| Library / Tipiṭaka / තිපිටක • Tipiṭaka / කථාවත්‌ථුපාළි • Kathāvatthupāḷi |
21. එකවීසතිමවග්‌ගො
21. Ekavīsatimavaggo
(201) 2. අවිවිත්‌තකථා
(201) 2. Avivittakathā
879. පුථුජ්‌ජනො තෙධාතුකෙහි ධම්‌මෙහි අවිවිත්‌තොති? ආමන්‌තා. පුථුජ්‌ජනො තෙධාතුකෙහි ඵස්‌සෙහි…පෙ.… තෙධාතුකාහි වෙදනාහි… සඤ්‌ඤාහි … චෙතනාහි… චිත්‌තෙහි… සද්‌ධාහි… වීරියෙහි… සතීහි… සමාධීහි…පෙ.… තෙධාතුකාහි පඤ්‌ඤාහි අවිවිත්‌තොති? න හෙවං වත්‌තබ්‌බෙ…පෙ.….
879. Puthujjano tedhātukehi dhammehi avivittoti? Āmantā. Puthujjano tedhātukehi phassehi…pe… tedhātukāhi vedanāhi… saññāhi … cetanāhi… cittehi… saddhāhi… vīriyehi… satīhi… samādhīhi…pe… tedhātukāhi paññāhi avivittoti? Na hevaṃ vattabbe…pe….
පුථුජ්‌ජනො තෙධාතුකෙහි කම්‌මෙහි අවිවිත්‌තොති? ආමන්‌තා. යස්‌මිං ඛණෙ පුථුජ්‌ජනො චීවරං දෙති, තස්‌මිං ඛණෙ පඨමං ඣානං උපසම්‌පජ්‌ජ විහරති…පෙ.… ආකාසානඤ්‌චායතනං උපසම්‌පජ්‌ජ විහරතීති? න හෙවං වත්‌තබ්‌බෙ…පෙ.… යස්‌මිං ඛණෙ පුථුජ්‌ජනො පිණ්‌ඩපාතං දෙති…පෙ.… සෙනාසනං දෙති…පෙ.… ගිලානපච්‌චයභෙසජ්‌ජපරික්‌ඛාරං දෙති, තස්‌මිං ඛණෙ චතුත්‌ථං ඣානං උපසම්‌පජ්‌ජ විහරති… නෙවසඤ්‌ඤානාසඤ්‌ඤායතනං උපසම්‌පජ්‌ජ විහරතීති? න හෙවං වත්‌තබ්‌බෙ…පෙ.….
Puthujjano tedhātukehi kammehi avivittoti? Āmantā. Yasmiṃ khaṇe puthujjano cīvaraṃ deti, tasmiṃ khaṇe paṭhamaṃ jhānaṃ upasampajja viharati…pe… ākāsānañcāyatanaṃ upasampajja viharatīti? Na hevaṃ vattabbe…pe… yasmiṃ khaṇe puthujjano piṇḍapātaṃ deti…pe… senāsanaṃ deti…pe… gilānapaccayabhesajjaparikkhāraṃ deti, tasmiṃ khaṇe catutthaṃ jhānaṃ upasampajja viharati… nevasaññānāsaññāyatanaṃ upasampajja viharatīti? Na hevaṃ vattabbe…pe….
880. න වත්‌තබ්‌බං – ‘‘පුථුජ්‌ජනො තෙධාතුකෙහි කම්‌මෙහි අවිවිත්‌තො’’ති? ආමන්‌තා . පුථුජ්‌ජනස්‌ස රූපධාතුඅරූපධාතූපගං කම්‌මං පරිඤ්‌ඤාතන්‌ති? න හෙවං වත්‌තබ්‌බෙ. තෙන හි පුථුජ්‌ජනො තෙධාතුකෙහි කම්‌මෙහි අවිවිත්‌තොති…පෙ.….
880. Na vattabbaṃ – ‘‘puthujjano tedhātukehi kammehi avivitto’’ti? Āmantā . Puthujjanassa rūpadhātuarūpadhātūpagaṃ kammaṃ pariññātanti? Na hevaṃ vattabbe. Tena hi puthujjano tedhātukehi kammehi avivittoti…pe….
අවිවිත්‌තකථා නිට්‌ඨිතා.
Avivittakathā niṭṭhitā.
Related texts:
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 2. අවිවිත්‌තකථාවණ්‌ණනා • 2. Avivittakathāvaṇṇanā
