| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
ависсаж̇ж̇ияавад̇т̇у
Avissajjiyavatthu
321. д̇зна ко бана самаязна саавад̇т̇ияаа авид̣̇уурз ан̃н̃ад̇арасмим̣ г̇аамагааваасз ааваасигаа бхигкуу убад̣̇д̣̇уд̇аа хонд̇и ааг̇анд̇угаг̇амигаанам̣ бхигкуунам̣ сзнаасанам̣ бан̃н̃абзнд̇аа. ат̇а ко д̇зсам̣ бхигкуунам̣ зд̇ад̣̇ахоси – ‘‘зд̇арахи ко маяам̣, аавусо, убад̣̇д̣̇уд̇аа ааг̇анд̇угаг̇амигаанам̣ бхигкуунам̣ сзнаасанам̣ бан̃н̃абзнд̇аа. ханд̣̇а маяам̣, аавусо, саб̣б̣ам̣ сан̇гхигам̣ сзнаасанам̣ згасса д̣̇зма. д̇асса санд̇агам̣ барибхун̃ж̇иссаамаа’’д̇и. д̇з саб̣б̣ам̣ сан̇гхигам̣ сзнаасанам̣ згасса ад̣̇ам̣су. ааг̇анд̇угаа бхигкуу д̇з бхигкуу зд̇ад̣̇авожум̣ – ‘‘амхаагам̣, аавусо, сзнаасанам̣ бан̃н̃аабзт̇аа’’д̇и. ‘‘над̇т̇аавусо, сан̇гхигам̣ сзнаасанам̣; саб̣б̣ам̣ амхзхи згасса д̣̇инна’’нд̇и. ‘‘гим̣ бана д̇умхз, аавусо, сан̇гхигам̣ сзнаасанам̣ виссаж̇ж̇зт̇аа’’д̇и? ‘‘звамаавусо’’д̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуу сан̇гхигам̣ сзнаасанам̣ виссаж̇ж̇зссанд̇ий’’д̇и 1! ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира, бхигкавз, бхигкуу сан̇гхигам̣ сзнаасанам̣ виссаж̇ж̇знд̇ий’’д̇и? ‘‘сажжам̣ бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… ‘‘гат̇ан̃хи наама д̇з, бхигкавз, могхабурисаа сан̇гхигам̣ сзнаасанам̣ виссаж̇ж̇зссанд̇и? нзд̇ам̣, бхигкавз, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси –
321. Tena kho pana samayena sāvatthiyā avidūre aññatarasmiṃ gāmakāvāse āvāsikā bhikkhū upaddutā honti āgantukagamikānaṃ bhikkhūnaṃ senāsanaṃ paññapentā. Atha kho tesaṃ bhikkhūnaṃ etadahosi – ‘‘etarahi kho mayaṃ, āvuso, upaddutā āgantukagamikānaṃ bhikkhūnaṃ senāsanaṃ paññapentā. Handa mayaṃ, āvuso, sabbaṃ saṅghikaṃ senāsanaṃ ekassa dema. Tassa santakaṃ paribhuñjissāmā’’ti. Te sabbaṃ saṅghikaṃ senāsanaṃ ekassa adaṃsu. Āgantukā bhikkhū te bhikkhū etadavocuṃ – ‘‘amhākaṃ, āvuso, senāsanaṃ paññāpethā’’ti. ‘‘Natthāvuso, saṅghikaṃ senāsanaṃ; sabbaṃ amhehi ekassa dinna’’nti. ‘‘Kiṃ pana tumhe, āvuso, saṅghikaṃ senāsanaṃ vissajjethā’’ti? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhū saṅghikaṃ senāsanaṃ vissajjessantī’’ti 2! Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave, bhikkhū saṅghikaṃ senāsanaṃ vissajjentī’’ti? ‘‘Saccaṃ bhagavā’’ti. Vigarahi buddho bhagavā…pe… ‘‘kathañhi nāma te, bhikkhave, moghapurisā saṅghikaṃ senāsanaṃ vissajjessanti? Netaṃ, bhikkhave, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi –
‘‘бан̃жимаани, бхигкавз, ависсаж̇ж̇ияаани, на виссаж̇ж̇зд̇аб̣б̣аани 3, сан̇гхзна ваа г̇ан̣зна ваа буг̇г̇алзна ваа. виссаж̇ж̇ид̇ааниби ависсаж̇ж̇ид̇аани хонд̇и. яо виссаж̇ж̇зяяа, аабад̇д̇и т̇уллажжаяасса. гад̇амаани бан̃жа? аараамо, аараамавад̇т̇у – ид̣̇ам̣ батамам̣ ависсаж̇ж̇ияам̣, на виссаж̇ж̇зд̇аб̣б̣ам̣, сан̇гхзна ваа г̇ан̣зна ваа буг̇г̇алзна ваа. виссаж̇ж̇ид̇амби ависсаж̇ж̇ид̇ам̣ ход̇и. яо виссаж̇ж̇зяяа, аабад̇д̇и т̇уллажжаяасса.
‘‘Pañcimāni, bhikkhave, avissajjiyāni, na vissajjetabbāni 4, saṅghena vā gaṇena vā puggalena vā. Vissajjitānipi avissajjitāni honti. Yo vissajjeyya, āpatti thullaccayassa. Katamāni pañca? Ārāmo, ārāmavatthu – idaṃ paṭhamaṃ avissajjiyaṃ, na vissajjetabbaṃ, saṅghena vā gaṇena vā puggalena vā. Vissajjitampi avissajjitaṃ hoti. Yo vissajjeyya, āpatti thullaccayassa.
‘‘вихааро, вихааравад̇т̇у – ид̣̇ам̣ д̣̇уд̇ияам̣ ависсаж̇ж̇ияам̣, на виссаж̇ж̇зд̇аб̣б̣ам̣, сан̇гхзна ваа г̇ан̣зна ваа буг̇г̇аллзна ваа. виссаж̇ж̇ид̇амби ависсаж̇ж̇ид̇ам̣ ход̇и. яо виссаж̇ж̇зяяа, аабад̇д̇и т̇уллажжаяасса.
‘‘Vihāro, vihāravatthu – idaṃ dutiyaṃ avissajjiyaṃ, na vissajjetabbaṃ, saṅghena vā gaṇena vā puggallena vā. Vissajjitampi avissajjitaṃ hoti. Yo vissajjeyya, āpatti thullaccayassa.
‘‘ман̃жо, бийтам̣, бхиси, б̣иб̣б̣оханам̣ – ид̣̇ам̣ д̇ад̇ияам̣ ависсаж̇ж̇ияам̣, на виссаж̇ж̇зд̇аб̣б̣ам̣, сан̇гхзна ваа г̇ан̣зна ваа буг̇г̇алзна ваа. виссаж̇ж̇ид̇амби ависсаж̇ж̇ид̇ам̣ ход̇и. яо виссаж̇ж̇зяяа, аабад̇д̇и т̇уллажжаяасса.
‘‘Mañco, pīṭhaṃ, bhisi, bibbohanaṃ – idaṃ tatiyaṃ avissajjiyaṃ, na vissajjetabbaṃ, saṅghena vā gaṇena vā puggalena vā. Vissajjitampi avissajjitaṃ hoti. Yo vissajjeyya, āpatti thullaccayassa.
‘‘лохагумбхий , лохабхаан̣агам̣, лохаваараго, лохагадаахам̣, вааси, барасу 5, гутаарий 6, гуд̣̇аало, никаад̣̇анам̣ – ид̣̇ам̣ жад̇уд̇т̇ам̣ ависсаж̇ж̇ияам̣, на виссаж̇ж̇зд̇аб̣б̣ам̣, сан̇гхзна ваа г̇ан̣зна ваа буг̇г̇алзна ваа. виссаж̇ж̇ид̇амби ависсаж̇ж̇ид̇ам̣ ход̇и. яо виссаж̇ж̇зяяа, аабад̇д̇и т̇уллажжаяасса.
‘‘валли, взл̣у, мун̃ж̇ам̣, баб̣б̣аж̇ам̣ 9, д̇ин̣ам̣, мад̇д̇игаа, д̣̇аарубхан̣д̣ам̣, мад̇д̇игаабхан̣д̣ам̣ – ид̣̇ам̣ бан̃жамам̣ ависсаж̇ж̇ияам̣, на виссаж̇ж̇зд̇аб̣б̣ам̣, сан̇гхзна ваа г̇ан̣зна ваа буг̇г̇алзна ваа. виссаж̇ж̇ид̇амби ависсаж̇ж̇ид̇ам̣ ход̇и. яо виссаж̇ж̇зяяа, аабад̇д̇и т̇уллажжаяасса. имаани ко, бхигкавз, бан̃жа ависсаж̇ж̇ияаани, на виссаж̇ж̇зд̇аб̣б̣аани, сан̇гхзна ваа г̇ан̣зна ваа буг̇г̇алзна ваа. виссаж̇ж̇ид̇ааниби ависсаж̇ж̇ид̇аани хонд̇и. яо виссаж̇ж̇зяяа, аабад̇д̇и т̇уллажжаяассаа’’д̇и.
‘‘Valli, veḷu, muñjaṃ, pabbajaṃ 10, tiṇaṃ, mattikā, dārubhaṇḍaṃ, mattikābhaṇḍaṃ – idaṃ pañcamaṃ avissajjiyaṃ, na vissajjetabbaṃ, saṅghena vā gaṇena vā puggalena vā. Vissajjitampi avissajjitaṃ hoti. Yo vissajjeyya, āpatti thullaccayassa. Imāni kho, bhikkhave, pañca avissajjiyāni, na vissajjetabbāni, saṅghena vā gaṇena vā puggalena vā. Vissajjitānipi avissajjitāni honti. Yo vissajjeyya, āpatti thullaccayassā’’ti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ависсаж̇ж̇ияавад̇т̇угат̇аа • Avissajjiyavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ависсаж̇ж̇ияавад̇т̇угат̇ааван̣н̣анаа • Avissajjiyavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ависсаж̇ж̇ияавад̇т̇угат̇ааван̣н̣анаа • Avissajjiyavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ависсаж̇ж̇ияавад̇т̇угат̇ааван̣н̣анаа • Avissajjiyavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / ависсаж̇ж̇ияавад̇т̇угат̇аа • Avissajjiyavatthukathā
