| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๒๑. เอกวีสติมวโคฺค
21. Ekavīsatimavaggo
(๒๐๑) ๒. อวิวิตฺตกถา
(201) 2. Avivittakathā
๘๗๙. ปุถุชฺชโน เตธาตุเกหิ ธเมฺมหิ อวิวิโตฺตติ? อามนฺตาฯ ปุถุชฺชโน เตธาตุเกหิ ผเสฺสหิ…เป.… เตธาตุกาหิ เวทนาหิ… สญฺญาหิ … เจตนาหิ… จิเตฺตหิ… สทฺธาหิ… วีริเยหิ… สตีหิ… สมาธีหิ…เป.… เตธาตุกาหิ ปญฺญาหิ อวิวิโตฺตติ? น เหวํ วตฺตเพฺพ…เป.…ฯ
879. Puthujjano tedhātukehi dhammehi avivittoti? Āmantā. Puthujjano tedhātukehi phassehi…pe… tedhātukāhi vedanāhi… saññāhi … cetanāhi… cittehi… saddhāhi… vīriyehi… satīhi… samādhīhi…pe… tedhātukāhi paññāhi avivittoti? Na hevaṃ vattabbe…pe….
ปุถุชฺชโน เตธาตุเกหิ กเมฺมหิ อวิวิโตฺตติ? อามนฺตาฯ ยสฺมิํ ขเณ ปุถุชฺชโน จีวรํ เทติ, ตสฺมิํ ขเณ ปฐมํ ฌานํ อุปสมฺปชฺช วิหรติ…เป.… อากาสานญฺจายตนํ อุปสมฺปชฺช วิหรตีติ? น เหวํ วตฺตเพฺพ…เป.… ยสฺมิํ ขเณ ปุถุชฺชโน ปิณฺฑปาตํ เทติ…เป.… เสนาสนํ เทติ…เป.… คิลานปจฺจยเภสชฺชปริกฺขารํ เทติ, ตสฺมิํ ขเณ จตุตฺถํ ฌานํ อุปสมฺปชฺช วิหรติ… เนวสญฺญานาสญฺญายตนํ อุปสมฺปชฺช วิหรตีติ? น เหวํ วตฺตเพฺพ…เป.…ฯ
Puthujjano tedhātukehi kammehi avivittoti? Āmantā. Yasmiṃ khaṇe puthujjano cīvaraṃ deti, tasmiṃ khaṇe paṭhamaṃ jhānaṃ upasampajja viharati…pe… ākāsānañcāyatanaṃ upasampajja viharatīti? Na hevaṃ vattabbe…pe… yasmiṃ khaṇe puthujjano piṇḍapātaṃ deti…pe… senāsanaṃ deti…pe… gilānapaccayabhesajjaparikkhāraṃ deti, tasmiṃ khaṇe catutthaṃ jhānaṃ upasampajja viharati… nevasaññānāsaññāyatanaṃ upasampajja viharatīti? Na hevaṃ vattabbe…pe….
๘๘๐. น วตฺตพฺพํ – ‘‘ปุถุชฺชโน เตธาตุเกหิ กเมฺมหิ อวิวิโตฺต’’ติ? อามนฺตา ฯ ปุถุชฺชนสฺส รูปธาตุอรูปธาตูปคํ กมฺมํ ปริญฺญาตนฺติ? น เหวํ วตฺตเพฺพฯ เตน หิ ปุถุชฺชโน เตธาตุเกหิ กเมฺมหิ อวิวิโตฺตติ…เป.…ฯ
880. Na vattabbaṃ – ‘‘puthujjano tedhātukehi kammehi avivitto’’ti? Āmantā . Puthujjanassa rūpadhātuarūpadhātūpagaṃ kammaṃ pariññātanti? Na hevaṃ vattabbe. Tena hi puthujjano tedhātukehi kammehi avivittoti…pe….
อวิวิตฺตกถา นิฎฺฐิตาฯ
Avivittakathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๒. อวิวิตฺตกถาวณฺณนา • 2. Avivittakathāvaṇṇanā
