| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਅવਿਸ੍ਸਜ੍ਜਿਯવਤ੍ਥੁਕਥਾવਣ੍ਣਨਾ
Avissajjiyavatthukathāvaṇṇanā
੩੨੧. ਅਰਞ੍ਜਰੋਤਿ ਬਹੁਉਦਕਗਣ੍ਹਨਿਕਾ ਮਹਾਚਾਟਿ, ਜਲਂ ਗਣ੍ਹਿਤੁਮਲਨ੍ਤਿ ਅਰਞ੍ਜਰੋ।
321.Arañjaroti bahuudakagaṇhanikā mahācāṭi, jalaṃ gaṇhitumalanti arañjaro.
ਥਾવਰੇਨ ਚ ਥਾવਰਨ੍ਤਿਆਦੀਸੁ ਪਞ੍ਚਸੁ ਕੋਟ੍ਠਾਸੇਸੁ ਪੁਰਿਮਦ੍વਯਂ ਥਾવਰਂ, ਪਚ੍ਛਿਮਤ੍ਤਯਂ ਗਰੁਭਣ੍ਡਨ੍ਤਿ વੇਦਿਤਬ੍ਬਂ। ਸਮਕਮੇવ ਦੇਤੀਤਿ ਏਤ੍ਥ ਊਨਕਂ ਦੇਨ੍ਤਮ੍ਪਿ વਿਹਾਰવਤ੍ਥੁਸਾਮਨ੍ਤਂ ਗਹੇਤ੍વਾ ਦੂਰਤਰਂ ਦੁਕ੍ਖਗੋਪਂ વਿਸ੍ਸਜ੍ਜੇਤੁਂ વਟ੍ਟਤੀਤਿ ਦਟ੍ਠਬ੍ਬਂ। વਕ੍ਖਤਿ ਹਿ ‘‘ਭਿਕ੍ਖੂਨਂ ਚੇ ਮਹਗ੍ਘਤਰਂ…ਪੇ॰… ਸਮ੍ਪਟਿਚ੍ਛਿਤੁਂ વਟ੍ਟਤੀ’’ਤਿ (ਚੂਲ਼વ॰ ਅਟ੍ਠ॰ ੩੨੧)। ਜਾਨਾਪੇਤ੍વਾਤਿ ਭਿਕ੍ਖੁਸਙ੍ਘਸ੍ਸ ਜਾਨਾਪੇਤ੍વਾ, ਅਪਲੋਕੇਤ੍વਾਤਿ ਅਤ੍ਥੋ। ‘‘ਨਨੁ ਤੁਮ੍ਹਾਕਂ ਬਹੁਤਰਾ ਰੁਕ੍ਖਾਤਿ વਤ੍ਤਬ੍ਬ’’ਨ੍ਤਿ ਇਦਂ ਸਾਮਿਕੇਸੁ ਅਤ੍ਤਨੋ ਭਣ੍ਡਸ੍ਸ ਮਹਗ੍ਘਤਂ ਅਜਾਨਿਤ੍વਾ ਦੇਨ੍ਤੇਸੁ ਤਂ ਞਤ੍વਾ ਥੇਯ੍ਯਚਿਤ੍ਤੇਨ ਗਣ੍ਹਤੋ ਅવਹਾਰੋ ਹੋਤੀਤਿ વੁਤ੍ਤਂ।
Thāvarena ca thāvarantiādīsu pañcasu koṭṭhāsesu purimadvayaṃ thāvaraṃ, pacchimattayaṃ garubhaṇḍanti veditabbaṃ. Samakameva detīti ettha ūnakaṃ dentampi vihāravatthusāmantaṃ gahetvā dūrataraṃ dukkhagopaṃ vissajjetuṃ vaṭṭatīti daṭṭhabbaṃ. Vakkhati hi ‘‘bhikkhūnaṃ ce mahagghataraṃ…pe… sampaṭicchituṃ vaṭṭatī’’ti (cūḷava. aṭṭha. 321). Jānāpetvāti bhikkhusaṅghassa jānāpetvā, apaloketvāti attho. ‘‘Nanu tumhākaṃ bahutarā rukkhāti vattabba’’nti idaṃ sāmikesu attano bhaṇḍassa mahagghataṃ ajānitvā dentesu taṃ ñatvā theyyacittena gaṇhato avahāro hotīti vuttaṃ.
વਿਹਾਰੇਨ વਿਹਾਰੋ ਪਰਿવਤ੍ਤੇਤਬ੍ਬੋਤਿ ਸવਤ੍ਥੁਕੇਨ ਅਞ੍ਞੇਸਂ ਭੂਮਿਯਂ ਕਤਪਾਸਾਦਾਦਿਨਾ, ਅવਤ੍ਥੁਕੇਨ વਾ ਸવਤ੍ਥੁਕਂ ਪਰਿવਤ੍ਤੇਤਬ੍ਬਂ। ਅવਤ੍ਥੁਕਂ ਪਨ ਅવਤ੍ਥੁਕੇਨੇવ ਪਰਿવਤ੍ਤੇਤਬ੍ਬਂ। ਕੇવਲਂ ਪਾਸਾਦਸ੍ਸ ਭੂਮਿਤੋ ਅਥਾવਰਤ੍ਤਾ। ਏવਂ ਥਾવਰੇਸੁਪਿ ਥਾવਰવਿਭਾਗਂ ਞਤ੍વਾવ ਪਰਿવਤ੍ਤੇਤਬ੍ਬਂ।
Vihārena vihāro parivattetabboti savatthukena aññesaṃ bhūmiyaṃ katapāsādādinā, avatthukena vā savatthukaṃ parivattetabbaṃ. Avatthukaṃ pana avatthukeneva parivattetabbaṃ. Kevalaṃ pāsādassa bhūmito athāvarattā. Evaṃ thāvaresupi thāvaravibhāgaṃ ñatvāva parivattetabbaṃ.
‘‘ਕਪ੍ਪਿਯਮਞ੍ਚਾ ਸਮ੍ਪਟਿਚ੍ਛਿਤਬ੍ਬਾ’’ਤਿ ਇਮਿਨਾ ਸੁવਣ੍ਣਾਦਿવਿਚਿਤ੍ਤਂ ਅਕਪ੍ਪਿਯਮਞ੍ਚਂ ‘‘ਸਙ੍ਘਸ੍ਸਾ’’ਤਿ વੁਤ੍ਤੇਪਿ ਸਮ੍ਪਟਿਚ੍ਛਿਤੁਂ ਨ વਟ੍ਟਤੀਤਿ ਦਸ੍ਸੇਤਿ। ‘‘વਿਹਾਰਸ੍ਸ ਦੇਮਾ’’ਤਿ વੁਤ੍ਤੇ ਸਙ੍ਘਸ੍ਸ વਟ੍ਟਤਿ, ਨ ਪੁਗ੍ਗਲਸ੍ਸ ਖੇਤ੍ਤਾਦਿ વਿਯਾਤਿ ਦਟ੍ਠਬ੍ਬਂ। ਏਤੇਸੂਤਿ ਮਞ੍ਚਾਦੀਸੁ। ਕਪ੍ਪਿਯਾਕਪ੍ਪਿਯਂ વੁਤ੍ਤਨਯਮੇવਾਤਿ ਆਸਨ੍ਦੀਤੂਲਿਕਾਦਿવਿਨਿਚ੍ਛਯੇਸੁ વੁਤ੍ਤਨਯਮੇવ। ਅਕਪ੍ਪਿਯਂ વਾਤਿ ਆਸਨ੍ਦੀਆਦਿ, ਪਮਾਣਾਤਿਕ੍ਕਨ੍ਤਂ ਬਿਮ੍ਬੋਹਨਾਦਿ ਚ। ਮਹਗ੍ਘਂ ਕਪ੍ਪਿਯਂ વਾਤਿ ਸੁવਣ੍ਣਾਦਿવਿਚਿਤ੍ਤਂ ਕਪ੍ਪਿਯવੋਹਾਰੇਨ ਦਿਨ੍ਨਂ।
‘‘Kappiyamañcā sampaṭicchitabbā’’ti iminā suvaṇṇādivicittaṃ akappiyamañcaṃ ‘‘saṅghassā’’ti vuttepi sampaṭicchituṃ na vaṭṭatīti dasseti. ‘‘Vihārassa demā’’ti vutte saṅghassa vaṭṭati, na puggalassa khettādi viyāti daṭṭhabbaṃ. Etesūti mañcādīsu. Kappiyākappiyaṃ vuttanayamevāti āsandītūlikādivinicchayesu vuttanayameva. Akappiyaṃ vāti āsandīādi, pamāṇātikkantaṃ bimbohanādi ca. Mahagghaṃ kappiyaṃ vāti suvaṇṇādivicittaṃ kappiyavohārena dinnaṃ.
‘‘ਕਾਲ਼ਲੋਹ…ਪੇ॰… ਭਾਜੇਤਬ੍ਬੋ’’ਤਿ વੁਤ੍ਤਤ੍ਤਾ વਟ੍ਟਕਂਸਲੋਹਮਯਮ੍ਪਿ ਭਾਜਨਂ ਪੁਗ੍ਗਲਿਕਮ੍ਪਿ ਸਮ੍ਪਟਿਚ੍ਛਿਤੁਮ੍ਪਿ ਪਰਿਹਰਿਤੁਮ੍ਪਿ વਟ੍ਟਤਿ ਪੁਗ੍ਗਲਪਰਿਹਰਿਤਬ੍ਬਸ੍ਸੇવ ਭਾਜੇਤਬ੍ਬਤ੍ਤਾਤਿ વਦਨ੍ਤਿ। ਤਂ ਉਪਰਿ ‘‘ਕਂਸਲੋਹવਟ੍ਟਲੋਹਭਾਜਨવਿਕਤਿ ਸਙ੍ਘਿਕਪਰਿਭੋਗੇਨ વਾ ਗਿਹਿવਿਕਟਾ વਾ વਟ੍ਟਤੀ’’ਤਿਆਦਿਕੇਨ ਮਹਾਪਚ੍ਚਰਿવਚਨੇਨ વਿਰੁਜ੍ਝਤਿ। ਇਮਸ੍ਸ ਹਿ ‘‘વਟ੍ਟਲੋਹਕਂਸਲੋਹਾਨਂ ਯੇਨ ਕੇਨਚਿ ਕਤੋ ਸੀਹਲ਼ਦੀਪੇ ਪਾਦਗ੍ਗਣ੍ਹਨਕੋ ਭਾਜੇਤਬ੍ਬੋ’’ਤਿ વੁਤ੍ਤਸ੍ਸ ਮਹਾਅਟ੍ਠਕਥਾવਚਨਸ੍ਸ ਪਟਿਕ੍ਖੇਪਾਯ ਤਂ ਮਹਾਪਚ੍ਚਰਿવਚਨਂ ਪਚ੍ਛਾ ਦਸ੍ਸਿਤਂ। ਤਸ੍ਮਾ વਟ੍ਟਲੋਹਕਂਸਲੋਹਮਯਂ ਯਂ ਕਿਞ੍ਚਿ ਪਾਦਗ੍ਗਣ੍ਹਨਕવਾਰਕਮ੍ਪਿ ਉਪਾਦਾਯ ਅਭਾਜਨੀਯਮੇવ। ਗਿਹੀਹਿ ਦਿਯ੍ਯਮਾਨਮ੍ਪਿ ਪੁਗ੍ਗਲਸ੍ਸ ਸਮ੍ਪਟਿਚ੍ਛਿਤੁਮ੍ਪਿ ਨ વਟ੍ਟਤਿ। ਪਾਰਿਹਾਰਿਯਂ ਨ વਟ੍ਟਤੀਤਿ ਪਤ੍ਤਾਦਿਪਰਿਕ੍ਖਾਰਂ વਿਯ ਸਯਮੇવ ਪਟਿਸਾਮੇਤ੍વਾ ਪਰਿਭੁਞ੍ਜਿਤੁਂ ਨ વਟ੍ਟਤਿ। ਗਿਹਿਸਨ੍ਤਕਂ વਿਯ ਆਰਾਮਿਕਾਦਯੋ ਚੇ ਸਯਮੇવ ਗੋਪੇਤ੍વਾ વਿਨਿਯੋਗਕਾਲੇ ਆਨੇਤ੍વਾ ਪਟਿਨੇਨ੍ਤਿ, ਪਰਿਭੁਞ੍ਜਿਤੁਂ વਟ੍ਟਤਿ। ‘‘ਪਟਿਸਾਮੇਤ੍વਾ ਭਿਕ੍ਖੂਨਂ ਦੇਥਾ’’ਤਿ વਤ੍ਤੁਮ੍ਪਿ વਟ੍ਟਤਿ।
‘‘Kāḷaloha…pe… bhājetabbo’’ti vuttattā vaṭṭakaṃsalohamayampi bhājanaṃ puggalikampi sampaṭicchitumpi pariharitumpi vaṭṭati puggalapariharitabbasseva bhājetabbattāti vadanti. Taṃ upari ‘‘kaṃsalohavaṭṭalohabhājanavikati saṅghikaparibhogena vā gihivikaṭā vā vaṭṭatī’’tiādikena mahāpaccarivacanena virujjhati. Imassa hi ‘‘vaṭṭalohakaṃsalohānaṃ yena kenaci kato sīhaḷadīpe pādaggaṇhanako bhājetabbo’’ti vuttassa mahāaṭṭhakathāvacanassa paṭikkhepāya taṃ mahāpaccarivacanaṃ pacchā dassitaṃ. Tasmā vaṭṭalohakaṃsalohamayaṃ yaṃ kiñci pādaggaṇhanakavārakampi upādāya abhājanīyameva. Gihīhi diyyamānampi puggalassa sampaṭicchitumpi na vaṭṭati. Pārihāriyaṃ na vaṭṭatīti pattādiparikkhāraṃ viya sayameva paṭisāmetvā paribhuñjituṃ na vaṭṭati. Gihisantakaṃ viya ārāmikādayo ce sayameva gopetvā viniyogakāle ānetvā paṭinenti, paribhuñjituṃ vaṭṭati. ‘‘Paṭisāmetvā bhikkhūnaṃ dethā’’ti vattumpi vaṭṭati.
ਪਣ੍ਣਸੂਚਿ ਨਾਮ ਲੇਖਨੀਤਿ વਦਨ੍ਤਿ। ‘‘ਅਤ੍ਤਨਾ ਲਦ੍ਧਾਨਿਪੀ’’ਤਿਆਦਿਨਾ ਪਟਿਗ੍ਗਹਣੇ ਦੋਸੋ ਨਤ੍ਥਿ, ਪਰਿਹਰਿਤ੍વਾ ਪਰਿਭੋਗੋવ ਆਪਤ੍ਤਿਕਰੋਤਿ ਦਸ੍ਸੇਤਿ। ਯਥਾ ਚੇਤ੍ਥ, ਏવਂ ਉਪਰਿ ਅਭਾਜਨੀਯવਾਸਿਆਦੀਸੁ ਅਤ੍ਤਨੋ ਸਨ੍ਤਕੇਸੁਪਿ।
Paṇṇasūci nāma lekhanīti vadanti. ‘‘Attanā laddhānipī’’tiādinā paṭiggahaṇe doso natthi, pariharitvā paribhogova āpattikaroti dasseti. Yathā cettha, evaṃ upari abhājanīyavāsiādīsu attano santakesupi.
ਅਨਾਮਾਸਮ੍ਪੀਤਿ ਸੁવਣ੍ਣਾਦਿਮਯਮ੍ਪਿ ਸਬ੍ਬਂ ਤਂ ਆਮਸਿਤ੍વਾਪਿ ਪਰਿਭੁਞ੍ਜਿਤੁਂ વਟ੍ਟਤਿ। ਉਪਕ੍ਖਰੇਤਿ ਉਪਕਰਣੇ। ਅਡ੍ਢਬਾਹੁਪ੍ਪਮਾਣਾ ਨਾਮ ਅਡ੍ਢਬਾਹੁਮਤ੍ਤਾ। ਅਡ੍ਢਬ੍ਯਾਮਮਤ੍ਤਾਤਿਪਿ વਦਨ੍ਤਿ। ਯੋਤ੍ਤਾਨੀਤਿ ਚਮ੍ਮਰਜ੍ਜੁਕਾ।
Anāmāsampīti suvaṇṇādimayampi sabbaṃ taṃ āmasitvāpi paribhuñjituṃ vaṭṭati. Upakkhareti upakaraṇe. Aḍḍhabāhuppamāṇā nāma aḍḍhabāhumattā. Aḍḍhabyāmamattātipi vadanti. Yottānīti cammarajjukā.
ਅਟ੍ਠਙ੍ਗੁਲਸੂਚਿਦਣ੍ਡਮਤ੍ਤੋਪੀਤਿ ਤਸਰਦਣ੍ਡਾਦਿਸੂਚਿਆਕਾਰਤਨੁਦਣ੍ਡਕਮਤ੍ਤੋਪਿ। ਰਿਤ੍ਤਪੋਤ੍ਥਕੋਪੀਤਿ ਅਲਿਖਿਤਪੋਤ੍ਥਕੋ। ਇਦਞ੍ਚ ਪਣ੍ਣਪ੍ਪਸਙ੍ਗੇਨ વੁਤ੍ਤਂ।
Aṭṭhaṅgulasūcidaṇḍamattopīti tasaradaṇḍādisūciākāratanudaṇḍakamattopi. Rittapotthakopīti alikhitapotthako. Idañca paṇṇappasaṅgena vuttaṃ.
‘‘ਘਟ੍ਟਨਫਲਕਂ ਘਟ੍ਟਨਮੁਗ੍ਗਰੋ’’ਤਿ ਇਦਂ ਰਜਿਤਚੀવਰਂ ਏਕਸ੍ਮਿਂ ਮਟ੍ਠੇ ਦਣ੍ਡਮੁਗ੍ਗਰੇ વੇਠੇਤ੍વਾ ਏਕਸ੍ਸ ਮਟ੍ਠਫਲਕਸ੍ਸ ਉਪਰਿ ਠਪੇਤ੍વਾ ਉਪਰਿ ਅਪਰੇਨ ਮਟ੍ਠਫਲਕੇਨ ਨਿਕੁਜ੍ਜਿਤ੍વਾ ਏਕੋ ਉਪਰਿ ਅਕ੍ਕਮਿਤ੍વਾ ਤਿਟ੍ਠਤਿ। ਦ੍વੇ ਜਨਾ ਉਪਰਿ ਫਲਕਂ ਦ੍વੀਸੁ ਕੋਟੀਸੁ ਗਹੇਤ੍વਾ ਅਪਰਾਪਰਂ ਆਕਡ੍ਢਨવਿਕਡ੍ਢਨਂ ਕਰੋਨ੍ਤਿ, ਏਤਂ ਸਨ੍ਧਾਯ વੁਤ੍ਤਂ। ਹਤ੍ਥੇ ਠਪਾਪੇਤ੍વਾ ਹਤ੍ਥੇਨ ਪਹਰਣਂ ਪਨ ਨਿਟ੍ਠਿਤਰਜਨਸ੍ਸ ਚੀવਰਸ੍ਸ ਅਲ੍ਲਕਾਲੇ ਕਾਤਬ੍ਬਂ। ਇਦਂ ਪਨ ਫਲਕਮੁਗ੍ਗਰੇਹਿ ਘਟ੍ਟਨਂ ਸੁਕ੍ਖਕਾਲੇ ਥਦ੍ਧਭਾવવਿਮੋਚਨਤ੍ਥਨ੍ਤਿ ਦਟ੍ਠਬ੍ਬਂ। ਅਮ੍ਬਣਨ੍ਤਿ ਏਕਦੋਣਿਕਨਾવਾਫਲਕੇਹਿ ਪੋਕ੍ਖਰਣੀਸਦਿਸਂ ਕਤਂ। ਪਾਨੀਯਭਾਜਨਨ੍ਤਿਪਿ વਦਨ੍ਤਿ। ਰਜਨਦੋਣੀਤਿ ਏਕਦਾਰੁਨਾવ ਕਤਂ ਰਜਨਭਾਜਨਂ। ਉਦਕਦੋਣੀਪਿ ਏਕਦਾਰੁਨਾવ ਕਤਂ ਉਦਕਭਾਜਨਂ।
‘‘Ghaṭṭanaphalakaṃ ghaṭṭanamuggaro’’ti idaṃ rajitacīvaraṃ ekasmiṃ maṭṭhe daṇḍamuggare veṭhetvā ekassa maṭṭhaphalakassa upari ṭhapetvā upari aparena maṭṭhaphalakena nikujjitvā eko upari akkamitvā tiṭṭhati. Dve janā upari phalakaṃ dvīsu koṭīsu gahetvā aparāparaṃ ākaḍḍhanavikaḍḍhanaṃ karonti, etaṃ sandhāya vuttaṃ. Hatthe ṭhapāpetvā hatthena paharaṇaṃ pana niṭṭhitarajanassa cīvarassa allakāle kātabbaṃ. Idaṃ pana phalakamuggarehi ghaṭṭanaṃ sukkhakāle thaddhabhāvavimocanatthanti daṭṭhabbaṃ. Ambaṇanti ekadoṇikanāvāphalakehi pokkharaṇīsadisaṃ kataṃ. Pānīyabhājanantipi vadanti. Rajanadoṇīti ekadārunāva kataṃ rajanabhājanaṃ. Udakadoṇīpi ekadārunāva kataṃ udakabhājanaṃ.
ਭੂਮਤ੍ਥਰਣਂ ਕਾਤੁਂ વਟ੍ਟਤੀਤਿ ਅਕਪ੍ਪਿਯਚਮ੍ਮਂ ਸਨ੍ਧਾਯ વੁਤ੍ਤਂ। ਤਤ੍ਥ ਭੂਮਤ੍ਥਰਣਸਙ੍ਖੇਪੇਨ ਸਯਿਤੁਮ੍ਪਿ વਟ੍ਟਤਿਯੇવ। ‘‘ਪਚ੍ਚਤ੍ਥਰਣਗਤਿਕ’’ਨ੍ਤਿ ਇਮਿਨਾ ਮਞ੍ਚਾਦੀਸੁ ਅਤ੍ਥਰਿਤਬ੍ਬਂ ਮਹਾਚਮ੍ਮਂ ਏਲ਼ਕਚਮ੍ਮਂ ਨਾਮਾਤਿ ਦਸ੍ਸੇਤਿ।
Bhūmattharaṇaṃ kātuṃ vaṭṭatīti akappiyacammaṃ sandhāya vuttaṃ. Tattha bhūmattharaṇasaṅkhepena sayitumpi vaṭṭatiyeva. ‘‘Paccattharaṇagatika’’nti iminā mañcādīsu attharitabbaṃ mahācammaṃ eḷakacammaṃ nāmāti dasseti.
ਛਤ੍ਤਮੁਟ੍ਠਿਪਣ੍ਣਨ੍ਤਿ ਤਾਲਪਣ੍ਣਂ ਸਨ੍ਧਾਯ વੁਤ੍ਤਂ। ਪਤ੍ਤਕਟਾਹਨ੍ਤਿ ਪਤ੍ਤਪਚਨਕਟਾਹਂ।
Chattamuṭṭhipaṇṇanti tālapaṇṇaṃ sandhāya vuttaṃ. Pattakaṭāhanti pattapacanakaṭāhaṃ.
ਅવਿਸ੍ਸਜ੍ਜਿਯવਤ੍ਥੁਕਥਾવਣ੍ਣਨਾ ਨਿਟ੍ਠਿਤਾ।
Avissajjiyavatthukathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ਅવਿਸ੍ਸਜ੍ਜਿਯવਤ੍ਥੁ • Avissajjiyavatthu
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਅવਿਸ੍ਸਜ੍ਜਿਯવਤ੍ਥੁਕਥਾ • Avissajjiyavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅવਿਸ੍ਸਜ੍ਜਿਯવਤ੍ਥੁਕਥਾવਣ੍ਣਨਾ • Avissajjiyavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅવਿਸ੍ਸਜ੍ਜਿਯવਤ੍ਥੁਕਥਾવਣ੍ਣਨਾ • Avissajjiyavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਅવਿਸ੍ਸਜ੍ਜਿਯવਤ੍ਥੁਕਥਾ • Avissajjiyavatthukathā
