, ਸਙ੍ਘੋ ਤਂ ਸੀਮਂ ਤਿਚੀવਰੇਨ ਅવਿਪ੍ਪવਾਸਂ ਸਮ੍ਮਨ੍ਨਤੁ। ਏવਞ੍ਚ ਪਨ, ਭਿਕ੍ਖવੇ, ਸਮ੍ਮਨ੍ਨਿਤਬ੍ਬਾ। ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
143. Tena kho pana samayena āyasmā mahākassapo andhakavindā rājagahaṃ uposathaṃ āgacchanto antarāmagge nadiṃ taranto manaṃ vūḷho ahosi, cīvarānissa 2 allāni. Bhikkhū āyasmantaṃ mahākassapaṃ etadavocuṃ – ‘‘kissa te, āvuso, cīvarāni allānī’’ti? ‘‘Idhāhaṃ, āvuso, andhakavindā rājagahaṃ uposathaṃ āgacchanto antarāmagge nadiṃ taranto manamhi vūḷho. Tena me cīvarāni allānī’’ti. Bhagavato etamatthaṃ ārocesuṃ. Yā sā, bhikkhave, saṅghena sīmā sammatā samānasaṃvāsā ekuposathā, saṅgho taṃ sīmaṃ ticīvarena avippavāsaṃ sammannatu. Evañca pana, bhikkhave, sammannitabbā. Byattena bhikkhunā paṭibalena saṅgho ñāpetabbo –
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਯਾ ਸਾ ਸਙ੍ਘੇਨ ਸੀਮਾ ਸਮ੍ਮਤਾ ਸਮਾਨਸਂવਾਸਾ ਏਕੁਪੋਸਥਾ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ ਸਙ੍ਘੋ ਤਂ ਸੀਮਂ ਤਿਚੀવਰੇਨ ਅવਿਪ੍ਪવਾਸਂ ਸਮ੍ਮਨ੍ਨੇਯ੍ਯ। ਏਸਾ ਞਤ੍ਤਿ।
‘‘Suṇātu me, bhante, saṅgho. Yā sā saṅghena sīmā sammatā samānasaṃvāsā ekuposathā, yadi saṅghassa pattakallaṃ saṅgho taṃ sīmaṃ ticīvarena avippavāsaṃ sammanneyya. Esā ñatti.
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਯਾ ਸਾ ਸਙ੍ਘੇਨ ਸੀਮਾ ਸਮ੍ਮਤਾ ਸਮਾਨਸਂવਾਸਾ ਏਕੁਪੋਸਥਾ, ਸਙ੍ਘੋ ਤਂ ਸੀਮਂ ਤਿਚੀવਰੇਨ ਅવਿਪ੍ਪવਾਸਂ ਸਮ੍ਮਨ੍ਨਤਿ। ਯਸ੍ਸਾਯਸ੍ਮਤੋ ਖਮਤਿ ਏਤਿਸ੍ਸਾ ਸੀਮਾਯ ਤਿਚੀવਰੇਨ ਅવਿਪ੍ਪવਾਸਾਯ 3 ਸਮ੍ਮੁਤਿ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ। ਸਮ੍ਮਤਾ ਸਾ ਸੀਮਾ ਸਙ੍ਘੇਨ ਤਿਚੀવਰੇਨ ਅવਿਪ੍ਪવਾਸਾ 4। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Suṇātu me, bhante, saṅgho. Yā sā saṅghena sīmā sammatā samānasaṃvāsā ekuposathā, saṅgho taṃ sīmaṃ ticīvarena avippavāsaṃ sammannati. Yassāyasmato khamati etissā sīmāya ticīvarena avippavāsāya 5 sammuti, so tuṇhassa; yassa nakkhamati, so bhāseyya. Sammatā sā sīmā saṅghena ticīvarena avippavāsā 6. Khamati saṅghassa, tasmā tuṇhī, evametaṃ dhārayāmī’’ti.
ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਭਗવਤਾ ਤਿਚੀવਰੇਨ ਅવਿਪ੍ਪવਾਸਸਮ੍ਮੁਤਿ ਅਨੁਞ੍ਞਾਤਾਤਿ ਅਨ੍ਤਰਘਰੇ ਚੀવਰਾਨਿ ਨਿਕ੍ਖਿਪਨ੍ਤਿ। ਤਾਨਿ ਚੀવਰਾਨਿ ਨਸ੍ਸਨ੍ਤਿਪਿ ਡਯ੍ਹਨ੍ਤਿਪਿ ਉਨ੍ਦੂਰੇਹਿਪਿ ਖਜ੍ਜਨ੍ਤਿ। ਭਿਕ੍ਖੂ ਦੁਚ੍ਚੋਲ਼ਾ ਹੋਨ੍ਤਿ ਲੂਖਚੀવਰਾ। ਭਿਕ੍ਖੂ ਏવਮਾਹਂਸੁ – ‘‘ਕਿਸ੍ਸ ਤੁਮ੍ਹੇ, ਆવੁਸੋ, ਦੁਚ੍ਚੋਲ਼ਾ ਲੂਖਚੀવਰਾ’’ਤਿ? ‘‘ਇਧ ਮਯਂ, ਆવੁਸੋ, ਭਗવਤਾ ਤਿਚੀવਰੇਨ ਅવਿਪ੍ਪવਾਸਸਮ੍ਮੁਤਿ ਅਨੁਞ੍ਞਾਤਾਤਿ ਅਨ੍ਤਰਘਰੇ ਚੀવਰਾਨਿ ਨਿਕ੍ਖਿਪਿਮ੍ਹਾ । ਤਾਨਿ ਚੀવਰਾਨਿ ਨਟ੍ਠਾਨਿਪਿ ਦਡ੍ਢਾਨਿਪਿ, ਉਨ੍ਦੂਰੇਹਿਪਿ ਖਾਯਿਤਾਨਿ, ਤੇਨ ਮਯਂ ਦੁਚ੍ਚੋਲ਼ਾ ਲੂਖਚੀવਰਾ’’ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਯਾ ਸਾ, ਭਿਕ੍ਖવੇ, ਸਙ੍ਘੇਨ ਸੀਮਾ ਸਮ੍ਮਤਾ ਸਮਾਨਸਂવਾਸਾ ਏਕੁਪੋਸਥਾ, ਸਙ੍ਘੋ ਤਂ ਸੀਮਂ ਤਿਚੀવਰੇਨ ਅવਿਪ੍ਪવਾਸਂ ਸਮ੍ਮਨ੍ਨਤੁ, ਠਪੇਤ੍વਾ ਗਾਮਞ੍ਚ ਗਾਮੂਪਚਾਰਞ੍ਚ। ਏવਞ੍ਚ ਪਨ, ਭਿਕ੍ਖવੇ, ਸਮ੍ਮਨ੍ਨਿਤਬ੍ਬਾ। ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
Tena kho pana samayena bhikkhū bhagavatā ticīvarena avippavāsasammuti anuññātāti antaraghare cīvarāni nikkhipanti. Tāni cīvarāni nassantipi ḍayhantipi undūrehipi khajjanti. Bhikkhū duccoḷā honti lūkhacīvarā. Bhikkhū evamāhaṃsu – ‘‘kissa tumhe, āvuso, duccoḷā lūkhacīvarā’’ti? ‘‘Idha mayaṃ, āvuso, bhagavatā ticīvarena avippavāsasammuti anuññātāti antaraghare cīvarāni nikkhipimhā . Tāni cīvarāni naṭṭhānipi daḍḍhānipi, undūrehipi khāyitāni, tena mayaṃ duccoḷā lūkhacīvarā’’ti. Bhagavato etamatthaṃ ārocesuṃ. Yā sā, bhikkhave, saṅghena sīmā sammatā samānasaṃvāsā ekuposathā, saṅgho taṃ sīmaṃ ticīvarena avippavāsaṃ sammannatu, ṭhapetvā gāmañca gāmūpacārañca. Evañca pana, bhikkhave, sammannitabbā. Byattena bhikkhunā paṭibalena saṅgho ñāpetabbo –
੧੪੪. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਯਾ ਸਾ ਸਙ੍ਘੇਨ ਸੀਮਾ ਸਮ੍ਮਤਾ ਸਮਾਨਸਂવਾਸਾ ਏਕੁਪੋਸਥਾ ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਤਂ ਸੀਮਂ ਤਿਚੀવਰੇਨ ਅવਿਪ੍ਪવਾਸਂ ਸਮ੍ਮਨ੍ਨੇਯ੍ਯ, ਠਪੇਤ੍વਾ ਗਾਮਞ੍ਚ ਗਾਮੂਪਚਾਰਞ੍ਚ। ਏਸਾ ਞਤ੍ਤਿ।
144. ‘‘Suṇātu me, bhante, saṅgho. Yā sā saṅghena sīmā sammatā samānasaṃvāsā ekuposathā yadi saṅghassa pattakallaṃ, saṅgho taṃ sīmaṃ ticīvarena avippavāsaṃ sammanneyya, ṭhapetvā gāmañca gāmūpacārañca. Esā ñatti.
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਯਾ ਸਾ ਸਙ੍ਘੇਨ ਸੀਮਾ ਸਮ੍ਮਤਾ ਸਮਾਨਸਂવਾਸਾ ਏਕੁਪੋਸਥਾ, ਸਙ੍ਘੋ ਤਂ ਸੀਮਂ ਤਿਚੀવਰੇਨ ਅવਿਪ੍ਪવਾਸਂ ਸਮ੍ਮਨ੍ਨਤਿ, ਠਪੇਤ੍વਾ ਗਾਮਞ੍ਚ ਗਾਮੂਪਚਾਰਞ੍ਚ। ਯਸ੍ਸਾਯਸ੍ਮਤੋ ਖਮਤਿ ਏਤਿਸ੍ਸਾ ਸੀਮਾਯ ਤਿਚੀવਰੇਨ ਅવਿਪ੍ਪવਾਸਾਯ 7 ਸਮ੍ਮੁਤਿ, ਠਪੇਤ੍વਾ ਗਾਮਞ੍ਚ ਗਾਮੂਪਚਾਰਞ੍ਚ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ। ਸਮ੍ਮਤਾ ਸਾ ਸੀਮਾ ਸਙ੍ਘੇਨ ਤਿਚੀવਰੇਨ ਅવਿਪ੍ਪવਾਸਾ 8, ਠਪੇਤ੍વਾ ਗਾਮਞ੍ਚ ਗਾਮੂਪਚਾਰਞ੍ਚ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Suṇātu me, bhante, saṅgho. Yā sā saṅghena sīmā sammatā samānasaṃvāsā ekuposathā, saṅgho taṃ sīmaṃ ticīvarena avippavāsaṃ sammannati, ṭhapetvā gāmañca gāmūpacārañca. Yassāyasmato khamati etissā sīmāya ticīvarena avippavāsāya 9 sammuti, ṭhapetvā gāmañca gāmūpacārañca, so tuṇhassa; yassa nakkhamati, so bhāseyya. Sammatā sā sīmā saṅghena ticīvarena avippavāsā 10, ṭhapetvā gāmañca gāmūpacārañca. Khamati saṅghassa, tasmā tuṇhī, evametaṃ dhārayāmī’’ti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਅવਿਪ੍ਪવਾਸਸੀਮਾਨੁਜਾਨਨਕਥਾ • Avippavāsasīmānujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅવਿਪ੍ਪવਾਸਸੀਮਾਨੁਜਾਨਨਕਥਾવਣ੍ਣਨਾ • Avippavāsasīmānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅવਿਪ੍ਪવਾਸਸੀਮਾਨੁਜਾਨਨਕਥਾવਣ੍ਣਨਾ • Avippavāsasīmānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅવਿਪ੍ਪવਾਸਸੀਮਾਨੁਜਾਨਨਕਥਾવਣ੍ਣਨਾ • Avippavāsasīmānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੭੪. ਅવਿਪ੍ਪવਾਸਸੀਮਾਨੁਜਾਨਨਕਥਾ • 74. Avippavāsasīmānujānanakathā
