| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
ависсаж̇ж̇ияавад̇т̇угат̇аа
Avissajjiyavatthukathā
321. зд̇аанийд̇и г̇арубхан̣д̣аани. д̇ад̇т̇аад̇и раасивасзна бан̃жасу саруубавасзна бан̃жавийсад̇ияаа г̇арубхан̣д̣зсу. ааг̇анд̇ваа, аабхусо ваа раманд̇и зд̇т̇аад̇и аараамо. д̇зсам̣язваад̇и бубпаараамапалаараамаанамзва. ‘‘табид̇огаасо’’д̇и иминаа вад̇т̇усад̣̇д̣̇асса бхуумибхзд̣̇ад̇т̇ам̣ д̣̇ассзд̇и. васад̇и аараамо бад̇идтахад̇и зд̇т̇аад̇и аараамавад̇т̇у. д̇зсу ваад̇и зд̇т̇а ваасад̣̇д̣̇зна навабхуумибхааг̇ад̇о ан̃н̃асса бораан̣абхуумибхааг̇ассаби аараамавад̇т̇убхаавам̣ вигаббзд̇и. висзсзна жад̇уирияаабат̇з харад̇и бавад̇д̇зд̇и зд̇т̇аад̇и вихааро. д̇ассаад̇и вихаарасса. жад̇уннам̣ ман̃жаананд̇и нид̣̇д̇хааран̣ад̇т̇з саамиважанам̣. ан̃н̃ад̇аро ман̃жо наамаад̇и яож̇анаа. зсзва наяо сзсзсуби. ‘‘лохзна гад̇аа гумбхий’’д̇и иминаа лохагумбхийд̇и зд̇т̇а маж̇жхзлобасамаасам̣ д̣̇ассзд̇и. лохамаяаа гумбхий лохагумбхийд̇и важанад̇т̇оби яуж̇ж̇ад̇зва. ‘‘зсзва наяо’’д̇и иминаа лохзна гад̇ам̣ бхаан̣агам̣, лохзна гад̇о ваараго, лохзна гад̇ам̣ гадааханд̇и ад̇т̇ам̣ ад̇ид̣̇исад̇и. зд̇т̇аад̇и бхаан̣агаваарагагадаахзсу. аран̃ж̇арод̇и ад̇имаханд̇ад̇д̇аа арам̣ киббам̣ ж̇арад̇и винаасзд̇ийд̇и аран̃ж̇аро. ат̇а ваа ж̇алам̣ г̇ан̣хид̇ум̣ аланд̇и аран̃ж̇аро лагаараанам̣ рагаарз гад̇ваа.
321.Etānīti garubhaṇḍāni. Tatthāti rāsivasena pañcasu sarūpavasena pañcavīsatiyā garubhaṇḍesu. Āgantvā, ābhuso vā ramanti etthāti ārāmo. Tesaṃyevāti pupphārāmaphalārāmānameva. ‘‘Ṭhapitokāso’’ti iminā vatthusaddassa bhūmibhedatthaṃ dasseti. Vasati ārāmo patiṭṭhahati etthāti ārāmavatthu. Tesu vāti ettha vāsaddena navabhūmibhāgato aññassa porāṇabhūmibhāgassapi ārāmavatthubhāvaṃ vikappeti. Visesena catuiriyāpathe harati pavatteti etthāti vihāro. Tassāti vihārassa. Catunnaṃ mañcānanti niddhāraṇatthe sāmivacanaṃ. Aññataro mañco nāmāti yojanā. Eseva nayo sesesupi. ‘‘Lohena katā kumbhī’’ti iminā lohakumbhīti ettha majjhelopasamāsaṃ dasseti. Lohamayā kumbhī lohakumbhīti vacanatthopi yujjateva. ‘‘Eseva nayo’’ti iminā lohena kataṃ bhāṇakaṃ, lohena kato vārako, lohena kataṃ kaṭāhanti atthaṃ atidisati. Etthāti bhāṇakavārakakaṭāhesu. Arañjaroti atimahantattā araṃ khippaṃ jarati vināsetīti arañjaro. Atha vā jalaṃ gaṇhituṃ alanti arañjaro lakārānaṃ rakāre katvā.
г̇аат̇аавасзна ниг̇аманам̣ д̣̇ассзнд̇о ааха ‘‘зва’’нд̇иаад̣̇и. д̇ад̇т̇а звам̣ багаасаяийд̇и самб̣анд̇хо. д̣̇вз г̇арубхан̣д̣аани д̣̇висан̇г̇ахаани хонд̇и, д̇ад̇ияам̣ г̇арубхан̣д̣ам̣ жад̇усан̇г̇ахам̣ ход̇и, жад̇уд̇т̇ам̣ г̇арубхан̣д̣ам̣ навагодтаасам̣ ход̇и, бан̃жамам̣ г̇арубхан̣д̣ам̣ адтабхзд̣̇анам̣ ход̇и, ид̇и иминаа багаарзна бан̃жаниммалаложано наат̇о бан̃жахи раасийхи бан̃жавийсавид̇хам̣ г̇арубхан̣д̣ам̣ багаасаяийд̇и яож̇анаа.
Gāthāvasena nigamanaṃ dassento āha ‘‘eva’’ntiādi. Tattha evaṃ pakāsayīti sambandho. Dve garubhaṇḍāni dvisaṅgahāni honti, tatiyaṃ garubhaṇḍaṃ catusaṅgahaṃ hoti, catutthaṃ garubhaṇḍaṃ navakoṭṭhāsaṃ hoti, pañcamaṃ garubhaṇḍaṃ aṭṭhabhedanaṃ hoti, iti iminā pakārena pañcanimmalalocano nātho pañcahi rāsīhi pañcavīsavidhaṃ garubhaṇḍaṃ pakāsayīti yojanā.
д̇ад̇раад̇и г̇арубхан̣д̣з. хийд̇и вид̇т̇ааро. саб̣б̣амби ид̣̇ам̣ г̇арубхан̣д̣ам̣ ависсаж̇ж̇ияанд̇и вуд̇д̇анд̇и яож̇анаа. ид̇хаад̇и имасмим̣ вад̇т̇усмим̣. бариваарз бана ааг̇ад̇анд̇и самб̣анд̇хо.
Tatrāti garubhaṇḍe. Hīti vitthāro. Sabbampi idaṃ garubhaṇḍaṃ avissajjiyanti vuttanti yojanā. Idhāti imasmiṃ vatthusmiṃ. Parivāre pana āgatanti sambandho.
бан̃жа раасаяо махзсинаа вуд̇д̇аад̇и яож̇анаа. зд̇т̇аад̇и бариваарз.
Pañca rāsayo mahesinā vuttāti yojanā. Etthāti parivāre.
д̇ад̇раад̇и ‘‘баривад̇д̇анавасзнаа’’д̇и важанз. ид̣̇ам̣ г̇арубхан̣д̣ам̣ убанзд̇унд̇и самб̣анд̇хо. нижжам̣ д̇идтанд̇ийд̇и т̇аавараа, таад̇хаад̇у варабажжаяо, таагаарасса т̇аагааро. иминаа аараамааараамавад̇т̇увихааравихааравад̇т̇ууни г̇ахзд̇аб̣б̣аани. ависсаж̇ж̇ияаавзбхан̇г̇ийяад̇д̇аа г̇ару алахугам̣ бхан̣д̣ам̣ г̇арубхан̣д̣ам̣. иминаа ман̃жаад̣̇ийни згавийсад̇и г̇арубхан̣д̣аани г̇ахзд̇аб̣б̣аани. т̇ааварзд̇и аад̇хаарз бхуммам̣, барияаабаннанд̇и самб̣анд̇хо. ат̇а ваа нид̣̇д̇хааран̣з бхуммам̣, т̇ааварзсууд̇и хи ад̇т̇о, кзд̇д̇анд̇иаад̣̇ийсу самб̣анд̇хид̇аб̣б̣ам̣. кибад̇и буб̣б̣ан̣н̣аб̣ийж̇амзд̇т̇аад̇и кзд̇д̇ам̣. васад̇и абаран̣н̣аб̣ийж̇ам̣ бад̇идтаад̇и зд̇т̇аад̇и вад̇т̇у, д̇алз бхуумибхааг̇з згад̇о ваа д̣̇вийхи ваа д̇ийхи ваа таанзхи ааваран̣ам̣ гарийяад̇и зд̇т̇аад̇и д̇ал̣ааго, саро. гассагаанам̣ мад̇зна гад̇д̇аб̣б̣аад̇и маад̇игаа. аараамзна баривад̇д̇зд̇унд̇и самб̣анд̇хо. гаани баривад̇д̇зд̇унд̇и ааха ‘‘имаани жад̇д̇аарибий’’д̇и. бисад̣̇д̣̇о аваяавасамбин̣д̣ано.
Tatrāti ‘‘parivattanavasenā’’ti vacane. Idaṃ garubhaṇḍaṃ upanetunti sambandho. Niccaṃ tiṭṭhantīti thāvarā, ṭhādhātu varapaccayo, ṭhākārassa thākāro. Iminā ārāmaārāmavatthuvihāravihāravatthūni gahetabbāni. Avissajjiyaavebhaṅgīyattā garu alahukaṃ bhaṇḍaṃ garubhaṇḍaṃ. Iminā mañcādīni ekavīsati garubhaṇḍāni gahetabbāni. Thāvareti ādhāre bhummaṃ, pariyāpannanti sambandho. Atha vā niddhāraṇe bhummaṃ, thāvaresūti hi attho, khettantiādīsu sambandhitabbaṃ. Khipati pubbaṇṇabījametthāti khettaṃ. Vasati aparaṇṇabījaṃ patiṭṭhāti etthāti vatthu, tale bhūmibhāge ekato vā dvīhi vā tīhi vā ṭhānehi āvaraṇaṃ karīyati etthāti taḷāko, saro. Kassakānaṃ matena kattabbāti mātikā. Ārāmena parivattetunti sambandho. Kāni parivattetunti āha ‘‘imāni cattāripī’’ti. Pisaddo avayavasampiṇḍano.
д̇ад̇раад̇и ‘‘баривад̇д̇зд̇ум̣ ваддад̇ий’’д̇и важанз. д̣̇уурзд̇и сан̇гхаараамад̇о д̣̇уурадтаанз. яамбийд̇и наал̣игзрапаламби. харанд̇ийд̇и сан̇гхасса харанд̇и. ан̃н̃зсанд̇и сан̇гхад̇о ан̃н̃зсам̣ мануссаананд̇и самб̣анд̇хо. д̇зд̇и мануссаа. сан̇гхзна самбадижчид̇аб̣б̣од̇и самб̣анд̇хо. ружжад̇ийд̇и сан̇гхассаараамзна мануссаанамаараамам̣, мануссаанамаараамзна ваа сан̇гхассаараамам̣ баривад̇д̇зд̇ум̣ ружийяад̇и ижчийяад̇и. бхигкуунам̣ аараамод̇и самб̣анд̇хо. аяанд̇и мануссаанамаараамо. куд̣̇д̣̇агод̇и сан̇гхаараамад̇о куд̣̇д̣̇аго. ааяанд̇и аяад̇и ааяасаамиго д̇ханзна вад̣дхим̣ г̇ажчад̇и анзнаад̇и ааяо, д̇ам̣. самагамзваад̇и самаббамаан̣амзва, ааяам̣ сажз д̣̇зд̇ийд̇и самб̣анд̇хо. бамаан̣ад̇т̇з габажжаяо. мануссаанам̣ ругкаад̇и самб̣анд̇хо. ад̇ирзгам̣ сан̇гхасса д̣̇змаад̇и самб̣анд̇хо. ж̇аанаабзд̇ваад̇и ‘‘сан̇гхз д̣̇иннам̣ махабпала’’нд̇и (ма. ни. 3.376) сан̇гхасса д̣̇иннад̣̇аанасса аанисам̣сам̣ мануссаанам̣ ж̇аанаабзд̇ваа. палад̇хаарино хонд̇и нанууд̇и яож̇анаа. званд̇иаад̣̇и ниг̇аманам̣. зд̇знзва наязнаад̇и язна наязна аараамо аараамзна баривад̇д̇зд̇аб̣б̣о, зд̇знзва наязна. маханд̇зна ваа куд̣̇д̣̇агзна ваа аараамавад̇т̇унаа жаад̇и яож̇анаа. аараама аараамавад̇т̇увихааравихааравад̇т̇ууни баривад̇д̇зд̇аб̣б̣аанийд̇и самб̣анд̇хо.
Tatrāti ‘‘parivattetuṃ vaṭṭatī’’ti vacane. Dūreti saṅghārāmato dūraṭṭhāne. Yampīti nāḷikeraphalampi. Harantīti saṅghassa haranti. Aññesanti saṅghato aññesaṃ manussānanti sambandho. Teti manussā. Saṅghena sampaṭicchitabboti sambandho. Ruccatīti saṅghassārāmena manussānamārāmaṃ, manussānamārāmena vā saṅghassārāmaṃ parivattetuṃ rucīyati icchīyati. Bhikkhūnaṃ ārāmoti sambandho. Ayanti manussānamārāmo. Khuddakoti saṅghārāmato khuddako. Āyanti ayati āyasāmiko dhanena vaḍḍhiṃ gacchati anenāti āyo, taṃ. Samakamevāti samappamāṇameva, āyaṃ sace detīti sambandho. Pamāṇatthe kapaccayo. Manussānaṃ rukkhāti sambandho. Atirekaṃ saṅghassa demāti sambandho. Jānāpetvāti ‘‘saṅghe dinnaṃ mahapphala’’nti (ma. ni. 3.376) saṅghassa dinnadānassa ānisaṃsaṃ manussānaṃ jānāpetvā. Phaladhārino honti nanūti yojanā. Evantiādi nigamanaṃ. Eteneva nayenāti yena nayena ārāmo ārāmena parivattetabbo, eteneva nayena. Mahantena vā khuddakena vā ārāmavatthunā cāti yojanā. Ārāma ārāmavatthuvihāravihāravatthūni parivattetabbānīti sambandho.
убхобийд̇и г̇зхабаасаад̣̇авасзна убхоби. д̇ад̇т̇аад̇и г̇зхз. ид̣̇ам̣ банаад̇и баасаад̣̇асан̇каад̇ам̣ г̇зхам̣, мануссаанам̣ г̇зханд̇и самб̣анд̇хо. махаг̇гхзна ваа аббаг̇гхзна ваа вихааравад̇т̇унаа жаад̇и яож̇анаа. вихааравихааравад̇т̇уаараамааараамавад̇т̇ууни баривад̇д̇зд̇аб̣б̣аанийд̇и самб̣анд̇хо. званд̇иаад̣̇и ниг̇аманам̣.
Ubhopīti gehapāsādavasena ubhopi. Tatthāti gehe. Idaṃ panāti pāsādasaṅkhātaṃ gehaṃ, manussānaṃ gehanti sambandho. Mahagghena vā appagghena vā vihāravatthunā cāti yojanā. Vihāravihāravatthuārāmaārāmavatthūni parivattetabbānīti sambandho. Evantiādi nigamanaṃ.
г̇арубхан̣д̣зна г̇арубхан̣д̣абаривад̇д̇анз звам̣ винижчаяо взд̣̇ид̇аб̣б̣од̇и яож̇анаа. бам̣свааг̇аарагзсууд̇и бам̣сугийл̣анад̇т̇ааяа гад̇зсу аг̇аарагзсу. габбияаман̃жаад̇и сан̇гхаг̇ан̣абуг̇г̇алаанам̣ габбияаа суван̣н̣араж̇ад̇аад̣̇ийхи агад̇аа ман̃жаа. вихаарасса бана суван̣н̣араж̇ад̇амаяаад̣̇игааби габбияаа ман̃жаа д̣̇аад̇аб̣б̣аад̇и самб̣анд̇хо. б̣ахисиймааяаад̇и убажаарасиймад̇о б̣ахи. д̇ад̇т̇аад̇и сан̇гхад̇т̇зрасса васанадтаанз. д̇ад̇т̇аад̇и д̇асса бхигкуно васанадтаанз. ‘‘махаг̇гхзнаа’’д̇и вуд̇д̇аважанам̣ нияамзнд̇о ааха ‘‘сад̇аг̇гханагзна ваа сахассаг̇гханагзна ваа’’д̇и. ман̃жасад̇анд̇и ман̃жаб̣ахум̣. зд̇зсубийд̇и бийтабхисиб̣иб̣б̣оханзсуби. д̇ад̇т̇аад̇и бийтабхисиб̣иб̣б̣оханзсу. габбияам̣ бийтаад̣̇ийд̇и самб̣анд̇хо. агаббияам̣ ваа махаг̇гхам̣ габбияам̣ ваад̇и габбиязна ваа махаг̇гхагаббиязна ваа баривад̇д̇зд̇ваад̇и самб̣анд̇хо. ‘‘вуд̇д̇авад̇т̇ууний’’д̇и бад̣̇ам̣ ‘‘баривад̇д̇зд̇ваа’’д̇и бад̣̇з авуд̇д̇агаммам̣, ‘‘г̇ахзд̇аб̣б̣ааний’’д̇и бад̣̇з вуд̇д̇агаммам̣, буб̣б̣аабараабзгкабад̣̇ам̣.
Garubhaṇḍena garubhaṇḍaparivattane evaṃ vinicchayo veditabboti yojanā. Paṃsvāgārakesūti paṃsukīḷanatthāya katesu agārakesu. Kappiyamañcāti saṅghagaṇapuggalānaṃ kappiyā suvaṇṇarajatādīhi akatā mañcā. Vihārassa pana suvaṇṇarajatamayādikāpi kappiyā mañcā dātabbāti sambandho. Bahisīmāyāti upacārasīmato bahi. Tatthāti saṅghattherassa vasanaṭṭhāne. Tatthāti tassa bhikkhuno vasanaṭṭhāne. ‘‘Mahagghenā’’ti vuttavacanaṃ niyamento āha ‘‘satagghanakena vā sahassagghanakena vā’’ti. Mañcasatanti mañcabahuṃ. Etesupīti pīṭhabhisibibbohanesupi. Tatthāti pīṭhabhisibibbohanesu. Kappiyaṃ pīṭhādīti sambandho. Akappiyaṃ vā mahagghaṃ kappiyaṃ vāti kappiyena vā mahagghakappiyena vā parivattetvāti sambandho. ‘‘Vuttavatthūnī’’ti padaṃ ‘‘parivattetvā’’ti pade avuttakammaṃ, ‘‘gahetabbānī’’ti pade vuttakammaṃ, pubbāparāpekkhapadaṃ.
басад̇амад̇д̇ауд̣̇агаг̇ан̣хагаанибийд̇и зд̇т̇а басад̇о наама гун̃жид̇абаан̣и. сийхал̣ад̣̇ийбзд̇и сийхам̣ лаад̇и г̇ан̣хаад̇ийд̇и сийхал̣о лагаарасса л̣агаарам̣ гад̇ваа, сийхаб̣аахунаамаго рааж̇аа, д̇асса буд̇д̇ад̇д̇аа виж̇аяагумаароби сийхал̣о наама, д̇зна аад̣̇имхи ниваасабхаавзна г̇ахид̇ад̇д̇аа д̣̇ийбо сийхал̣ад̣̇ийбо наама, д̇асмим̣. баад̣̇ам̣ г̇ан̣хаад̇ийд̇и баад̣̇аг̇ан̣хано, соязва баад̣̇аг̇ан̣ханаго. баад̣̇о наамаад̇и ‘‘баад̣̇аг̇ан̣ханаго’’д̇и зд̇т̇а баад̣̇о наама. яо лохаваараго маг̇ад̇ханаал̣ияаа бан̃жанаал̣имад̇д̇ам̣ г̇ан̣хаад̇и, со лохаваараго баад̣̇о наамаад̇и яож̇анаа. иминаа бамаан̣асса наамам̣ бамаан̣аванд̇з убажаарад̇о вохааранаяам̣ д̣̇ассзд̇и. д̇ад̇од̇и бан̃жанаал̣имад̇д̇аг̇ан̣ханагаваарагад̇о. имаанийд̇и лохагумбхийаад̣̇ийни.
Pasatamattaudakagaṇhakānipīti ettha pasato nāma kuñcitapāṇi. Sīhaḷadīpeti sīhaṃ lāti gaṇhātīti sīhaḷo lakārassa ḷakāraṃ katvā, sīhabāhunāmako rājā, tassa puttattā vijayakumāropi sīhaḷo nāma, tena ādimhi nivāsabhāvena gahitattā dīpo sīhaḷadīpo nāma, tasmiṃ. Pādaṃ gaṇhātīti pādagaṇhano, soyeva pādagaṇhanako. Pādo nāmāti ‘‘pādagaṇhanako’’ti ettha pādo nāma. Yo lohavārako magadhanāḷiyā pañcanāḷimattaṃ gaṇhāti, so lohavārako pādo nāmāti yojanā. Iminā pamāṇassa nāmaṃ pamāṇavante upacārato vohāranayaṃ dasseti. Tatoti pañcanāḷimattagaṇhanakavārakato. Imānīti lohakumbhīādīni.
бхин̇г̇аара …бз… гадажчуаад̣̇ийнийд̇и бхин̇г̇ааро жа бадиг̇г̇ахо жа ул̣ун̇го жа д̣̇аб̣б̣и жа гадажчу жа баад̇и жа д̇аддаго жа сараго жа самуг̇г̇о жа ан̇г̇аарагабалло жа д̇хуумагадажчу жа бхин̇г̇аара…бз… д̇хуумагадажчуяо, д̇аа аад̣̇и язсам̣ д̇аанийд̇и бхин̇г̇аара…бз… гадажчуаад̣̇ийни. аад̣̇исад̣̇д̣̇зна ан̃н̃аани убагаран̣аани г̇ахзд̇аб̣б̣аани. бхааж̇анийяаанийд̇и бхааж̇зд̇аб̣б̣аани. гам̣салохаад̣̇ийд̇иаад̣̇исад̣̇д̣̇зна ваддалохам̣ сан̇г̇ан̣хаад̇и. ваддалохам̣ наама бийд̇алохам̣. хийд̇и сажжам̣, яасмаа ваа. баарихаарияанд̇и сан̇гхигабарибхог̇ам̣ барихарид̇ваа абанзд̇ваа буг̇г̇алигабарибхог̇зна барибхун̃ж̇анам̣, ‘‘ад̇д̇асанд̇ага’’нд̇и ваа бариг̇г̇ахзна харид̇ваа бхун̃ж̇анам̣ на ваддад̇и. г̇ихивигаданийхаарзнзваад̇и ‘‘г̇ихивигада’’нд̇и абхинийхаарзнзва.
Bhiṅgāra…pe… kaṭacchuādīnīti bhiṅgāro ca paṭiggaho ca uḷuṅko ca dabbi ca kaṭacchu ca pāti ca taṭṭako ca sarako ca samuggo ca aṅgārakapallo ca dhūmakaṭacchu ca bhiṅgāra…pe… dhūmakaṭacchuyo, tā ādi yesaṃ tānīti bhiṅgāra…pe… kaṭacchuādīni. Ādisaddena aññāni upakaraṇāni gahetabbāni. Bhājanīyānīti bhājetabbāni. Kaṃsalohādītiādisaddena vaṭṭalohaṃ saṅgaṇhāti. Vaṭṭalohaṃ nāma pītalohaṃ. Hīti saccaṃ, yasmā vā. Pārihāriyanti saṅghikaparibhogaṃ pariharitvā apanetvā puggalikaparibhogena paribhuñjanaṃ, ‘‘attasantaka’’nti vā pariggahena haritvā bhuñjanaṃ na vaṭṭati. Gihivikaṭanīhārenevāti ‘‘gihivikaṭa’’nti abhinīhāreneva.
ан̃н̃асмимби габбияалохабхан̣д̣з барияаабаннаа ан̃ж̇анийд̇и яож̇анаа. ат̇а ваа габбияалохабхан̣д̣зд̇и нид̣̇д̇хааран̣з бхуммам̣, ‘‘ан̃ж̇аний’’д̇иаад̣̇инаа самб̣анд̇хид̇аб̣б̣ам̣. суужийд̇и жийвараад̣̇исиб̣б̣анагаа суужи. бан̣н̣асуужийд̇и бан̣н̣з ликанаа суужи. ан̃н̃амбийд̇и ан̃ж̇аниаад̣̇ид̇о ан̃н̃амби. д̇хууманзд̇д̇ан̃жа паалан̃жа д̣̇ийбаругко жа д̣̇ийбагабаллаго жа оламб̣агад̣̇ийбо жа д̇хууманзд̇д̇а…бз… оламб̣агад̣̇ийбаа. ид̇т̇ибурисад̇иражчаанаг̇ад̇асан̇каад̇аани руубаани зд̇зсу ад̇т̇ийд̇и ид̇т̇ибурисад̇иражчаанаг̇ад̇аруубагаани. д̇хууманзд̇д̇а…бз… оламб̣агад̣̇ийбаа жа д̇з ид̇т̇ибурисад̇иражчаанаг̇ад̇аруубагаани жзд̇и д̇хууманзд̇д̇а…бз… руубагаани, висзсанабаранибаад̇о. д̇аани ваа ан̃н̃аани ваа бхид̇д̇ижчад̣̇анагаваадаад̣̇ийсу убанзд̇аб̣б̣аани лохабхан̣д̣аанийд̇и самб̣анд̇хо. лохакилаганд̇и лохамаяам̣ аан̣им̣. барихарид̇ваад̇и ‘‘ад̇д̇ано санд̇ага’’нд̇и бариг̇г̇ахзна харид̇ваа, сан̇гхигабарибхог̇аг̇ихивигадаани ваа абанзд̇ваа. кийрабаасаан̣амаяаанийд̇и кийраван̣н̣зна баасаан̣зна гад̇аани.
Aññasmimpi kappiyalohabhaṇḍe pariyāpannā añjanīti yojanā. Atha vā kappiyalohabhaṇḍeti niddhāraṇe bhummaṃ, ‘‘añjanī’’tiādinā sambandhitabbaṃ. Sūcīti cīvarādisibbanakā sūci. Paṇṇasūcīti paṇṇe likhanā sūci. Aññampīti añjaniādito aññampi. Dhūmanettañca phālañca dīparukkho ca dīpakapallako ca olambakadīpo ca dhūmanetta…pe… olambakadīpā. Itthipurisatiracchānagatasaṅkhātāni rūpāni etesu atthīti itthipurisatiracchānagatarūpakāni. Dhūmanetta…pe… olambakadīpā ca te itthipurisatiracchānagatarūpakāni ceti dhūmanetta…pe… rūpakāni, visesanaparanipāto. Tāni vā aññāni vā bhitticchadanakavāṭādīsu upanetabbāni lohabhaṇḍānīti sambandho. Lohakhilakanti lohamayaṃ āṇiṃ. Pariharitvāti ‘‘attano santaka’’nti pariggahena haritvā, saṅghikaparibhogagihivikaṭāni vā apanetvā. Khīrapāsāṇamayānīti khīravaṇṇena pāsāṇena katāni.
суван̣н̣ан̃жа раж̇ад̇ан̃жа хаарагуудан̃жа ж̇аад̇ипалиган̃жа суван̣н̣а…бз… ж̇аад̇ипалигаани, д̇зхи гад̇аани бхааж̇анаани суван̣н̣а…бз… бхааж̇анаани. саб̣б̣анд̇и суван̣н̣араж̇ад̇аад̣̇исаб̣б̣ам̣. ваддад̇ийд̇и сан̇гхаг̇ан̣абуг̇г̇алаанам̣ ваддад̇и.
Suvaṇṇañca rajatañca hārakūṭañca jātiphalikañca suvaṇṇa…pe… jātiphalikāni, tehi katāni bhājanāni suvaṇṇa…pe… bhājanāni. Sabbanti suvaṇṇarajatādisabbaṃ. Vaṭṭatīti saṅghagaṇapuggalānaṃ vaṭṭati.
ваасиаад̣̇ийсу звам̣ винижчаяо взд̣̇ид̇аб̣б̣од̇и яож̇анаа, нид̣̇д̇хааран̣з ваа бхуммам̣. яааяа ваасияаа на саггаад̇и самб̣анд̇хо. д̇ад̇од̇и ваасид̇о. махад̇д̇арийсад̣̇д̣̇о маханд̇абарияааяо анибпаннабаадибад̣̇иго. махад̇д̇арий ваасийд̇и самб̣анд̇хо. взж̇ж̇аананд̇и бхисаггаанам̣. сираавзд̇ханапарасубийд̇и бисад̣̇д̣̇зна д̇ад̇о маханд̇ам̣ бана баг̇зваад̇и д̣̇ассзд̇и. яаа бана гутаарий аавуд̇хасан̇кзбзна гад̇аад̇и самб̣анд̇хо. ат̇а ваа аавуд̇хасан̇кзбзна гад̇аа яаа бана гутаарий ад̇т̇ийд̇и яож̇анаа. анаамаасаад̇и анаамасид̇аб̣б̣аа, анаамаасаарахаад̇и ад̇т̇о. жад̇уран̇г̇уламад̇д̇обийд̇и бисад̣̇д̣̇о д̇ад̇о ад̇хиго бана баг̇зваад̇и д̣̇ассзд̇и. никан̣ид̇ваа каад̣̇ад̇ийд̇и никаад̣̇анам̣. жад̇урассам̣ мукамзд̇ассаад̇и жад̇урассамукам̣. д̣̇он̣исад̣̇исам̣ мукамзд̇ассаад̇и д̣̇он̣имукам̣. саммун̃жанид̣̇ан̣д̣авзд̇ханамби никаад̣̇анам̣ д̣̇ан̣д̣аб̣ад̣̇д̇хам̣ ход̇и жзд̇и яож̇анаа. д̣̇ан̣д̣зна б̣анд̇хид̇аб̣б̣анд̇и д̣̇ан̣д̣аб̣ад̣̇д̇хам̣, д̣̇ан̣д̣ам̣ б̣ад̣̇д̇хамзд̇ассаад̇и ваа д̣̇ан̣д̣аб̣ад̣̇д̇хам̣. ‘‘ад̣̇ан̣д̣ага’’нд̇и вад̇ваа д̇ассзвад̇т̇ам̣ д̣̇ассзд̇ум̣ вуд̇д̇ам̣ ‘‘паламад̇д̇амзваа’’д̇и. над̇т̇и д̣̇ан̣д̣амзд̇ассаад̇и ад̣̇ан̣д̣агам̣. яанд̇и никаад̣̇анам̣. барихарид̇унд̇и буг̇г̇алигабхаавзна бариг̇г̇ахзд̇ваа харид̇ум̣, сан̇гхигабхаавам̣ абанзд̇ум̣ ваа. сикарамби никаад̣̇анзнзва сан̇г̇ахид̇ам̣ лагкан̣ахааранаязна самаанагижжабхаавад̇о. сикаранд̇и язна бариб̣бхамид̇ваа чинд̣̇анд̇и, язхи мануссзхи д̣̇иннаанийд̇и самб̣анд̇хо. д̇зд̇и мануссаа, вад̣̇анд̇ийд̇и самб̣анд̇хо. нод̇и амхаагам̣. баагад̇игзд̇и багад̇ияаа тид̇з, яат̇аа батамам̣ тид̇аа хонд̇и, д̇ат̇аа гариссаамаад̇и ад̇т̇о. сажз аахаранд̇ийд̇и сажз ааяаажанам̣ агад̇ваа харанд̇и. анаахаранд̇аабийд̇и буна анаахаранд̇ааби.
Vāsiādīsu evaṃ vinicchayo veditabboti yojanā, niddhāraṇe vā bhummaṃ. Yāya vāsiyā na sakkāti sambandho. Tatoti vāsito. Mahattarīsaddo mahantapariyāyo anipphannapāṭipadiko. Mahattarī vāsīti sambandho. Vejjānanti bhisakkānaṃ. Sirāvedhanapharasupīti pisaddena tato mahantaṃ pana pagevāti dasseti. Yā pana kuṭhārī āvudhasaṅkhepena katāti sambandho. Atha vā āvudhasaṅkhepena katā yā pana kuṭhārī atthīti yojanā. Anāmāsāti anāmasitabbā, anāmāsārahāti attho. Caturaṅgulamattopīti pisaddo tato adhiko pana pagevāti dasseti. Nikhaṇitvā khādatīti nikhādanaṃ. Caturassaṃ mukhametassāti caturassamukhaṃ. Doṇisadisaṃ mukhametassāti doṇimukhaṃ. Sammuñcanidaṇḍavedhanampi nikhādanaṃ daṇḍabaddhaṃ hoti ceti yojanā. Daṇḍena bandhitabbanti daṇḍabaddhaṃ, daṇḍaṃ baddhametassāti vā daṇḍabaddhaṃ. ‘‘Adaṇḍaka’’nti vatvā tassevatthaṃ dassetuṃ vuttaṃ ‘‘phalamattamevā’’ti. Natthi daṇḍametassāti adaṇḍakaṃ. Yanti nikhādanaṃ. Pariharitunti puggalikabhāvena pariggahetvā harituṃ, saṅghikabhāvaṃ apanetuṃ vā. Sikharampi nikhādaneneva saṅgahitaṃ lakkhaṇahāranayena samānakiccabhāvato. Sikharanti yena paribbhamitvā chindanti, yehi manussehi dinnānīti sambandho. Teti manussā, vadantīti sambandho. Noti amhākaṃ. Pākatiketi pakatiyā ṭhite, yathā paṭhamaṃ ṭhitā honti, tathā karissāmāti attho. Sace āharantīti sace āyācanaṃ akatvā haranti. Anāharantāpīti puna anāharantāpi.
гаммааро жа д̇аддагааро жа жунд̣̇агааро жа нал̣агааро жа ман̣игааро жа бад̇д̇аб̣анд̇хаго жа гаммаара…бз… бад̇д̇аб̣анд̇хагаа, д̇зсам̣. ад̇хигаран̣ий жа мудтиго жа сан̣д̣аасо жа д̇улаа жа ад̇хигаран̣и…бз… д̇улаа. сан̇гхз д̣̇иннагаалад̇од̇и сан̇гхасса д̣̇иннагаалад̇о. д̇ибум̣ чинд̣̇ад̇и анзнаад̇и д̇ибужчзд̣̇анам̣, д̇амзва сад̇т̇агам̣ д̇ибужчзд̣̇анасад̇т̇агам̣. махаагад̇д̇арин̃жа махаасан̣д̣аасан̃жа махаабибпилиган̃жа табзд̇ваад̇и яож̇анаа. гасмаа табид̇аанийд̇и ааха ‘‘махаагад̇д̇ариаад̣̇ийни г̇арубхан̣д̣ааний’’д̇и. д̇ад̇т̇а яасмаа махаагад̇д̇ариаад̣̇ийни г̇арубхан̣д̣аани, д̇асмаа ‘‘табзд̇ваа махаагад̇д̇ари’’нд̇и аад̣̇и маяаа вуд̇д̇анд̇и яож̇анаа.
Kammāro ca taṭṭakāro ca cundakāro ca naḷakāro ca maṇikāro ca pattabandhako ca kammāra…pe… pattabandhakā, tesaṃ. Adhikaraṇī ca muṭṭhiko ca saṇḍāso ca tulā ca adhikaraṇi…pe… tulā. Saṅghe dinnakālatoti saṅghassa dinnakālato. Tipuṃ chindati anenāti tipucchedanaṃ, tameva satthakaṃ tipucchedanasatthakaṃ. Mahākattariñca mahāsaṇḍāsañca mahāpipphilikañca ṭhapetvāti yojanā. Kasmā ṭhapitānīti āha ‘‘mahākattariādīni garubhaṇḍānī’’ti. Tattha yasmā mahākattariādīni garubhaṇḍāni, tasmā ‘‘ṭhapetvā mahākattari’’nti ādi mayā vuttanti yojanā.
валлиаад̣̇ийсу звам̣ винижчаяо взд̣̇ид̇аб̣б̣од̇и яож̇анаа. взд̇д̇аваллиаад̣̇игаад̇и взд̇д̇асан̇каад̇аваллиаад̣̇игаа. ад̣дхаб̣ахуббамаан̣аад̇и зд̇т̇а –
Valliādīsu evaṃ vinicchayo veditabboti yojanā. Vettavalliādikāti vettasaṅkhātavalliādikā. Aḍḍhabahuppamāṇāti ettha –
‘‘б̣яаамо сахагараа б̣ааху, д̣̇взбассад̣̇ваяавид̇т̇ад̇аа’’д̇и. –
‘‘Byāmo sahakarā bāhu, dvepassadvayavitthatā’’ti. –
абхид̇хаанз (абхид̇хаанаббад̣̇ийбигааяам̣ 269 г̇аат̇ааяам̣) вуд̇д̇ад̇д̇аа б̣ааху наама ид̇ха б̣яаамова ад̇хиббзд̇о. д̇асмаа д̣̇вийсу бассзсу вид̇т̇ад̇аанам̣ б̣яаамасан̇каад̇аанам̣ сахагараанам̣ д̣̇виннам̣ б̣аахуунам̣ ад̣дход̇и ад̣дхаб̣ааху, д̇асса бамаан̣амзд̇ассаад̇и ад̣дхаб̣аахуббамаан̣аад̇и важанад̇т̇о гаад̇аб̣б̣о, д̣̇ийгхад̇о д̣̇вихад̇т̇аа валлийд̇и вуд̇д̇ам̣ ход̇и. д̇ад̇т̇аж̇аад̇агаад̇и д̇иссам̣ сан̇гхасса бхуумияам̣ ж̇аад̇агаа. рагкид̇аг̇обид̇аад̇и сан̇гхзна саяам̣ рагкид̇аа, барзхи г̇обид̇аа. иминаа арагкид̇ааг̇обид̇аа г̇арубхан̣д̣ам̣ на ход̇ийд̇и д̣̇ассзд̇и. саад̇и валли. ад̇ирзгаа ход̇ийд̇и самб̣анд̇хо. убанзд̇унд̇и д̇ам̣ валлим̣ убанзд̇ум̣. суд̇д̇ан̃жа магаживааган̃жа наал̣игзрахийран̃жа жамман̃жа суд̇д̇а…бз… жаммаани, д̇зхи гад̇аа суд̇д̇а…бз… жаммамаяаа. раж̇ж̇угаа ваа яод̇д̇аани ваа г̇арубхан̣д̣ам̣ ход̇ийд̇и самб̣анд̇хо. згаваддаа ваа д̣̇виваддаа ваад̇и зд̇т̇а ваасад̣̇д̣̇зна д̇иваддаад̣̇им̣ сан̇г̇ан̣хаад̇и. аваддзд̇ваа д̣̇иннам̣ суд̇д̇ан̃жа аваддзд̇ваа д̣̇иннаа магаживааганаал̣игзрахийраа жаад̇и яож̇анаа.
Abhidhāne (abhidhānappadīpikāyaṃ 269 gāthāyaṃ) vuttattā bāhu nāma idha byāmova adhippeto. Tasmā dvīsu passesu vitthatānaṃ byāmasaṅkhātānaṃ sahakarānaṃ dvinnaṃ bāhūnaṃ aḍḍhoti aḍḍhabāhu, tassa pamāṇametassāti aḍḍhabāhuppamāṇāti vacanattho kātabbo, dīghato dvihatthā vallīti vuttaṃ hoti. Tatthajātakāti tissaṃ saṅghassa bhūmiyaṃ jātakā. Rakkhitagopitāti saṅghena sayaṃ rakkhitā, parehi gopitā. Iminā arakkhitaagopitā garubhaṇḍaṃ na hotīti dasseti. Sāti valli. Atirekā hotīti sambandho. Upanetunti taṃ valliṃ upanetuṃ. Suttañca makacivākañca nāḷikerahīrañca cammañca sutta…pe… cammāni, tehi katā sutta…pe… cammamayā. Rajjukā vā yottāni vā garubhaṇḍaṃ hotīti sambandho. Ekavaṭṭā vā dvivaṭṭā vāti ettha vāsaddena tivaṭṭādiṃ saṅgaṇhāti. Avaṭṭetvā dinnaṃ suttañca avaṭṭetvā dinnā makacivākanāḷikerahīrā cāti yojanā.
яо гожи взл̣ууд̇и самб̣анд̇хо. собийд̇и взл̣уби ваддад̇ийд̇и самб̣анд̇хо. бисад̣̇д̣̇зна валлим̣ абзгкад̇и. ид̣̇амзд̇т̇аад̇и ид̣̇ам̣ саб̣б̣ам̣ зд̇т̇а взл̣умхи, взл̣уусу ваа ид̣̇анд̇и самб̣анд̇хо. самагам̣ ваад̇и г̇ахид̇авзл̣унаа самаббамаан̣ам̣ ваа. ад̇ирзгам̣ ваад̇и д̇ад̇о ад̇ирзгам̣ ваа. д̇ам̣аг̇гханаганд̇и д̇асса взл̣уно аг̇гханаарахам̣. паад̇игамманд̇и вад̣дхигаммам̣. д̇ад̇т̇зваад̇и г̇ан̣ханадтаанзва. г̇аманагаалзд̇и г̇ан̣ханадтаанад̇о ан̃н̃ад̇т̇а г̇аманагаалз. ‘‘бахин̣ид̇ваа д̣̇аад̇аб̣б̣о’’д̇и иминаа саяам̣ ваа ааг̇анд̇ваа д̣̇аад̇аб̣б̣од̇и ад̇т̇оби лагкан̣ахааранаязна г̇ахзд̇аб̣б̣о самаанагижжад̇д̇аа.
Yo koci veḷūti sambandho. Sopīti veḷupi vaṭṭatīti sambandho. Pisaddena valliṃ apekkhati. Idametthāti idaṃ sabbaṃ ettha veḷumhi, veḷūsu vā idanti sambandho. Samakaṃ vāti gahitaveḷunā samappamāṇaṃ vā. Atirekaṃ vāti tato atirekaṃ vā. Taṃagghanakanti tassa veḷuno agghanārahaṃ. Phātikammanti vaḍḍhikammaṃ. Tatthevāti gaṇhanaṭṭhāneva. Gamanakāleti gaṇhanaṭṭhānato aññattha gamanakāle. ‘‘Pahiṇitvā dātabbo’’ti iminā sayaṃ vā āgantvā dātabboti atthopi lakkhaṇahāranayena gahetabbo samānakiccattā.
мун̃ж̇абаб̣б̣аж̇асад̣̇д̣̇зна мун̃ж̇абаб̣б̣аж̇ад̇ин̣аанам̣ баал̣ияам̣ висум̣ г̇ахид̇ад̇д̇аа д̇ин̣асад̣̇д̣̇зна д̇аани табзд̇ваа баарисзсан̃ааязна авасзсад̇ин̣амзва г̇ахзд̇аб̣б̣анд̇и д̣̇ассзнд̇о ааха ‘‘мун̃ж̇ам̣ баб̣б̣аж̇ан̃жа табзд̇ваа’’д̇иаад̣̇и. самаанапалад̇д̇аа лагкан̣ахааранаязна бан̣н̣амби д̇ин̣знзва сан̇г̇ахид̇анд̇и д̣̇ассзнд̇о ааха ‘‘яад̇т̇аа’’д̇иаад̣̇и. д̇ад̇т̇а яад̇т̇аад̇и яасмим̣ таанз, ид̇ийд̇и звам̣. д̇ин̣ан̃жа г̇арубхан̣д̣ам̣ ход̇ийд̇и самб̣анд̇хо. д̇ад̇т̇аж̇аад̇агам̣ ваад̇и д̇асмим̣ сан̇гхаараамз ж̇аад̇агам̣ ваа. б̣ахаараамзд̇и сан̇гхаараамад̇о б̣ахи. д̇амбийд̇и д̇ин̣амби. бисад̣̇д̣̇зна валливзл̣уу абзгкад̇и. адтан̇г̇улаббамаан̣обийд̇и д̣̇ийгхад̇о адтан̇г̇улабамаан̣оби . рид̇д̇абод̇т̇агод̇и аликид̇ад̇д̇аа д̇ужчо магаживад̇т̇аад̣̇игоби бан̣н̣амаяоби бод̇т̇аго. ид̣̇ан̃жа бан̣н̣абасан̇г̇зна вуд̇д̇ам̣.
Muñjapabbajasaddena muñjapabbajatiṇānaṃ pāḷiyaṃ visuṃ gahitattā tiṇasaddena tāni ṭhapetvā pārisesañāyena avasesatiṇameva gahetabbanti dassento āha ‘‘muñjaṃ pabbajañca ṭhapetvā’’tiādi. Samānaphalattā lakkhaṇahāranayena paṇṇampi tiṇeneva saṅgahitanti dassento āha ‘‘yatthā’’tiādi. Tattha yatthāti yasmiṃ ṭhāne, itīti evaṃ. Tiṇañca garubhaṇḍaṃ hotīti sambandho. Tatthajātakaṃ vāti tasmiṃ saṅghārāme jātakaṃ vā. Bahārāmeti saṅghārāmato bahi. Tampīti tiṇampi. Pisaddena valliveḷū apekkhati. Aṭṭhaṅgulappamāṇopīti dīghato aṭṭhaṅgulapamāṇopi . Rittapotthakoti alikhitattā tuccho makacivatthādikopi paṇṇamayopi potthako. Idañca paṇṇapasaṅgena vuttaṃ.
бан̃жаван̣н̣аа ваад̇и нийлабийд̇алохид̇од̣̇аад̇аман̃ж̇идтавасзна бан̃жаван̣н̣анаа ваа. д̇амбийд̇и мад̇д̇игамби. бисад̣̇д̣̇зна валливзл̣уд̇ин̣аани абзгкад̇и.
Pañcavaṇṇā vāti nīlapītalohitodātamañjiṭṭhavasena pañcavaṇṇanā vā. Tampīti mattikampi. Pisaddena valliveḷutiṇāni apekkhati.
д̣̇аарубхан̣д̣з звам̣ винижчаяо взд̣̇ид̇аб̣б̣од̇и яож̇анаа. рагкид̇аг̇обид̇о яо гожи д̣̇аарубхан̣д̣аго ад̇т̇ийд̇и яож̇анаа. махааадтагат̇ааяам̣ бана вуд̇д̇од̇и самб̣анд̇хо.
Dārubhaṇḍe evaṃ vinicchayo veditabboti yojanā. Rakkhitagopito yo koci dārubhaṇḍako atthīti yojanā. Mahāaṭṭhakathāyaṃ pana vuttoti sambandho.
д̇ад̇раад̇и махааадтагат̇ааяам̣, ‘‘д̇зна ко бана самаязнаа’’д̇и баал̣ияам̣ ваа. имзсууд̇и аасанд̣̇игаад̣̇ийсу. зд̇т̇аад̇и бийтзсу, балаалабийтзнаад̇и самб̣анд̇хо. б̣яаг̇гхажаммаонад̣̇д̇ханд̇и б̣яаг̇гхажаммзна аванад̣̇д̇хам̣. ваал̣аруубабаригкид̇д̇анд̇и ваал̣аруубзхи бариваарид̇ам̣. рад̇анабарисиб̣б̣ид̇анд̇и рад̇анасуд̇д̇зна саманд̇ад̇о сиб̣б̣ид̇ам̣.
Tatrāti mahāaṭṭhakathāyaṃ, ‘‘tena kho pana samayenā’’ti pāḷiyaṃ vā. Imesūti āsandikādīsu. Etthāti pīṭhesu, palālapīṭhenāti sambandho. Byagghacammaonaddhanti byagghacammena avanaddhaṃ. Vāḷarūpaparikkhittanti vāḷarūpehi parivāritaṃ. Ratanaparisibbitanti ratanasuttena samantato sibbitaṃ.
зд̇зсубийд̇и ван̇гапалагаад̣̇ийсуби. ‘‘сан̇кат̇аалагам̣ бана бхааж̇анийяа’’нд̇и баатассаананд̇арам̣ ‘‘д̇ат̇аа’’д̇и баато ад̇т̇и, со зд̇т̇а на яуж̇ж̇ад̇и, барад̇о бана ‘‘язна гзнажи гад̇ам̣ г̇арубхан̣д̣амзваа’’д̇и баатассаананд̇арам̣ яуж̇ж̇ад̇и. д̇ад̇т̇а хи яат̇аа язна гзнажи гад̇ам̣ г̇арубхан̣д̣амзва ход̇и, д̇ат̇аа т̇амбхад̇улаасобаанапалагаад̣̇ийсу д̣̇аарумаяам̣ ваа баасаан̣амаяам̣ ваа яам̣гин̃жи г̇зхасамбхаараруубам̣ г̇арубхан̣д̣амзваад̇и ад̇т̇о.
Etesupīti vaṅkaphalakādīsupi. ‘‘Saṅkhathālakaṃ pana bhājanīya’’nti pāṭhassānantaraṃ ‘‘tathā’’ti pāṭho atthi, so ettha na yujjati, parato pana ‘‘yena kenaci kataṃ garubhaṇḍamevā’’ti pāṭhassānantaraṃ yujjati. Tattha hi yathā yena kenaci kataṃ garubhaṇḍameva hoti, tathā thambhatulāsopānaphalakādīsu dārumayaṃ vā pāsāṇamayaṃ vā yaṃkiñci gehasambhārarūpaṃ garubhaṇḍamevāti attho.
саб̣б̣анд̇и сагалам̣ уд̣̇агад̇умб̣абаад̣̇агат̇алигаман̣д̣алам̣. зд̇зсубийд̇и аад̇хаарагаад̣̇ийсуби. д̇ат̇аа т̇амбхад̇алаад̇и зд̇т̇а д̇ат̇аасад̣̇д̣̇зна ‘г̇арубхан̣д̣амзваа’’д̇и бад̣̇ам̣ ад̇ид̣̇исад̇и. сан̇гхз д̣̇иннанд̇и сан̇гхасса д̣̇иннам̣. бхуумад̇т̇аран̣анд̇и бхуумияам̣ ад̇т̇арид̇аб̣б̣ам̣. д̇амбийд̇и зл̣агажаммамби.
Sabbanti sakalaṃ udakatumbapādakathalikamaṇḍalaṃ. Etesupīti ādhārakādīsupi. Tathā thambhatalāti ettha tathāsaddena ‘garubhaṇḍamevā’’ti padaṃ atidisati. Saṅghe dinnanti saṅghassa dinnaṃ. Bhūmattharaṇanti bhūmiyaṃ attharitabbaṃ. Tampīti eḷakacammampi.
уд̣̇угкалам̣ г̇арубхан̣д̣амзваад̇и самб̣анд̇хо. зсзва наяо мусаланд̇иаад̣̇ийсуби. зд̇зсууд̇и ман̃жабаад̣̇аад̣̇ийсу. анун̃н̃аад̇аваасияаад̇и бхааж̇анад̇т̇ааяа анун̃н̃аад̇аваасияаа. д̇хамагаран̣од̇и зд̇т̇а ‘‘сан̇кам̣ д̇хамад̇и, сан̇кад̇хамаго’’д̇иаад̣̇ийсу вияа ниссам̣яог̇абаатоязва яуж̇ж̇ад̇и. д̇асмаа д̇хамад̇и ваад̇зна бавад̇д̇ад̇ийд̇и д̇хамо, ваад̇ахзд̇уго сад̣̇д̣̇о, д̇хамам̣ гарод̇ийд̇и д̇хамагаран̣од̇и важанад̇т̇о гаад̇аб̣б̣о. саб̣б̣амзд̇анд̇и анун̃н̃аад̇аваасид̣̇ан̣д̣аад̣̇игам̣ зд̇ам̣ саб̣б̣ам̣. д̇ад̇од̇и анун̃н̃аад̇аваасид̣̇ан̣д̣аад̣̇игад̇о, маханд̇ад̇арам̣ ваасид̣̇ан̣д̣аад̣̇игам̣ г̇арубхан̣д̣анд̇и яож̇анаа.
Udukkhalaṃ garubhaṇḍamevāti sambandho. Eseva nayo musalantiādīsupi. Etesūti mañcapādādīsu. Anuññātavāsiyāti bhājanatthāya anuññātavāsiyā. Dhamakaraṇoti ettha ‘‘saṅkhaṃ dhamati, saṅkhadhamako’’tiādīsu viya nissaṃyogapāṭhoyeva yujjati. Tasmā dhamati vātena pavattatīti dhamo, vātahetuko saddo, dhamaṃ karotīti dhamakaraṇoti vacanattho kātabbo. Sabbametanti anuññātavāsidaṇḍādikaṃ etaṃ sabbaṃ. Tatoti anuññātavāsidaṇḍādikato, mahantataraṃ vāsidaṇḍādikaṃ garubhaṇḍanti yojanā.
яат̇ааж̇аад̇амзваад̇и яат̇аабавад̇д̇амзва. д̇зхийд̇и хад̇т̇ид̣̇анд̇аад̣̇ийхи, ‘‘гад̇а’’ид̇и бад̣̇зна самб̣анд̇хид̇аб̣б̣ам̣. д̇ажчид̇анидтид̇обийд̇и д̇ажчид̇агаммзна нидтид̇оби.
Yathājātamevāti yathāpavattameva. Tehīti hatthidantādīhi, ‘‘kata’’iti padena sambandhitabbaṃ. Tacchitaniṭṭhitopīti tacchitakammena niṭṭhitopi.
мад̇д̇игаабхан̣д̣з звам̣ винижчаяо взд̣̇ид̇аб̣б̣од̇и яож̇анаа, убабхог̇о жа барибхог̇о жа убабхог̇абарибхог̇ам̣, самаахаарад̣̇ванд̣̇о. ид̣̇ам̣ бад̣̇ам̣ ‘‘гхадабид̇хаанаад̣̇игулаалабхааж̇ана’’нд̇и бад̣̇знзва самб̣анд̇хид̇аб̣б̣ам̣. т̇убигаад̇ийд̇и зд̇т̇а ид̇исад̣̇д̣̇о имасад̣̇д̣̇ад̇т̇о. ид̣̇ам̣ саб̣б̣ам̣ сан̇гхасса д̣̇иннагаалад̇о бадтааяа г̇арубхан̣д̣анд̇и яож̇анаа. ‘‘анад̇ирид̇д̇абамаан̣о’’д̇и висзсанабад̣̇ам̣ ‘‘гхадаго’’д̇и висзсяабад̣̇знзва самб̣анд̇хид̇аб̣б̣ам̣. зд̇т̇аад̇и мад̇д̇игаабхан̣д̣з, аад̇хаарз ваа нид̣̇д̇хааран̣з ваа д̇т̇а бажжаяо. мад̇д̇игаабхан̣д̣з гун̣д̣игаа бхааж̇анийяагодтаасам̣ бхаж̇ад̇и, звам̣ лохабхан̣д̣збийд̇и яож̇анаа. зд̇т̇аад̇и г̇арубхан̣д̣авинижчаяз.
Mattikābhaṇḍe evaṃ vinicchayo veditabboti yojanā, upabhogo ca paribhogo ca upabhogaparibhogaṃ, samāhāradvando. Idaṃ padaṃ ‘‘ghaṭapidhānādikulālabhājana’’nti padeneva sambandhitabbaṃ. Thupikātīti ettha itisaddo imasaddattho. Idaṃ sabbaṃ saṅghassa dinnakālato paṭṭhāya garubhaṇḍanti yojanā. ‘‘Anatirittapamāṇo’’ti visesanapadaṃ ‘‘ghaṭako’’ti visesyapadeneva sambandhitabbaṃ. Etthāti mattikābhaṇḍe, ādhāre vā niddhāraṇe vā ttha paccayo. Mattikābhaṇḍe kuṇḍikā bhājanīyakoṭṭhāsaṃ bhajati, evaṃ lohabhaṇḍepīti yojanā. Etthāti garubhaṇḍavinicchaye.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / ависсаж̇ж̇ияавад̇т̇у • Avissajjiyavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ависсаж̇ж̇ияавад̇т̇угат̇аа • Avissajjiyavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ависсаж̇ж̇ияавад̇т̇угат̇ааван̣н̣анаа • Avissajjiyavatthukathāvaṇṇanā
