| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
6. авудтигасуд̇д̇ам̣
6. Avuṭṭhikasuttaṃ
75. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
75. Vuttañhetaṃ bhagavatā, vuttamarahatāti me sutaṃ –
‘‘д̇аяомз, бхигкавз, буг̇г̇алаа санд̇о сам̣виж̇ж̇амаанаа логасмим̣. гад̇амз д̇аяо? авудтигасамо , бад̣̇зсавассий, саб̣б̣ад̇т̇аабхивассий.
‘‘Tayome, bhikkhave, puggalā santo saṃvijjamānā lokasmiṃ. Katame tayo? Avuṭṭhikasamo , padesavassī, sabbatthābhivassī.
‘‘гат̇ан̃жа , бхигкавз, буг̇г̇ало авудтигасамо ход̇и? ид̇ха, бхигкавз, згажжо буг̇г̇ало саб̣б̣зсан̃н̃зва на д̣̇аад̇аа ход̇и, саман̣аб̣раахман̣агабан̣ад̣̇д̇хигаваниб̣б̣агаяаажагаанам̣ 1 аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяам̣. звам̣ ко, бхигкавз, буг̇г̇ало авудтигасамо ход̇и.
‘‘Kathañca , bhikkhave, puggalo avuṭṭhikasamo hoti? Idha, bhikkhave, ekacco puggalo sabbesaññeva na dātā hoti, samaṇabrāhmaṇakapaṇaddhikavanibbakayācakānaṃ 2 annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyaṃ. Evaṃ kho, bhikkhave, puggalo avuṭṭhikasamo hoti.
‘‘гат̇ан̃жа, бхигкавз, буг̇г̇ало бад̣̇зсавассий ход̇и? ид̇ха, бхигкавз, згажжо буг̇г̇ало згажжаанам̣ д̣̇аад̇аа (ход̇и) 3, згажжаанам̣ на д̣̇аад̇аа ход̇и саман̣аб̣раахман̣агабан̣ад̣̇д̇хигаваниб̣б̣агаяаажагаанам̣ аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяам̣. звам̣ ко, бхигкавз, буг̇г̇ало бад̣̇зсавассий ход̇и.
‘‘Kathañca, bhikkhave, puggalo padesavassī hoti? Idha, bhikkhave, ekacco puggalo ekaccānaṃ dātā (hoti) 4, ekaccānaṃ na dātā hoti samaṇabrāhmaṇakapaṇaddhikavanibbakayācakānaṃ annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyaṃ. Evaṃ kho, bhikkhave, puggalo padesavassī hoti.
‘‘гат̇ан̃жа, бхигкавз, буг̇г̇ало саб̣б̣ад̇т̇аабхивассий ход̇и? ид̇ха, бхигкавз, згажжо буг̇г̇ало саб̣б̣зсам̣ва д̣̇зд̇и, саман̣аб̣раахман̣агабан̣ад̣̇д̇хигаваниб̣б̣агаяаажагаанам̣ аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяам̣. звам̣ ко, бхигкавз, буг̇г̇ало саб̣б̣ад̇т̇аабхивассий ход̇и. имз ко, бхигкавз, д̇аяо буг̇г̇алаа санд̇о сам̣виж̇ж̇амаанаа логасми’’нд̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Kathañca, bhikkhave, puggalo sabbatthābhivassī hoti? Idha, bhikkhave, ekacco puggalo sabbesaṃva deti, samaṇabrāhmaṇakapaṇaddhikavanibbakayācakānaṃ annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyaṃ. Evaṃ kho, bhikkhave, puggalo sabbatthābhivassī hoti. Ime kho, bhikkhave, tayo puggalā santo saṃvijjamānā lokasmi’’nti. Etamatthaṃ bhagavā avoca. Tatthetaṃ iti vuccati –
‘‘на саман̣з на б̣раахман̣з, на габан̣ад̣̇д̇хигаваниб̣б̣агз;
‘‘Na samaṇe na brāhmaṇe, na kapaṇaddhikavanibbake;
лад̣̇д̇хаана сам̣вибхааж̇зд̇и, аннам̣ баанан̃жа бхож̇анам̣;
Laddhāna saṃvibhājeti, annaṃ pānañca bhojanaṃ;
д̇ам̣ вз авудтигасамод̇и, ааху нам̣ бурисаад̇хамам̣.
Taṃ ve avuṭṭhikasamoti, āhu naṃ purisādhamaṃ.
‘‘згажжаанам̣ на д̣̇ад̣̇аад̇и, згажжаанам̣ бавзжчад̇и;
‘‘Ekaccānaṃ na dadāti, ekaccānaṃ pavecchati;
д̇ам̣ вз бад̣̇зсавассийд̇и, ааху мзд̇хаавино ж̇анаа.
Taṃ ve padesavassīti, āhu medhāvino janā.
‘‘субхигкаваажо бурисо, саб̣б̣абхууд̇аанугамбаго;
‘‘Subhikkhavāco puriso, sabbabhūtānukampako;
аамод̣̇амаано багирзд̇и, д̣̇зт̇а д̣̇зт̇аад̇и бхаасад̇и.
Āmodamāno pakireti, detha dethāti bhāsati.
‘‘яат̇ааби мзгхо т̇анаяид̇ваа, г̇аж̇ж̇аяид̇ваа бавассад̇и;
‘‘Yathāpi megho thanayitvā, gajjayitvā pavassati;
т̇алам̣ ниннан̃жа буурзд̇и, абхисанд̣̇анд̇ова 5 вааринаа.
Thalaṃ ninnañca pūreti, abhisandantova 6 vārinā.
‘‘звамзва ид̇хзгажжо, буг̇г̇ало ход̇и д̇аад̣̇исо;
‘‘Evameva idhekacco, puggalo hoti tādiso;
д̇хаммзна сам̣харид̇ваана, удтаанаад̇хиг̇ад̇ам̣ д̇ханам̣;
Dhammena saṃharitvāna, uṭṭhānādhigataṃ dhanaṃ;
д̇аббзд̇и аннабаанзна, саммаа бад̇д̇з ваниб̣б̣агз’’д̇и.
Tappeti annapānena, sammā patte vanibbake’’ti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. чадтам̣.
Ayampi attho vutto bhagavatā, iti me sutanti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 6. авудтигасуд̇д̇аван̣н̣анаа • 6. Avuṭṭhikasuttavaṇṇanā
