| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၆၀. အာဝုဓပာဏိသိက္ခာပဒဝဏ္ဏနာ
60. Āvudhapāṇisikkhāpadavaṇṇanā
သဗ္ဗာပိ ဓနုဝိကတီတိ စာပကောဒဏ္ဍာဒိဘေဒာ သဗ္ဗာပိ ဓနုဝိကတိ။ စာပောတိ (သာရတ္ထ. ဋီ. ပာစိတ္တိယ ၃.၆၃၇) မဇ္ဈေ ဝင္ကာ ကာဇဒဏ္ဍသဒိသာ ဓနုဝိကတိ။ ကောဒဏ္ဍောတိ ဝဋ္ဋလဒဏ္ဍာ ဓနုဝိကတိ။ ပဋိမုက္ကန္တိ ပဝေသိတံ လဂ္ဂိတံ။ ယာဝ န ဂဏ္ဟာတီတိ ယာဝ ဟတ္ထေန န ဂဏ္ဟာတိ, အယမေဝ ဝာ ပာဌော။ တာဝ ဝဋ္ဋတီတိ တာဝ ဓမ္မံ ဒေသေတုံ ဝဋ္ဋတိ။
Sabbāpi dhanuvikatīti cāpakodaṇḍādibhedā sabbāpi dhanuvikati. Cāpoti (sārattha. ṭī. pācittiya 3.637) majjhe vaṅkā kājadaṇḍasadisā dhanuvikati. Kodaṇḍoti vaṭṭaladaṇḍā dhanuvikati. Paṭimukkanti pavesitaṃ laggitaṃ. Yāva na gaṇhātīti yāva hatthena na gaṇhāti, ayameva vā pāṭho. Tāva vaṭṭatīti tāva dhammaṃ desetuṃ vaṭṭati.
အာဝုဓပာဏိသိက္ခာပဒဝဏ္ဏနာ နိဋ္ဌိတာ။
Āvudhapāṇisikkhāpadavaṇṇanā niṭṭhitā.
