| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. அவிதக்கஸுத்தங்
2. Avitakkasuttaṃ
333. ஸாவத்தி²னிதா³னங் . அத்³த³ஸா கோ² ஆயஸ்மா ஆனந்தோ³…பே॰… ஆயஸ்மந்தங் ஸாரிபுத்தங் ஏதத³வோச – ‘‘விப்பஸன்னானி கோ² தே, ஆவுஸோ ஸாரிபுத்த, இந்த்³ரியானி; பரிஸுத்³தோ⁴ முக²வண்ணோ பரியோதா³தோ. கதமேனாயஸ்மா ஸாரிபுத்தோ அஜ்ஜ விஹாரேன விஹாஸீ’’தி?
333. Sāvatthinidānaṃ . Addasā kho āyasmā ānando…pe… āyasmantaṃ sāriputtaṃ etadavoca – ‘‘vippasannāni kho te, āvuso sāriputta, indriyāni; parisuddho mukhavaṇṇo pariyodāto. Katamenāyasmā sāriputto ajja vihārena vihāsī’’ti?
‘‘இதா⁴ஹங் , ஆவுஸோ, விதக்கவிசாரானங் வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங் அவிதக்கங் அவிசாரங் ஸமாதி⁴ஜங் பீதிஸுக²ங் து³தியங் ஜா²னங் உபஸம்பஜ்ஜ விஹராமி. தஸ்ஸ மய்ஹங், ஆவுஸோ, ந ஏவங் ஹோதி – ‘அஹங் து³தியங் ஜா²னங் ஸமாபஜ்ஜாமீ’தி வா ‘அஹங் து³தியங் ஜா²னங் ஸமாபன்னோ’தி வா ‘அஹங் து³தியா ஜா²னா வுட்டி²தோ’தி வா’’தி. ‘‘ததா² ஹி பனாயஸ்மதோ ஸாரிபுத்தஸ்ஸ தீ³க⁴ரத்தங் அஹங்காரமமங்காரமானானுஸயா ஸுஸமூஹதா. தஸ்மா ஆயஸ்மதோ ஸாரிபுத்தஸ்ஸ ந ஏவங் ஹோதி – ‘அஹங் து³தியங் ஜா²னங் ஸமாபஜ்ஜாமீ’தி வா ‘அஹங் து³தியங் ஜா²னங் ஸமாபன்னோ’தி வா ‘அஹங் து³தியா ஜா²னா வுட்டி²தோ’தி வா’’தி. து³தியங்.
‘‘Idhāhaṃ , āvuso, vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharāmi. Tassa mayhaṃ, āvuso, na evaṃ hoti – ‘ahaṃ dutiyaṃ jhānaṃ samāpajjāmī’ti vā ‘ahaṃ dutiyaṃ jhānaṃ samāpanno’ti vā ‘ahaṃ dutiyā jhānā vuṭṭhito’ti vā’’ti. ‘‘Tathā hi panāyasmato sāriputtassa dīgharattaṃ ahaṅkāramamaṅkāramānānusayā susamūhatā. Tasmā āyasmato sāriputtassa na evaṃ hoti – ‘ahaṃ dutiyaṃ jhānaṃ samāpajjāmī’ti vā ‘ahaṃ dutiyaṃ jhānaṃ samāpanno’ti vā ‘ahaṃ dutiyā jhānā vuṭṭhito’ti vā’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-9. விவேகஜஸுத்தாதி³வண்ணனா • 1-9. Vivekajasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-9. விவேகஜஸுத்தாதி³வண்ணனா • 1-9. Vivekajasuttādivaṇṇanā
