| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
6. ආයාචනසුත්‌තං
6. Āyācanasuttaṃ
176. ‘‘සද්‌ධො, භික්‌ඛවෙ, භික්‌ඛු එවං සම්‌මා ආයාචමානො ආයාචෙය්‍ය – ‘තාදිසො හොමි යාදිසා සාරිපුත්‌තමොග්‌ගල්‌ලානා’ති 1. එසා, භික්‌ඛවෙ , තුලා එතං පමාණං මම සාවකානං භික්‌ඛූනං, යදිදං සාරිපුත්‌තමොග්‌ගල්‌ලානා.
176. ‘‘Saddho, bhikkhave, bhikkhu evaṃ sammā āyācamāno āyāceyya – ‘tādiso homi yādisā sāriputtamoggallānā’ti 2. Esā, bhikkhave , tulā etaṃ pamāṇaṃ mama sāvakānaṃ bhikkhūnaṃ, yadidaṃ sāriputtamoggallānā.
‘‘සද්‌ධා, භික්‌ඛවෙ, භික්‌ඛුනී එවං සම්‌මා ආයාචමානා ආයාචෙය්‍ය – ‘තාදිසා හොමි යාදිසා ඛෙමා ච භික්‌ඛුනී උප්‌පලවණ්‌ණා චා’ති. එසා, භික්‌ඛවෙ, තුලා එතං පමාණං මම සාවිකානං භික්‌ඛුනීනං, යදිදං ඛෙමා ච භික්‌ඛුනී උප්‌පලවණ්‌ණා ච.
‘‘Saddhā, bhikkhave, bhikkhunī evaṃ sammā āyācamānā āyāceyya – ‘tādisā homi yādisā khemā ca bhikkhunī uppalavaṇṇā cā’ti. Esā, bhikkhave, tulā etaṃ pamāṇaṃ mama sāvikānaṃ bhikkhunīnaṃ, yadidaṃ khemā ca bhikkhunī uppalavaṇṇā ca.
‘‘සද්‌ධො, භික්‌ඛවෙ, උපාසකො එවං සම්‌මා ආයාචමානො ආයාචෙය්‍ය – ‘තාදිසො හොමි යාදිසො චිත්‌තො ච ගහපති හත්‌ථකො ච ආළවකො’ති. එසා, භික්‌ඛවෙ, තුලා එතං පමාණං මම සාවකානං උපාසකානං, යදිදං චිත්‌තො ච ගහපති හත්‌ථකො ච ආළවකො.
‘‘Saddho, bhikkhave, upāsako evaṃ sammā āyācamāno āyāceyya – ‘tādiso homi yādiso citto ca gahapati hatthako ca āḷavako’ti. Esā, bhikkhave, tulā etaṃ pamāṇaṃ mama sāvakānaṃ upāsakānaṃ, yadidaṃ citto ca gahapati hatthako ca āḷavako.
‘‘සද්‌ධා, භික්‌ඛවෙ, උපාසිකා එවං සම්‌මා ආයාචමානා ආයාචෙය්‍ය – ‘තාදිසා හොමි යාදිසා ඛුජ්‌ජුත්‌තරා ච උපාසිකා වෙළුකණ්‌ඩකියා ච නන්‌දමාතා’ති. එසා, භික්‌ඛවෙ, තුලා එතං පමාණං මම සාවිකානං උපාසිකානං, යදිදං ඛුජ්‌ජුත්‌තරා ච උපාසිකා වෙළුකණ්‌ඩකියා ච නන්‌දමාතා’’ති. ඡට්‌ඨං.
‘‘Saddhā, bhikkhave, upāsikā evaṃ sammā āyācamānā āyāceyya – ‘tādisā homi yādisā khujjuttarā ca upāsikā veḷukaṇḍakiyā ca nandamātā’ti. Esā, bhikkhave, tulā etaṃ pamāṇaṃ mama sāvikānaṃ upāsikānaṃ, yadidaṃ khujjuttarā ca upāsikā veḷukaṇḍakiyā ca nandamātā’’ti. Chaṭṭhaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 5. උපවාණසුත්‌තවණ්‌ණනා • 5. Upavāṇasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 5-6. උපවාණසුත්‌තාදිවණ්‌ණනා • 5-6. Upavāṇasuttādivaṇṇanā
