| Library / Tipiṭaka / តិបិដក • Tipiṭaka / កង្ខាវិតរណី-អភិនវ-ដីកា • Kaṅkhāvitaraṇī-abhinava-ṭīkā |
៦០. អាវុធបាណិសិក្ខាបទវណ្ណនា
60. Āvudhapāṇisikkhāpadavaṇṇanā
សព្ពាបិ ធនុវិកតីតិ ចាបកោទណ្ឌាទិភេទា សព្ពាបិ ធនុវិកតិ។ ចាបោតិ (សារត្ថ. ដី. បាចិត្តិយ ៣.៦៣៧) មជ្ឈេ វង្កា កាជទណ្ឌសទិសា ធនុវិកតិ។ កោទណ្ឌោតិ វដ្ដលទណ្ឌា ធនុវិកតិ។ បដិមុក្កន្តិ បវេសិតំ លគ្គិតំ។ យាវ ន គណ្ហាតីតិ យាវ ហត្ថេន ន គណ្ហាតិ, អយមេវ វា បាឋោ។ តាវ វដ្ដតីតិ តាវ ធម្មំ ទេសេតុំ វដ្ដតិ។
Sabbāpi dhanuvikatīti cāpakodaṇḍādibhedā sabbāpi dhanuvikati. Cāpoti (sārattha. ṭī. pācittiya 3.637) majjhe vaṅkā kājadaṇḍasadisā dhanuvikati. Kodaṇḍoti vaṭṭaladaṇḍā dhanuvikati. Paṭimukkanti pavesitaṃ laggitaṃ. Yāva na gaṇhātīti yāva hatthena na gaṇhāti, ayameva vā pāṭho. Tāva vaṭṭatīti tāva dhammaṃ desetuṃ vaṭṭati.
អាវុធបាណិសិក្ខាបទវណ្ណនា និដ្ឋិតា។
Āvudhapāṇisikkhāpadavaṇṇanā niṭṭhitā.
