| Library / Tipiṭaka / තිපිටක • Tipiṭaka / කඞ්ඛාවිතරණී-අභිනව-ටීකා • Kaṅkhāvitaraṇī-abhinava-ṭīkā |
60. ආවුධපාණිසික්ඛාපදවණ්ණනා
60. Āvudhapāṇisikkhāpadavaṇṇanā
සබ්බාපි ධනුවිකතීති චාපකොදණ්ඩාදිභෙදා සබ්බාපි ධනුවිකති. චාපොති (සාරත්ථ. ටී. පාචිත්තිය 3.637) මජ්ඣෙ වඞ්කා කාජදණ්ඩසදිසා ධනුවිකති. කොදණ්ඩොති වට්ටලදණ්ඩා ධනුවිකති. පටිමුක්කන්ති පවෙසිතං ලග්ගිතං. යාව න ගණ්හාතීති යාව හත්ථෙන න ගණ්හාති, අයමෙව වා පාඨො. තාව වට්ටතීති තාව ධම්මං දෙසෙතුං වට්ටති.
Sabbāpi dhanuvikatīti cāpakodaṇḍādibhedā sabbāpi dhanuvikati. Cāpoti (sārattha. ṭī. pācittiya 3.637) majjhe vaṅkā kājadaṇḍasadisā dhanuvikati. Kodaṇḍoti vaṭṭaladaṇḍā dhanuvikati. Paṭimukkanti pavesitaṃ laggitaṃ. Yāva na gaṇhātīti yāva hatthena na gaṇhāti, ayameva vā pāṭho. Tāva vaṭṭatīti tāva dhammaṃ desetuṃ vaṭṭati.
ආවුධපාණිසික්ඛාපදවණ්ණනා නිට්ඨිතා.
Āvudhapāṇisikkhāpadavaṇṇanā niṭṭhitā.
