| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
ависсаж̇ж̇ияавад̇т̇угат̇ааван̣н̣анаа
Avissajjiyavatthukathāvaṇṇanā
321. ‘‘на виссаж̇ж̇зд̇аб̣б̣ам̣ сан̇гхзна ваа г̇ан̣зна ваа буг̇г̇алзна ваа’’д̇и важанам̣ ‘‘яам̣ аг̇арубхан̣д̣ам̣ виссаж̇ж̇ияам̣ взбхан̇г̇ияам̣ сан̇гхигам̣, д̇ам̣ г̇ан̣о жз д̇асмим̣ ааваасз васад̇и буг̇г̇алоби ваа, г̇ан̣зна ваа буг̇г̇алзна ваа виссаж̇ж̇ид̇ам̣ сан̇гхзна виссаж̇ж̇ид̇асад̣̇исамзва ход̇ий’’д̇и адтагат̇ааяам̣ вуд̇д̇аважанам̣ саад̇хзд̇и, ан̃н̃ат̇аа зд̇т̇а г̇ан̣абуг̇г̇алаг̇г̇ахан̣ам̣ нирад̇т̇агам̣. аран̃ж̇аро уд̣̇агажаади, алан̃ж̇ало, б̣ахууд̣̇агаг̇ан̣ханагод̇и ад̇т̇о. ‘‘ваддажаади вияа худ̇ваа т̇огам̣ д̣̇ийгхамуко маж̇жхз барижчзд̣̇ам̣ д̣̇ассзд̇ваа гад̇о’’д̇и ликид̇ам̣. мам̣сад̣̇иб̣б̣ад̇хаммаб̣уд̣̇д̇хасаманд̇ажагкувасзна бан̃жа.
321. ‘‘Na vissajjetabbaṃ saṅghena vā gaṇena vā puggalena vā’’ti vacanaṃ ‘‘yaṃ agarubhaṇḍaṃ vissajjiyaṃ vebhaṅgiyaṃ saṅghikaṃ, taṃ gaṇo ce tasmiṃ āvāse vasati puggalopi vā, gaṇena vā puggalena vā vissajjitaṃ saṅghena vissajjitasadisameva hotī’’ti aṭṭhakathāyaṃ vuttavacanaṃ sādheti, aññathā ettha gaṇapuggalaggahaṇaṃ niratthakaṃ. Arañjaro udakacāṭi, alañjalo, bahuudakagaṇhanakoti attho. ‘‘Vaṭṭacāṭi viya hutvā thokaṃ dīghamukho majjhe paricchedaṃ dassetvā kato’’ti likhitaṃ. Maṃsadibbadhammabuddhasamantacakkhuvasena pañca.
г̇арубхан̣д̣зна жа г̇арубхан̣д̣анд̇и сам̣хааримам̣ санд̇хааяа вуд̇д̇ам̣. бад̇д̇ажийварам̣ нигкибид̇унд̇и аддагажчаннзна гад̇з ман̃жз. ваддалохам̣ наама бийд̇аван̣н̣ам̣. баарихаарияам̣ на ваддад̇ийд̇и ааг̇анд̇угасса ад̣̇ад̇ваа барижааригахад̇т̇ад̇о ад̇д̇ано наамам̣ ликаабзд̇ваа г̇ахзд̇ваа яат̇аасукам̣ барихарид̇ум̣ на ваддад̇и. ‘‘г̇ихивигаданийхаарзнзваад̇и яаава ад̇д̇ано гамманиб̣б̣ад̇д̇и, д̇аава г̇ахзд̇ваа д̣̇зд̇ий’’д̇и ликид̇ам̣. сикарам̣ наама язна бариб̣бхаманд̇аа чинд̣̇анд̇и. бад̇д̇аб̣анд̇хаго наама бад̇д̇асса г̇ан̣тиаад̣̇игаараго. ‘‘бадимаанам̣ суван̣н̣аад̣̇ибад̇д̇агаараго’’д̇иби вад̣̇анд̇и. ‘‘ад̣дхаб̣аахууд̇и габбарад̇о бадтааяа яаава ам̣сагууда’’нд̇и ликид̇ам̣. ид̇о бадтааяаад̇и имам̣ баал̣им̣ аад̣̇им̣ гад̇ваа. д̣̇ан̣д̣амуг̇г̇аро наама язна раж̇ид̇ажийварам̣ бот̇знд̇и. ‘бажжад̇т̇аран̣аг̇ад̇ига’нд̇и вуд̇д̇ад̇д̇аа, ‘‘д̇амби г̇арубхан̣д̣амзваад̇и вуд̇д̇ад̇д̇аа жа аби-сад̣̇д̣̇зна бааваараад̣̇ибажжад̇т̇аран̣ам̣ саб̣б̣ам̣ г̇арубхан̣д̣амзваа’’д̇и вад̣̇анд̇и. зд̇знзва суд̇д̇зна ан̃н̃ат̇аа ад̇т̇ам̣ вад̇ваа ‘‘бааваараад̣̇ибажжад̇т̇аран̣ам̣ на г̇арубхан̣д̣ам̣, бхааж̇анийяамзва, сзнаасанад̇т̇ааяа д̣̇иннабажжад̇т̇аран̣амзва г̇арубхан̣д̣а’’нд̇и вад̣̇анд̇и, убабаригкид̇аб̣б̣ам̣. г̇ан̣тигаад̇и жийвараг̇ан̣тигаа. бхан̃жаго наама сараго.
Garubhaṇḍena ca garubhaṇḍanti saṃhārimaṃ sandhāya vuttaṃ. Pattacīvaraṃ nikkhipitunti aṭṭakacchannena kate mañce. Vaṭṭalohaṃ nāma pītavaṇṇaṃ. Pārihāriyaṃ na vaṭṭatīti āgantukassa adatvā paricārikahatthato attano nāmaṃ likhāpetvā gahetvā yathāsukhaṃ pariharituṃ na vaṭṭati. ‘‘Gihivikaṭanīhārenevāti yāva attano kammanibbatti, tāva gahetvā detī’’ti likhitaṃ. Sikharaṃ nāma yena paribbhamantā chindanti. Pattabandhako nāma pattassa gaṇṭhiādikārako. ‘‘Paṭimānaṃ suvaṇṇādipattakārako’’tipi vadanti. ‘‘Aḍḍhabāhūti kapparato paṭṭhāya yāva aṃsakūṭa’’nti likhitaṃ. Ito paṭṭhāyāti imaṃ pāḷiṃ ādiṃ katvā. Daṇḍamuggaro nāma yena rajitacīvaraṃ pothenti. ‘Paccattharaṇagatika’nti vuttattā, ‘‘tampi garubhaṇḍamevāti vuttattā ca api-saddena pāvārādipaccattharaṇaṃ sabbaṃ garubhaṇḍamevā’’ti vadanti. Eteneva suttena aññathā atthaṃ vatvā ‘‘pāvārādipaccattharaṇaṃ na garubhaṇḍaṃ, bhājanīyameva, senāsanatthāya dinnapaccattharaṇameva garubhaṇḍa’’nti vadanti, upaparikkhitabbaṃ. Gaṇṭhikāti cīvaragaṇṭhikā. Bhañcako nāma sarako.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / ависсаж̇ж̇ияавад̇т̇у • Avissajjiyavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ависсаж̇ж̇ияавад̇т̇угат̇аа • Avissajjiyavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ависсаж̇ж̇ияавад̇т̇угат̇ааван̣н̣анаа • Avissajjiyavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ависсаж̇ж̇ияавад̇т̇угат̇ааван̣н̣анаа • Avissajjiyavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / ависсаж̇ж̇ияавад̇т̇угат̇аа • Avissajjiyavatthukathā
