| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๖๐. อาวุธปาณิสิกฺขาปทวณฺณนา
60. Āvudhapāṇisikkhāpadavaṇṇanā
สพฺพาปิ ธนุวิกตีติ จาปโกทณฺฑาทิเภทา สพฺพาปิ ธนุวิกติฯ จาโปติ (สารตฺถ. ฎี. ปาจิตฺติย ๓.๖๓๗) มเชฺฌ วงฺกา กาชทณฺฑสทิสา ธนุวิกติฯ โกทโณฺฑติ วฎฺฎลทณฺฑา ธนุวิกติฯ ปฎิมุกฺกนฺติ ปเวสิตํ ลคฺคิตํฯ ยาว น คณฺหาตีติ ยาว หเตฺถน น คณฺหาติ, อยเมว วา ปาโฐฯ ตาว วฎฺฎตีติ ตาว ธมฺมํ เทเสตุํ วฎฺฎติฯ
Sabbāpi dhanuvikatīti cāpakodaṇḍādibhedā sabbāpi dhanuvikati. Cāpoti (sārattha. ṭī. pācittiya 3.637) majjhe vaṅkā kājadaṇḍasadisā dhanuvikati. Kodaṇḍoti vaṭṭaladaṇḍā dhanuvikati. Paṭimukkanti pavesitaṃ laggitaṃ. Yāva na gaṇhātīti yāva hatthena na gaṇhāti, ayameva vā pāṭho. Tāva vaṭṭatīti tāva dhammaṃ desetuṃ vaṭṭati.
อาวุธปาณิสิกฺขาปทวณฺณนา นิฎฺฐิตาฯ
Āvudhapāṇisikkhāpadavaṇṇanā niṭṭhitā.
