| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੭੪. ਅવਿਪ੍ਪવਾਸਸੀਮਾਨੁਜਾਨਨਕਥਾ
74. Avippavāsasīmānujānanakathā
੧੪੩. ਅਨ੍ਧਕવਿਨ੍ਦਂ ਨਾਮਾਤਿ ਤਸ੍ਸ ਗਾਮਸ੍ਸ ਨਾਮਂ। ਤਨ੍ਤਿ ਅਨ੍ਧਕવਿਨ੍ਦਂ। ਥੇਰੋਤਿ ਮਹਾਕਸ੍ਸਪਤ੍ਥੇਰੋ। ਤਤੋਤਿ ਅਨ੍ਧਕવਿਨ੍ਦਤੋ। ਇਮਿਨਾ ‘‘ਅਨ੍ਧਕવਿਨ੍ਦਾ’’ਤਿ ਏਤ੍ਥ ਨਿਸ੍ਸਕ੍ਕਤ੍ਥੇ ਨਿਸ੍ਸਕ੍ਕવਚਨਨ੍ਤਿ ਦਸ੍ਸੇਤਿ। ਉਪੋਸਥਨ੍ਤਿ ਤਦਤ੍ਥੇ ਉਪਯੋਗવਚਨਂ। ਉਪੋਸਥਤ੍ਥਾਯਾਤਿ ਹਿ ਅਤ੍ਥੋ। ਅਨ੍ਧਕવਿਨ੍ਦਾ ਰਾਜਗਹਂ ਆਗਮਨਸ੍ਸ ਕਾਰਣਂ ਦਸ੍ਸੇਨ੍ਤੋ ਆਹ ‘‘ਰਾਜਗਹਂ ਹੀ’’ਤਿਆਦਿ। ਤਤ੍ਥ ਹੀਤਿ ਯਸ੍ਮਾ। ਅਨ੍ਧਕવਿਨ੍ਦਾ વਿਹਾਰਂ ਅਨ੍ਤੋ ਕਤ੍વਾ ‘‘ਅਟ੍ਠਾਰਸ ਮਹਾવਿਹਾਰਾ’’ਤਿ વੁਤ੍ਤਂ। ਨੇਸਨ੍ਤਿ ਅਟ੍ਠਾਰਸਨ੍ਨਂ ਮਹਾવਿਹਾਰਾਨਂ। ਸਙ੍ਘਸ੍ਸ ਸਾਮਗ੍ਗਿਦਾਨਤ੍ਥਨ੍ਤਿ ਏਤ੍ਥ ਸਙ੍ਘਸ੍ਸ ਸਾਮਗ੍ਗਿਦਾਨਂ ਅਤ੍ਤਨੋ ਉਪੋਸਥਕਿਚ੍ਚਂ ਸਿਦ੍ਧਂ। ਤਸ੍ਮਾ ਪਾਲ਼ਿਯਂ ‘‘ਉਪੋਸਥਂ ਆਗਚ੍ਛਨ੍ਤੋ’’ਤਿ વੁਤ੍ਤਂ। ‘‘ਸਿਪ੍ਪਿਨਿਯਂ ਨਾਮਾ’’ਤਿ ਇਮਿਨਾ ਨਦਿਂ ਤਰਨ੍ਤੋਤਿ ਏਤ੍ਥ ਨਦਿਯਾ ਨਾਮਂ ਦਸ੍ਸੇਤਿ। ਮਨਂ વੂਲ਼੍ਹੋਤਿ ਏਤ੍ਥ ਮਨਨ੍ਤਿ ਨਿਪਾਤੋ ਈਸਕਤ੍ਥੋਤਿ ਦਸ੍ਸੇਨ੍ਤੋ ਆਹ ‘‘ਈਸਕ’’ਨ੍ਤਿ। ‘‘ਅਪ੍ਪਮਤ੍ਤ’’ਨ੍ਤਿ ਇਮਿਨਾ ‘‘ਈਸਕ’’ਨ੍ਤਿਪਦਸ੍ਸ ਅਤ੍ਥਂ ਦਸ੍ਸੇਤਿ। ‘‘વੂਲ਼੍ਹਭਾવੋ’’ਤਿ ਇਮਿਨਾ ਭਾવਪਚ੍ਚਯੇਨ વਿਨਾ ਭਾવਤ੍ਥੋ ਞਾਤਬ੍ਬੋਤਿ ਦਸ੍ਸੇਤਿ। ਚਣ੍ਡੇਨਾਤਿ ਖਰੇਨ। ਤਤ੍ਥਾਤਿ ਨਦਿਯਂ। ਅਮਨਸਿਕਰੋਨ੍ਤੋਤਿ ‘‘ਚਣ੍ਡਸੋਤ’’ਨ੍ਤਿ ਆਭੋਗਂ ਅਕਰੋਨ੍ਤੋ। ਨ ਪਨ વੂਲ਼੍ਹੋਤਿ ਨ ਪਨ ਮਹਾવੂਲ਼੍ਹੋ। ਉਦਕਬ੍ਭਾਹਤਾਨੀਤਿ ਉਦਕੇਨ ਅਭਿਆਹਤਾਨਿ। ਅਸ੍ਸਾਤਿ ਥੇਰਸ੍ਸ। ਅਲ੍ਲਾਨੀਤਿ ਤਿਨ੍ਤਾਨਿ।
143.Andhakavindaṃ nāmāti tassa gāmassa nāmaṃ. Tanti andhakavindaṃ. Theroti mahākassapatthero. Tatoti andhakavindato. Iminā ‘‘andhakavindā’’ti ettha nissakkatthe nissakkavacananti dasseti. Uposathanti tadatthe upayogavacanaṃ. Uposathatthāyāti hi attho. Andhakavindā rājagahaṃ āgamanassa kāraṇaṃ dassento āha ‘‘rājagahaṃ hī’’tiādi. Tattha hīti yasmā. Andhakavindā vihāraṃ anto katvā ‘‘aṭṭhārasa mahāvihārā’’ti vuttaṃ. Nesanti aṭṭhārasannaṃ mahāvihārānaṃ. Saṅghassa sāmaggidānatthanti ettha saṅghassa sāmaggidānaṃ attano uposathakiccaṃ siddhaṃ. Tasmā pāḷiyaṃ ‘‘uposathaṃ āgacchanto’’ti vuttaṃ. ‘‘Sippiniyaṃ nāmā’’ti iminā nadiṃ tarantoti ettha nadiyā nāmaṃ dasseti. Manaṃ vūḷhoti ettha mananti nipāto īsakatthoti dassento āha ‘‘īsaka’’nti. ‘‘Appamatta’’nti iminā ‘‘īsaka’’ntipadassa atthaṃ dasseti. ‘‘Vūḷhabhāvo’’ti iminā bhāvapaccayena vinā bhāvattho ñātabboti dasseti. Caṇḍenāti kharena. Tatthāti nadiyaṃ. Amanasikarontoti ‘‘caṇḍasota’’nti ābhogaṃ akaronto. Na pana vūḷhoti na pana mahāvūḷho. Udakabbhāhatānīti udakena abhiāhatāni. Assāti therassa. Allānīti tintāni.
੧੪੪. ਪੁਰਿਮਕਮ੍ਮવਾਚਾਤਿ ‘‘ਸਮ੍ਮਤਾ ਸਾ ਸੀਮਾ ਸਙ੍ਘੇਨ ਤਿਚੀવਰੇਨ ਅવਿਪ੍ਪવਾਸਾ’’ਤਿ ਪੁਰੇ વੁਤ੍ਤਾ ਕਮ੍ਮવਾਚਾ। ਅਯਮੇવਾਤਿ ‘‘ਠਪੇਤ੍વਾ ਗਾਮਞ੍ਚ ਗਾਮੂਪਚਾਰਞ੍ਚਾ’’ਤਿਪਦਂ ਪਕ੍ਖਿਪਿਤ੍વਾ ਅਨੁਪਞ੍ਞਤ੍ਤਾ ਅਯਮੇવ ਕਮ੍ਮવਾਚਾ। ਅਯਨ੍ਤਿ ਪਚ੍ਛਿਮਕਮ੍ਮવਾਚਾ। ਹਿ ਯਸ੍ਮਾ ਭਿਕ੍ਖੁਨਿਸਙ੍ਘੋ ਅਨ੍ਤੋਗਾਮੇ વਸਤਿ, ਤਸ੍ਮਾ ਪੁਰਿਮਾਯੇવ વਟ੍ਟਤੀਤਿ ਯੋਜਨਾ। ਯਦਿ ਏવਨ੍ਤਿ ਯਦਿ ਭਿਕ੍ਖੁਨਿਸਙ੍ਘਸ੍ਸ ਅਯਂ ਪਚ੍ਛਿਮਕਮ੍ਮવਾਚਾ વਟ੍ਟਨਂ ਸਿਯਾ ਭવੇਯ੍ਯ, ਏવਂ ਸਤੀਤਿ ਯੋਜਨਾ। ਸੋਤਿ ਭਿਕ੍ਖੁਨਿਸਙ੍ਘੋ। ਏਤਾਯ ਕਮ੍ਮવਾਚਾਯਾਤਿ ਪਚ੍ਛਿਮਕਮ੍ਮવਾਚਾਯ। ਨ ਲਭੇਯ੍ਯਾਤਿ ਅਨ੍ਤੋਗਾਮੇ વਸਨਤ੍ਤਾ ਤਿਚੀવਰਪਰਿਹਾਰਂ ਨ ਲਭੇਯ੍ਯ। ਕਿਂ ਨ ਲਭਤਿਯੇવਾਤਿ ਆਹ ‘‘ਅਤ੍ਥਿ ਚਸ੍ਸ ਪਰਿਹਾਰੋ’’ਤਿ। ਅਸ੍ਸਾਤਿ ਭਿਕ੍ਖੁਨਿਸਙ੍ਘਸ੍ਸ। ਦ੍વੇਪਿ ਸੀਮਾਯੋਤਿ ਸਮਾਨਸਂવਾਸਕਸੀਮਾ ਚ ਅવਿਪ੍ਪવਾਸਸੀਮਾ ਚਾਤਿ ਦ੍વੇਪਿ ਸੀਮਾਯੋ। ਤਤ੍ਥਾਤਿ ਭਿਕ੍ਖੁਭਿਕ੍ਖੁਨੀਸੁ। ਤਸ੍ਸਾਤਿ ਭਿਕ੍ਖੂਨਂ ਸੀਮਾਯ। ਏਸੇવ ਨਯੋਤਿ ਭਿਕ੍ਖੁਨੀਨਂ ਸੀਮਂ ਅਜ੍ਝੋਤ੍ਥਰਿਤ੍વਾਪਿ ਅਨ੍ਤੋਪવਿਸਿਤ੍વਾਪਿ ਭਿਕ੍ਖੂਨਂ ਸੀਮਾਯ ਸਮ੍ਮਨੇ ਏਸੇવ ਨਯੋ। ਏਤੇਤਿ ਭਿਕ੍ਖੁਭਿਕ੍ਖੁਨਿਯੋ। ਸਾਮਞ੍ਞਤ੍ਤਾ ਹਿ ਪੁਲ੍ਲਿਙ੍ਗੇਨ વੁਤ੍ਤਂ। ਏਤ੍ਥ ਚਾਤਿ ‘‘ਠਪੇਤ੍વਾ ਗਾਮਞ੍ਚ ਗਾਮੂਪਚਾਰਞ੍ਚਾ’’ਤਿਪਦੇ ਚ। ਸਙ੍ਗਹੋ વੇਦਿਤਬ੍ਬੋ, ਕਸ੍ਮਾ? ਗਾਮੇਨ ਨਿਗਮਨਗਰਾਨਂ ਏਕਲਕ੍ਖਣਤ੍ਤਾ।
144.Purimakammavācāti ‘‘sammatā sā sīmā saṅghena ticīvarena avippavāsā’’ti pure vuttā kammavācā. Ayamevāti ‘‘ṭhapetvā gāmañca gāmūpacārañcā’’tipadaṃ pakkhipitvā anupaññattā ayameva kammavācā. Ayanti pacchimakammavācā. Hi yasmā bhikkhunisaṅgho antogāme vasati, tasmā purimāyeva vaṭṭatīti yojanā. Yadi evanti yadi bhikkhunisaṅghassa ayaṃ pacchimakammavācā vaṭṭanaṃ siyā bhaveyya, evaṃ satīti yojanā. Soti bhikkhunisaṅgho. Etāya kammavācāyāti pacchimakammavācāya. Na labheyyāti antogāme vasanattā ticīvaraparihāraṃ na labheyya. Kiṃ na labhatiyevāti āha ‘‘atthi cassa parihāro’’ti. Assāti bhikkhunisaṅghassa. Dvepi sīmāyoti samānasaṃvāsakasīmā ca avippavāsasīmā cāti dvepi sīmāyo. Tatthāti bhikkhubhikkhunīsu. Tassāti bhikkhūnaṃ sīmāya. Eseva nayoti bhikkhunīnaṃ sīmaṃ ajjhottharitvāpi antopavisitvāpi bhikkhūnaṃ sīmāya sammane eseva nayo. Eteti bhikkhubhikkhuniyo. Sāmaññattā hi pulliṅgena vuttaṃ. Ettha cāti ‘‘ṭhapetvā gāmañca gāmūpacārañcā’’tipade ca. Saṅgaho veditabbo, kasmā? Gāmena nigamanagarānaṃ ekalakkhaṇattā.
ਪਰਿਕ੍ਖੇਪੋਕਾਸੋਤਿ ਪਰਿਕ੍ਖੇਪਾਰਹੋਕਾਸੋ। ਤੇਸੂਤਿ ਗਾਮਗਾਮੂਪਚਾਰੇਸੁ। ਪਰਿਹਾਰਨ੍ਤਿ ਚੀવਰવਿਪ੍ਪવਾਸਆਪਤ੍ਤਿਅਪਨਯਨਂ। ‘‘ਇਤੀ’’ਤਿਆਦਿ ਨਿਗਮਨਂ। ਏਤ੍ਥਾਤਿ ਸਮਾਨਸਂવਾਸਕਅવਿਪ੍ਪવਾਸਸੀਮਾਸੁ। ਅਤ੍ਤਨੋ ਧਮ੍ਮਤਾਯਾਤਿ ਅਤ੍ਤਨੋ ਸਭਾવੇਨ। ਯਤ੍ਥਾਤਿ ਯਸ੍ਮਿਂ ਠਾਨੇ। ਹੀਤਿ ਸਚ੍ਚਂ, ਯਸ੍ਮਾ વਾ। ਤਸ੍ਸਾਤਿ ਅવਿਪ੍ਪવਾਸਸੀਮਾਯ। વਿਸੁਨ੍ਤਿ ਸਮਾਨਸਂવਾਸਕਸੀਮਤੋ ਪਾਟੇਕ੍ਕਂ। ਤਤ੍ਥਾਤਿ ਦ੍વੀਸੁ ਸੀਮਾਸੁ। ਅવਿਪ੍ਪવਾਸਾਯਾਤਿ ਅવਿਪ੍ਪવਾਸਸੀਮਾਯ। ਤਨ੍ਤਿ ਗਾਮਂ। ਸਾਤਿ ਅવਿਪ੍ਪવਾਸਸੀਮਾ। ਸਮ੍ਮਤਾਯ ਸੀਮਾਯਾਤਿ ਅવਿਪ੍ਪવਾਸਸੀਮਾਯ ਸਮ੍ਮਤਾਯ ਸਤਿਯਾਤਿ ਸਮ੍ਬਨ੍ਧੋ। ਸਮ੍ਮਤਤੋ ਪਚ੍ਛਾਤਿ વਾ ਯੋਜਨਾ। ਨਿવਿਸਤੀਤਿ ਨਿવਾਸਤ੍ਥਾਯ વਿਸਤਿ ਪવਿਸਤਿ। ਸੋਪੀਤਿ ਗਾਮੋਪਿ। ਸੀਮਸਙ੍ਖ੍ਯਂਯੇવਾਤਿ ਅવਿਪ੍ਪਾਸਸੀਮવੋਹਾਰਮੇવ। ਅਧਿਟ੍ਠਿਤਤੇਚੀવਰਿਕਾ ਭਿਕ੍ਖੂ ਪਰਿਹਾਰਂ ਲਭਨ੍ਤੀਤਿ ਅਧਿਪ੍ਪਾਯੋ। ਯਥਾ ਪਚ੍ਛਾ ਨਿવਿਟ੍ਠੋ ਗਾਮੋ ਸੀਮਸਙ੍ਖ੍ਯਂਯੇવ ਗਚ੍ਛਤਿ, ਏવਨ੍ਤਿ ਯੋਜਨਾ। ‘‘ਪવਿਸਿਸ੍ਸਾਮਾ’’ਤਿ ਗੇਹਾਨਿ ਕਤਾਨਿ, ‘‘ਪવਿਸਿਸ੍ਸਾਮਾ’’ਤਿ ਆਲਯੋਪਿ ਅਤ੍ਥੀਤਿ ਯੋਜਨਾ। ਆਲਯੋਪੀਤਿ ਅਪੇਕ੍ਖੋਪਿ। ਅਪવਿਟ੍ਠਾਤਿ ਗੇਹਾਨਿ ਅਪવਿਟ੍ਠਾ। ਗੇਹਮੇવ ਛਡ੍ਡੇਤ੍વਾਤਿ ਗੇਹਂ ਛਡ੍ਡੇਤ੍વਾ ਏવ। ਇਮਿਨਾ ਗੇਹੇ ਛਡ੍ਡਿਤੇ ਸਬ੍ਬਂ ਛਡ੍ਡਿਤਮੇવਾਤਿ ਦਸ੍ਸੇਤਿ। ਪવਿਟ੍ਠਂ વਾ ਅਗਤਂ વਾ ਏਕਮ੍ਪਿ ਕੁਲਂ ਅਤ੍ਥਿ ਸਚੇਤਿ ਯੋਜਨਾ। ਏਤ੍ਥ ਚ ‘‘ਏਕਮ੍ਪਿ ਕੁਲਂ ਪવਿਟ੍ਠਂ વਾ’’ਤਿ ਇਦਂ ਨવਗਾਮਂ ਸਨ੍ਧਾਯ વੁਤ੍ਤਂ। ‘‘ਏਕਮ੍ਪਿ ਕੁਲਂ ਅਗਤਂ વਾ’’ਤਿ ਇਦਂ ਪੋਰਾਣਕਗਾਮਂ ਸਨ੍ਧਾਯਾਤਿ ਦਟ੍ਠਬ੍ਬਂ।
Parikkhepokāsoti parikkhepārahokāso. Tesūti gāmagāmūpacāresu. Parihāranti cīvaravippavāsaāpattiapanayanaṃ. ‘‘Itī’’tiādi nigamanaṃ. Etthāti samānasaṃvāsakaavippavāsasīmāsu. Attano dhammatāyāti attano sabhāvena. Yatthāti yasmiṃ ṭhāne. Hīti saccaṃ, yasmā vā. Tassāti avippavāsasīmāya. Visunti samānasaṃvāsakasīmato pāṭekkaṃ. Tatthāti dvīsu sīmāsu. Avippavāsāyāti avippavāsasīmāya. Tanti gāmaṃ. Sāti avippavāsasīmā. Sammatāya sīmāyāti avippavāsasīmāya sammatāya satiyāti sambandho. Sammatato pacchāti vā yojanā. Nivisatīti nivāsatthāya visati pavisati. Sopīti gāmopi. Sīmasaṅkhyaṃyevāti avippāsasīmavohārameva. Adhiṭṭhitatecīvarikā bhikkhū parihāraṃ labhantīti adhippāyo. Yathā pacchā niviṭṭho gāmo sīmasaṅkhyaṃyeva gacchati, evanti yojanā. ‘‘Pavisissāmā’’ti gehāni katāni, ‘‘pavisissāmā’’ti ālayopi atthīti yojanā. Ālayopīti apekkhopi. Apaviṭṭhāti gehāni apaviṭṭhā. Gehameva chaḍḍetvāti gehaṃ chaḍḍetvā eva. Iminā gehe chaḍḍite sabbaṃ chaḍḍitamevāti dasseti. Paviṭṭhaṃ vā agataṃ vā ekampi kulaṃ atthi saceti yojanā. Ettha ca ‘‘ekampi kulaṃ paviṭṭhaṃ vā’’ti idaṃ navagāmaṃ sandhāya vuttaṃ. ‘‘Ekampi kulaṃ agataṃ vā’’ti idaṃ porāṇakagāmaṃ sandhāyāti daṭṭhabbaṃ.
ਤਤ੍ਰਾਤਿ ‘‘વਤ੍ਤਂ ਜਾਨਿਤਬ੍ਬ’’ਨ੍ਤਿવਚਨੇ। ਅવਿਪ੍ਪવਾਸਸੀਮਾਯਨ੍ਤਿ ਮਹਾਸੀਮਾਯ। ਸਾ ਏવ ਹਿ ਯਸ੍ਮਾ ਅવਿਪ੍ਪવਾਸਕਮ੍ਮવਾਚਾਯ ਬਹੁਲਪਯੋਜਨਾ ਹੋਤਿ, ਤਸ੍ਮਾ ਅવਿਪ੍ਪવਾਸਸੀਮਾਤਿ વੁਚ੍ਚਤਿ। ਇਤਰਾਯਾਤਿ ਅવਿਪ੍ਪવਾਸਸੀਮਾਯ। ਤਤ੍ਥਾਤਿ ਤਾਸੁ ਦ੍વੀਸੁ ਸੀਮਾਸੁ। ਨਿਰਾਸਙ੍ਕਟ੍ਠਾਨੇਸੁ ਠਤ੍વਾਤਿ ਚੇਤਿਯਙ੍ਗਣਾਦੀਨਂ ਖਣ੍ਡਸੀਮਾਯ ਅਨੋਕਾਸਤ੍ਤਾ વੁਤ੍ਤਂ। ਖਣ੍ਡਸੀਮਞ੍ਹਿ ਸਮ੍ਮਨਨ੍ਤਾ ਚੇਤਿਯਙ੍ਗਣਾਦਿਟ੍ਠਾਨਂ ਪਹਾਯ ਅਞ੍ਞਸ੍ਮਿਂ વਿવਿਤ੍ਤੋਕਾਸੇ વਿਹਾਰਪਚ੍ਚਨ੍ਤਂ ਖਣ੍ਡਿਤ੍વਾ ਸਮ੍ਮਨਨ੍ਤਿ। ਸਮੂਹਨਿਤੁਨ੍ਤਿ ਅવਿਪ੍ਪવਾਸਸੀਮਂ ਸਮੂਹਨਿਤੁਂ। ਪਟਿਬਨ੍ਧਿਤੁਂ ਨ ਸਕ੍ਖਿਸ੍ਸਨ੍ਤੇવਾਤਿ ਅવਿਪ੍ਪવਾਸਂਯੇવ ਜਾਨਿਤ੍વਾ ਖਣ੍ਡਸੀਮਾਯ ਅਞ੍ਞਾਤਤ੍ਤਾ ਪਟਿਬਨ੍ਧਿਤੁਂ ਨ ਸਕ੍ਖਿਸ੍ਸਨ੍ਤੇવ। ਸੀਮਸਮ੍ਭੇਦਨ੍ਤਿ ਖਣ੍ਡਸੀਮਅવਿਪ੍ਪવਾਸਸੀਮਾਨਂ ਸਮ੍ਭੇਦਂ। ਸਾਸਨਨ੍ਤਰਧਾਨੇਨ વਾਤਿ ਸਤ੍ਥੁ ਆਣਾਯ ਅਨ੍ਤਰਧਾਨੇਨ વਾ। ਸਾਧੁਕਂ ਪਨਾਤਿ ਨਿਕ੍ਕਙ੍ਖਂ ਪਨ।
Tatrāti ‘‘vattaṃ jānitabba’’ntivacane. Avippavāsasīmāyanti mahāsīmāya. Sā eva hi yasmā avippavāsakammavācāya bahulapayojanā hoti, tasmā avippavāsasīmāti vuccati. Itarāyāti avippavāsasīmāya. Tatthāti tāsu dvīsu sīmāsu. Nirāsaṅkaṭṭhānesu ṭhatvāti cetiyaṅgaṇādīnaṃ khaṇḍasīmāya anokāsattā vuttaṃ. Khaṇḍasīmañhi sammanantā cetiyaṅgaṇādiṭṭhānaṃ pahāya aññasmiṃ vivittokāse vihārapaccantaṃ khaṇḍitvā sammananti. Samūhanitunti avippavāsasīmaṃ samūhanituṃ. Paṭibandhituṃ na sakkhissantevāti avippavāsaṃyeva jānitvā khaṇḍasīmāya aññātattā paṭibandhituṃ na sakkhissanteva. Sīmasambhedanti khaṇḍasīmaavippavāsasīmānaṃ sambhedaṃ. Sāsanantaradhānena vāti satthu āṇāya antaradhānena vā. Sādhukaṃ panāti nikkaṅkhaṃ pana.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੭੪. ਅવਿਪ੍ਪવਾਸਸੀਮਾਨੁਜਾਨਨਾ • 74. Avippavāsasīmānujānanā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਅવਿਪ੍ਪવਾਸਸੀਮਾਨੁਜਾਨਨਕਥਾ • Avippavāsasīmānujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅવਿਪ੍ਪવਾਸਸੀਮਾਨੁਜਾਨਨਕਥਾવਣ੍ਣਨਾ • Avippavāsasīmānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅવਿਪ੍ਪવਾਸਸੀਮਾਨੁਜਾਨਨਕਥਾવਣ੍ਣਨਾ • Avippavāsasīmānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅવਿਪ੍ਪવਾਸਸੀਮਾਨੁਜਾਨਨਕਥਾવਣ੍ਣਨਾ • Avippavāsasīmānujānanakathāvaṇṇanā
