| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༢. ཨཝིཏཀྐསུཏྟཾ
2. Avitakkasuttaṃ
༣༣༣. སཱཝཏྠིནིདཱནཾ ། ཨདྡསཱ ཁོ ཨཱཡསྨཱ ཨཱནནྡོ…པེ॰… ཨཱཡསྨནྟཾ སཱརིཔུཏྟཾ ཨེཏདཝོཙ – ‘‘ཝིཔྤསནྣཱནི ཁོ ཏེ, ཨཱཝུསོ སཱརིཔུཏྟ, ཨིནྡྲིཡཱནི; པརིསུདྡྷོ མུཁཝཎྞོ པརིཡོདཱཏོ། ཀཏམེནཱཡསྨཱ སཱརིཔུཏྟོ ཨཛྫ ཝིཧཱརེན ཝིཧཱསཱི’’ཏི?
333. Sāvatthinidānaṃ . Addasā kho āyasmā ānando…pe… āyasmantaṃ sāriputtaṃ etadavoca – ‘‘vippasannāni kho te, āvuso sāriputta, indriyāni; parisuddho mukhavaṇṇo pariyodāto. Katamenāyasmā sāriputto ajja vihārena vihāsī’’ti?
‘‘ཨིདྷཱཧཾ , ཨཱཝུསོ, ཝིཏཀྐཝིཙཱརཱནཾ ཝཱུཔསམཱ ཨཛ྄ཛྷཏྟཾ སམྤསཱདནཾ ཙེཏསོ ཨེཀོདིབྷཱཝཾ ཨཝིཏཀྐཾ ཨཝིཙཱརཾ སམཱདྷིཛཾ པཱིཏིསུཁཾ དུཏིཡཾ ཛྷཱནཾ ཨུཔསམྤཛྫ ཝིཧརཱམི། ཏསྶ མཡ྄ཧཾ, ཨཱཝུསོ, ན ཨེཝཾ ཧོཏི – ‘ཨཧཾ དུཏིཡཾ ཛྷཱནཾ སམཱཔཛྫཱམཱི’ཏི ཝཱ ‘ཨཧཾ དུཏིཡཾ ཛྷཱནཾ སམཱཔནྣོ’ཏི ཝཱ ‘ཨཧཾ དུཏིཡཱ ཛྷཱནཱ ཝུཊྛིཏོ’ཏི ཝཱ’’ཏི། ‘‘ཏཐཱ ཧི པནཱཡསྨཏོ སཱརིཔུཏྟསྶ དཱིགྷརཏྟཾ ཨཧངྐཱརམམངྐཱརམཱནཱནུསཡཱ སུསམཱུཧཏཱ། ཏསྨཱ ཨཱཡསྨཏོ སཱརིཔུཏྟསྶ ན ཨེཝཾ ཧོཏི – ‘ཨཧཾ དུཏིཡཾ ཛྷཱནཾ སམཱཔཛྫཱམཱི’ཏི ཝཱ ‘ཨཧཾ དུཏིཡཾ ཛྷཱནཾ སམཱཔནྣོ’ཏི ཝཱ ‘ཨཧཾ དུཏིཡཱ ཛྷཱནཱ ཝུཊྛིཏོ’ཏི ཝཱ’’ཏི། དུཏིཡཾ།
‘‘Idhāhaṃ , āvuso, vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharāmi. Tassa mayhaṃ, āvuso, na evaṃ hoti – ‘ahaṃ dutiyaṃ jhānaṃ samāpajjāmī’ti vā ‘ahaṃ dutiyaṃ jhānaṃ samāpanno’ti vā ‘ahaṃ dutiyā jhānā vuṭṭhito’ti vā’’ti. ‘‘Tathā hi panāyasmato sāriputtassa dīgharattaṃ ahaṅkāramamaṅkāramānānusayā susamūhatā. Tasmā āyasmato sāriputtassa na evaṃ hoti – ‘ahaṃ dutiyaṃ jhānaṃ samāpajjāmī’ti vā ‘ahaṃ dutiyaṃ jhānaṃ samāpanno’ti vā ‘ahaṃ dutiyā jhānā vuṭṭhito’ti vā’’ti. Dutiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡-༩. ཝིཝེཀཛསུཏྟཱདིཝཎྞནཱ • 1-9. Vivekajasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡-༩. ཝིཝེཀཛསུཏྟཱདིཝཎྞནཱ • 1-9. Vivekajasuttādivaṇṇanā
