| Library / Tipiṭaka / तिपिटक • Tipiṭaka / कङ्खावितरणी-अभिनव-टीका • Kaṅkhāvitaraṇī-abhinava-ṭīkā |
६०. आवुधपाणिसिक्खापदवण्णना
60. Āvudhapāṇisikkhāpadavaṇṇanā
सब्बापि धनुविकतीति चापकोदण्डादिभेदा सब्बापि धनुविकति। चापोति (सारत्थ॰ टी॰ पाचित्तिय ३.६३७) मज्झे वङ्का काजदण्डसदिसा धनुविकति। कोदण्डोति वट्टलदण्डा धनुविकति। पटिमुक्कन्ति पवेसितं लग्गितं। याव न गण्हातीति याव हत्थेन न गण्हाति, अयमेव वा पाठो। ताव वट्टतीति ताव धम्मं देसेतुं वट्टति।
Sabbāpi dhanuvikatīti cāpakodaṇḍādibhedā sabbāpi dhanuvikati. Cāpoti (sārattha. ṭī. pācittiya 3.637) majjhe vaṅkā kājadaṇḍasadisā dhanuvikati. Kodaṇḍoti vaṭṭaladaṇḍā dhanuvikati. Paṭimukkanti pavesitaṃ laggitaṃ. Yāva na gaṇhātīti yāva hatthena na gaṇhāti, ayameva vā pāṭho. Tāva vaṭṭatīti tāva dhammaṃ desetuṃ vaṭṭati.
आवुधपाणिसिक्खापदवण्णना निट्ठिता।
Āvudhapāṇisikkhāpadavaṇṇanā niṭṭhitā.
