| Library / Tipiṭaka / తిపిటక • Tipiṭaka / కఙ్ఖావితరణీ-అభినవ-టీకా • Kaṅkhāvitaraṇī-abhinava-ṭīkā |
౬౦. ఆవుధపాణిసిక్ఖాపదవణ్ణనా
60. Āvudhapāṇisikkhāpadavaṇṇanā
సబ్బాపి ధనువికతీతి చాపకోదణ్డాదిభేదా సబ్బాపి ధనువికతి. చాపోతి (సారత్థ॰ టీ॰ పాచిత్తియ ౩.౬౩౭) మజ్ఝే వఙ్కా కాజదణ్డసదిసా ధనువికతి. కోదణ్డోతి వట్టలదణ్డా ధనువికతి. పటిముక్కన్తి పవేసితం లగ్గితం. యావ న గణ్హాతీతి యావ హత్థేన న గణ్హాతి, అయమేవ వా పాఠో. తావ వట్టతీతి తావ ధమ్మం దేసేతుం వట్టతి.
Sabbāpi dhanuvikatīti cāpakodaṇḍādibhedā sabbāpi dhanuvikati. Cāpoti (sārattha. ṭī. pācittiya 3.637) majjhe vaṅkā kājadaṇḍasadisā dhanuvikati. Kodaṇḍoti vaṭṭaladaṇḍā dhanuvikati. Paṭimukkanti pavesitaṃ laggitaṃ. Yāva na gaṇhātīti yāva hatthena na gaṇhāti, ayameva vā pāṭho. Tāva vaṭṭatīti tāva dhammaṃ desetuṃ vaṭṭati.
ఆవుధపాణిసిక్ఖాపదవణ్ణనా నిట్ఠితా.
Āvudhapāṇisikkhāpadavaṇṇanā niṭṭhitā.
