| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༦. ཨཱཡཱཙནསུཏྟཾ
6. Āyācanasuttaṃ
༡༧༦. ‘‘སདྡྷོ, བྷིཀྑཝེ, བྷིཀྑུ ཨེཝཾ སམྨཱ ཨཱཡཱཙམཱནོ ཨཱཡཱཙེཡྻ – ‘ཏཱདིསོ ཧོམི ཡཱདིསཱ སཱརིཔུཏྟམོགྒལླཱནཱ’ཏི 1། ཨེསཱ, བྷིཀྑཝེ , ཏུལཱ ཨེཏཾ པམཱཎཾ མམ སཱཝཀཱནཾ བྷིཀྑཱུནཾ, ཡདིདཾ སཱརིཔུཏྟམོགྒལླཱནཱ།
176. ‘‘Saddho, bhikkhave, bhikkhu evaṃ sammā āyācamāno āyāceyya – ‘tādiso homi yādisā sāriputtamoggallānā’ti 2. Esā, bhikkhave , tulā etaṃ pamāṇaṃ mama sāvakānaṃ bhikkhūnaṃ, yadidaṃ sāriputtamoggallānā.
‘‘སདྡྷཱ, བྷིཀྑཝེ, བྷིཀྑུནཱི ཨེཝཾ སམྨཱ ཨཱཡཱཙམཱནཱ ཨཱཡཱཙེཡྻ – ‘ཏཱདིསཱ ཧོམི ཡཱདིསཱ ཁེམཱ ཙ བྷིཀྑུནཱི ཨུཔྤལཝཎྞཱ ཙཱ’ཏི། ཨེསཱ, བྷིཀྑཝེ, ཏུལཱ ཨེཏཾ པམཱཎཾ མམ སཱཝིཀཱནཾ བྷིཀྑུནཱིནཾ, ཡདིདཾ ཁེམཱ ཙ བྷིཀྑུནཱི ཨུཔྤལཝཎྞཱ ཙ།
‘‘Saddhā, bhikkhave, bhikkhunī evaṃ sammā āyācamānā āyāceyya – ‘tādisā homi yādisā khemā ca bhikkhunī uppalavaṇṇā cā’ti. Esā, bhikkhave, tulā etaṃ pamāṇaṃ mama sāvikānaṃ bhikkhunīnaṃ, yadidaṃ khemā ca bhikkhunī uppalavaṇṇā ca.
‘‘སདྡྷོ, བྷིཀྑཝེ, ཨུཔཱསཀོ ཨེཝཾ སམྨཱ ཨཱཡཱཙམཱནོ ཨཱཡཱཙེཡྻ – ‘ཏཱདིསོ ཧོམི ཡཱདིསོ ཙིཏྟོ ཙ གཧཔཏི ཧཏྠཀོ ཙ ཨཱལ༹ཝཀོ’ཏི། ཨེསཱ, བྷིཀྑཝེ, ཏུལཱ ཨེཏཾ པམཱཎཾ མམ སཱཝཀཱནཾ ཨུཔཱསཀཱནཾ, ཡདིདཾ ཙིཏྟོ ཙ གཧཔཏི ཧཏྠཀོ ཙ ཨཱལ༹ཝཀོ།
‘‘Saddho, bhikkhave, upāsako evaṃ sammā āyācamāno āyāceyya – ‘tādiso homi yādiso citto ca gahapati hatthako ca āḷavako’ti. Esā, bhikkhave, tulā etaṃ pamāṇaṃ mama sāvakānaṃ upāsakānaṃ, yadidaṃ citto ca gahapati hatthako ca āḷavako.
‘‘སདྡྷཱ, བྷིཀྑཝེ, ཨུཔཱསིཀཱ ཨེཝཾ སམྨཱ ཨཱཡཱཙམཱནཱ ཨཱཡཱཙེཡྻ – ‘ཏཱདིསཱ ཧོམི ཡཱདིསཱ ཁུཛྫུཏྟརཱ ཙ ཨུཔཱསིཀཱ ཝེལུ༹ཀཎྜཀིཡཱ ཙ ནནྡམཱཏཱ’ཏི། ཨེསཱ, བྷིཀྑཝེ, ཏུལཱ ཨེཏཾ པམཱཎཾ མམ སཱཝིཀཱནཾ ཨུཔཱསིཀཱནཾ, ཡདིདཾ ཁུཛྫུཏྟརཱ ཙ ཨུཔཱསིཀཱ ཝེལུ༹ཀཎྜཀིཡཱ ཙ ནནྡམཱཏཱ’’ཏི། ཚཊྛཾ།
‘‘Saddhā, bhikkhave, upāsikā evaṃ sammā āyācamānā āyāceyya – ‘tādisā homi yādisā khujjuttarā ca upāsikā veḷukaṇḍakiyā ca nandamātā’ti. Esā, bhikkhave, tulā etaṃ pamāṇaṃ mama sāvikānaṃ upāsikānaṃ, yadidaṃ khujjuttarā ca upāsikā veḷukaṇḍakiyā ca nandamātā’’ti. Chaṭṭhaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༥. ཨུཔཝཱཎསུཏྟཝཎྞནཱ • 5. Upavāṇasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༥-༦. ཨུཔཝཱཎསུཏྟཱདིཝཎྞནཱ • 5-6. Upavāṇasuttādivaṇṇanā
