| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
ависсаж̇ж̇ияавад̇т̇угат̇ааван̣н̣анаа
Avissajjiyavatthukathāvaṇṇanā
321. аран̃ж̇арод̇и б̣ахууд̣̇агаг̇ан̣ханагаа махаажаади. ж̇алам̣ г̇ан̣хид̇ум̣ аланд̇и аран̃ж̇аро. ‘‘ваддажаади вияа худ̇ваа т̇огам̣ д̣̇ийгхамуко маж̇жхз барижчзд̣̇ам̣ д̣̇ассзд̇ваа гад̇о’’д̇и г̇ан̣тибад̣̇зсу вуд̇д̇ам̣. бан̃жаниммалаложанод̇и мам̣сад̣̇иб̣б̣ад̇хаммаб̣уд̣̇д̇хасаманд̇ажагкувасзна бан̃жаложано.
321.Arañjaroti bahuudakagaṇhanakā mahācāṭi. Jalaṃ gaṇhituṃ alanti arañjaro. ‘‘Vaṭṭacāṭi viya hutvā thokaṃ dīghamukho majjhe paricchedaṃ dassetvā kato’’ti gaṇṭhipadesu vuttaṃ. Pañcanimmalalocanoti maṃsadibbadhammabuddhasamantacakkhuvasena pañcalocano.
т̇ааварзна жа т̇ааварам̣ г̇арубхан̣д̣зна жа г̇арубхан̣д̣анд̇и зд̇т̇а бан̃жасу годтаасзсу буримад̣̇ваяам̣ т̇ааварам̣, бажчимад̇д̇аяам̣ г̇арубхан̣д̣анд̇и взд̣̇ид̇аб̣б̣ам̣. ж̇аанаабзд̇ваад̇и бхигкусан̇гхам̣ ж̇аанаабзд̇ваа. габбияаман̃жаа самбадижчид̇аб̣б̣аад̇и ‘‘сан̇гхасса д̣̇змаа’’д̇и д̣̇иннам̣ санд̇хааяа вуд̇д̇ам̣. сажз бана ‘‘вихаарасса д̣̇змаа’’д̇и вад̣̇анд̇и, суван̣н̣араж̇ад̇амаяаад̣̇иагаббияаман̃жзби самбадижчид̇ум̣ ваддад̇и. на гзвалам̣…бз… баривад̇д̇зд̇ум̣ вадданд̇ийд̇и иминаа ат̇ааварзна т̇ааварамби ат̇ааварамби баривад̇д̇зд̇ум̣ ваддад̇ийд̇и д̣̇ассзд̇и. т̇ааварзна ат̇ааварамзва хи баривад̇д̇зд̇ум̣ на ваддад̇и. агаббияам̣ ваа махаг̇гхам̣ габбияам̣ ваад̇и зд̇т̇а агаббияам̣ наама суван̣н̣амаяаман̃жаад̣̇и агаббияабхисиб̣имб̣оханаани жа. махаг̇гхам̣ габбияам̣ наама д̣̇анд̇амаяаман̃жаад̣̇и бааваараад̣̇игаббияаад̇т̇аран̣аад̣̇ийни жа.
Thāvarenaca thāvaraṃ garubhaṇḍena ca garubhaṇḍanti ettha pañcasu koṭṭhāsesu purimadvayaṃ thāvaraṃ, pacchimattayaṃ garubhaṇḍanti veditabbaṃ. Jānāpetvāti bhikkhusaṅghaṃ jānāpetvā. Kappiyamañcā sampaṭicchitabbāti ‘‘saṅghassa demā’’ti dinnaṃ sandhāya vuttaṃ. Sace pana ‘‘vihārassa demā’’ti vadanti, suvaṇṇarajatamayādiakappiyamañcepi sampaṭicchituṃ vaṭṭati. Na kevalaṃ…pe… parivattetuṃ vaṭṭantīti iminā athāvarena thāvarampi athāvarampi parivattetuṃ vaṭṭatīti dasseti. Thāvarena athāvarameva hi parivattetuṃ na vaṭṭati. Akappiyaṃ vā mahagghaṃ kappiyaṃ vāti ettha akappiyaṃ nāma suvaṇṇamayamañcādi akappiyabhisibimbohanāni ca. Mahagghaṃ kappiyaṃ nāma dantamayamañcādi pāvārādikappiyaattharaṇādīni ca.
баарихаарияам̣ на ваддад̇ийд̇и ад̇д̇ано санд̇агам̣ вияа г̇ахзд̇ваа барихарид̇ум̣ на ваддад̇и. ‘‘г̇ихивигад̇анийхаарзнзва барибхун̃ж̇ид̇аб̣б̣а’’нд̇и иминаа сажз аараамигаад̣̇аяо бадисаамзд̇ваа бадид̣̇знд̇и, барибхун̃ж̇ид̇ум̣ ваддад̇ийд̇и д̣̇ассзд̇и. ‘‘бан̣н̣асуужи наама лзканий’’д̇и махааг̇ан̣тибад̣̇з вуд̇д̇ам̣.
Pārihāriyaṃ na vaṭṭatīti attano santakaṃ viya gahetvā pariharituṃ na vaṭṭati. ‘‘Gihivikatanīhāreneva paribhuñjitabba’’nti iminā sace ārāmikādayo paṭisāmetvā paṭidenti, paribhuñjituṃ vaṭṭatīti dasseti. ‘‘Paṇṇasūci nāma lekhanī’’ti mahāgaṇṭhipade vuttaṃ.
‘‘ад̣дхаб̣аахууд̇и габбарад̇о бадтааяа яаава ам̣сагууда’’нд̇и г̇ан̣тибад̣̇зсу вуд̇д̇ам̣. ад̣дхаб̣ааху наама вид̣̇ад̇т̇ижад̇уран̇г̇уланд̇иби вад̣̇анд̇и. д̇ад̇т̇аж̇аад̇агаад̇и сан̇гхигабхуумияам̣ ж̇аад̇аа. адтан̇г̇уласуужид̣̇ан̣д̣амад̇д̇од̇и д̣̇ийгхад̇о адтан̇г̇уламад̇д̇о барин̣аахад̇о бан̣н̣асуужид̣̇ан̣д̣амад̇д̇о. мун̃ж̇абаб̣б̣аж̇аанам̣язва баал̣ияам̣ висум̣ ааг̇ад̇ад̇д̇аа ‘‘мун̃ж̇ам̣ баб̣б̣аж̇ан̃жа табзд̇ваа’’д̇и вуд̇д̇ам̣. адтан̇г̇улаббамаан̣од̇и д̣̇ийгхад̇о адтан̇г̇улаббамаан̣о. гхадданапалагам̣ наама яад̇т̇а табзд̇ваа раж̇ид̇ажийварам̣ хад̇т̇зна гхаддзнд̇и. гхадданамуг̇г̇аро наама ануваад̇аад̣̇игхадданад̇т̇ам̣ гад̇од̇и вад̣̇анд̇и. амб̣ан̣анд̇и палагзхи богкаран̣ийсад̣̇исам̣ гад̇абаанийяабхааж̇анам̣. раж̇анад̣̇он̣ийд̇и яад̇т̇а баггараж̇анам̣ аагирид̇ваа табзнд̇и. бхуумад̇т̇аран̣ам̣ гаад̇ум̣ ваддад̇ийд̇и агаббияажаммам̣ санд̇хааяа вуд̇д̇ам̣. бажжад̇т̇аран̣аг̇ад̇иганд̇и иминаа ман̃жабийтзби ад̇т̇арид̇ум̣ ваддад̇ийд̇и д̣̇ийбзд̇и. бааваараад̣̇ибажжад̇т̇аран̣амби г̇арубхан̣д̣анд̇и згз, нод̇и абарз, виймам̣сид̇ваа г̇ахзд̇аб̣б̣ам̣. мудтибан̣н̣анд̇и д̇аалабан̣н̣ам̣ санд̇хааяа вуд̇д̇ам̣.
‘‘Aḍḍhabāhūti kapparato paṭṭhāya yāva aṃsakūṭa’’nti gaṇṭhipadesu vuttaṃ. Aḍḍhabāhu nāma vidatthicaturaṅgulantipi vadanti. Tatthajātakāti saṅghikabhūmiyaṃ jātā. Aṭṭhaṅgulasūcidaṇḍamattoti dīghato aṭṭhaṅgulamatto pariṇāhato paṇṇasūcidaṇḍamatto. Muñjapabbajānaṃyeva pāḷiyaṃ visuṃ āgatattā ‘‘muñjaṃ pabbajañca ṭhapetvā’’ti vuttaṃ. Aṭṭhaṅgulappamāṇoti dīghato aṭṭhaṅgulappamāṇo. Ghaṭṭanaphalakaṃ nāma yattha ṭhapetvā rajitacīvaraṃ hatthena ghaṭṭenti. Ghaṭṭanamuggaro nāma anuvātādighaṭṭanatthaṃ katoti vadanti. Ambaṇanti phalakehi pokkharaṇīsadisaṃ katapānīyabhājanaṃ. Rajanadoṇīti yattha pakkarajanaṃ ākiritvā ṭhapenti. Bhūmattharaṇaṃ kātuṃ vaṭṭatīti akappiyacammaṃ sandhāya vuttaṃ. Paccattharaṇagatikanti iminā mañcapīṭhepi attharituṃ vaṭṭatīti dīpeti. Pāvārādipaccattharaṇampi garubhaṇḍanti eke, noti apare, vīmaṃsitvā gahetabbaṃ. Muṭṭhipaṇṇanti tālapaṇṇaṃ sandhāya vuttaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / ависсаж̇ж̇ияавад̇т̇у • Avissajjiyavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ависсаж̇ж̇ияавад̇т̇угат̇аа • Avissajjiyavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ависсаж̇ж̇ияавад̇т̇угат̇ааван̣н̣анаа • Avissajjiyavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ависсаж̇ж̇ияавад̇т̇угат̇ааван̣н̣анаа • Avissajjiyavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / ависсаж̇ж̇ияавад̇т̇угат̇аа • Avissajjiyavatthukathā
