| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
(12) 2. ааяаажанаваг̇г̇аван̣н̣анаа
(12) 2. Āyācanavaggavaṇṇanā
131. д̣̇уд̇ияасса батамз звам̣ саммаа ааяаажамаано ааяаажзяяаад̇и сад̣̇д̇хо бхигку удтахид̇ваа ‘‘яаад̣̇исо саарибуд̇д̇ад̇т̇зро бан̃н̃ааяа, ахамби д̇аад̣̇исо хоми. яаад̣̇исо махаамог̇г̇аллаанад̇т̇зро ид̣̇д̇хияаа, ахамби д̇аад̣̇исо хомий’’д̇и звам̣ ааяаажанд̇о бихзнд̇о бад̇т̇знд̇о яам̣ ад̇т̇и, д̇ассзва бад̇т̇ид̇ад̇д̇аа саммаа бад̇т̇зяяа наама. ид̇о уд̇д̇ари бад̇т̇знд̇о мижчаа бад̇т̇зяяа. зваруубаа хи бад̇т̇анаа яам̣ над̇т̇и, д̇асса бад̇т̇ид̇ад̇д̇аа мижчаабад̇т̇анаа наама ход̇и. гим̣ гааран̣аа? зсаа, бхигкавз, д̇улаа зд̇ам̣ бамаан̣анд̇и яат̇аа хи суван̣н̣ам̣ ваа хиран̃н̃ам̣ ваа д̇улзнд̇асса д̇улаа ижчид̇аб̣б̣аа, д̇хан̃н̃ам̣ минанд̇асса маананд̇и д̇уланз д̇улаа, минанз жа маанам̣ бамаан̣ам̣ ход̇и, звамзва мама саавагаанам̣ бхигкуунам̣ зсаа д̇улаа зд̇ам̣ бамаан̣ам̣ яад̣̇ид̣̇ам̣ саарибуд̇д̇амог̇г̇аллаанаа. д̇з г̇ахзд̇ваа ‘‘ахамби н̃аан̣зна ваа ид̣̇д̇хияаа ваа зд̇амбамаан̣о хомий’’д̇и ад̇д̇аанам̣ д̇улзд̇ум̣ ваа бамаан̣зд̇ум̣ ваа саггаа, на ид̇о ан̃н̃ат̇аа.
131. Dutiyassa paṭhame evaṃ sammā āyācamāno āyāceyyāti saddho bhikkhu uṭṭhahitvā ‘‘yādiso sāriputtatthero paññāya, ahampi tādiso homi. Yādiso mahāmoggallānatthero iddhiyā, ahampi tādiso homī’’ti evaṃ āyācanto pihento patthento yaṃ atthi, tasseva patthitattā sammā pattheyya nāma. Ito uttari patthento micchā pattheyya. Evarūpā hi patthanā yaṃ natthi, tassa patthitattā micchāpatthanā nāma hoti. Kiṃ kāraṇā? Esā, bhikkhave, tulā etaṃ pamāṇanti yathā hi suvaṇṇaṃ vā hiraññaṃ vā tulentassa tulā icchitabbā, dhaññaṃ minantassa mānanti tulane tulā, minane ca mānaṃ pamāṇaṃ hoti, evameva mama sāvakānaṃ bhikkhūnaṃ esā tulā etaṃ pamāṇaṃ yadidaṃ sāriputtamoggallānā. Te gahetvā ‘‘ahampi ñāṇena vā iddhiyā vā etampamāṇo homī’’ti attānaṃ tuletuṃ vā pamāṇetuṃ vā sakkā, na ito aññathā.
132. д̣̇уд̇ияаад̣̇ийсуби зсзва наяо. ид̣̇ам̣ банзд̇т̇а висзсамад̇д̇ам̣ – кзмаа жа бхигкуний уббалаван̣н̣аа жаад̇и зд̇аасу хи кзмаа бан̃н̃ааяа аг̇г̇аа, уббалаван̣н̣аа ид̣̇д̇хияаа. д̇асмаа ‘‘бан̃н̃ааяа ваа ид̣̇д̇хияаа ваа зд̇аад̣̇исий хомий’’д̇и саммаа ааяаажамаанаа ааяаажзяяа. д̇ат̇аа жид̇д̇о г̇ахабад̇и бан̃н̃ааяа аг̇г̇о, хад̇т̇аго рааж̇агумааро махид̣̇д̇хигад̇ааяа. д̇асмаа ‘‘бан̃н̃ааяа ваа ид̣̇д̇хияаа ваа зд̣̇исо хомий’’д̇и саммаа ааяаажамаано ааяаажзяяа. куж̇ж̇уд̇д̇арааби махаабан̃н̃ад̇ааяа аг̇г̇аа, нанд̣̇амаад̇аа махид̣̇д̇хигад̇ааяа. д̇асмаа ‘‘бан̃н̃ааяа ваа ид̣̇д̇хияаа ваа зд̇аад̣̇исий хомий’’д̇и саммаа ааяаажамаанаа ааяаажзяяа.
132. Dutiyādīsupi eseva nayo. Idaṃ panettha visesamattaṃ – khemā ca bhikkhunī uppalavaṇṇā cāti etāsu hi khemā paññāya aggā, uppalavaṇṇā iddhiyā. Tasmā ‘‘paññāya vā iddhiyā vā etādisī homī’’ti sammā āyācamānā āyāceyya. Tathā citto gahapati paññāya aggo, hatthako rājakumāro mahiddhikatāya. Tasmā ‘‘paññāya vā iddhiyā vā ediso homī’’ti sammā āyācamāno āyāceyya. Khujjuttarāpi mahāpaññatāya aggā, nandamātā mahiddhikatāya. Tasmā ‘‘paññāya vā iddhiyā vā etādisī homī’’ti sammā āyācamānā āyāceyya.
135. бан̃жамз кад̇анд̇и г̇ун̣аанам̣ кад̇ад̇д̇аа кад̇ам̣. убахад̇анд̇и г̇ун̣аанам̣ убахад̇ад̇д̇аа убахад̇ам̣, чиннаг̇ун̣ам̣ надтаг̇ун̣анд̇и ад̇т̇о. ад̇д̇аанам̣ барихарад̇ийд̇и ниг̇г̇ун̣ам̣ ад̇д̇аанам̣ ж̇аг̇г̇ад̇и г̇обааяад̇и. сааваж̇ж̇од̇и сад̣̇осо. саануваж̇ж̇од̇и саубаваад̣̇о. басавад̇ийд̇и бадилабхад̇и. ананувижжаад̇и аж̇аанид̇ваа авинижчинид̇ваа. абарияог̇аахзд̇ваад̇и ананубависид̇ваа. аван̣н̣аарахассаад̇и аван̣н̣аяуд̇д̇асса мижчаабадибаннасса д̇ид̇т̇ияасса ваа д̇ид̇т̇ияасаавагасса ваа. ван̣н̣ам̣ бхаасад̇ийд̇и ‘‘суббадибанно зса саммаабадибанно’’д̇и г̇ун̣ам̣ гат̇зд̇и. ван̣н̣аарахассаад̇и б̣уд̣̇д̇хаад̣̇ийсу ан̃н̃ад̇арасса саммаабадибаннасса. аван̣н̣ам̣ бхаасад̇ийд̇и ‘‘д̣̇уббадибанно зса мижчаабадибанно’’д̇и аг̇ун̣ам̣ гат̇зд̇и. аван̣н̣аарахасса аван̣н̣ам̣ бхаасад̇ийд̇и ид̇хзгажжо буг̇г̇ало д̣̇уббадибаннаанам̣ мижчаабадибаннаанам̣ д̇ид̇т̇ияаанам̣ д̇ид̇т̇ияасаавагаанам̣ ‘‘ид̇иби д̣̇уббадибаннаа ид̇иби мижчаабадибаннаа’’д̇и аван̣н̣ам̣ бхаасад̇и. ван̣н̣аарахасса ван̣н̣ам̣ бхаасад̇ийд̇и суббадибаннаанам̣ саммаабадибаннаанам̣ б̣уд̣̇д̇хаанам̣ б̣уд̣̇д̇хасаавагаанам̣ ‘‘ид̇иби суббадибаннаа ид̇иби саммаабадибаннаа’’д̇и ван̣н̣ам̣ бхаасад̇и.
135. Pañcame khatanti guṇānaṃ khatattā khataṃ. Upahatanti guṇānaṃ upahatattā upahataṃ, chinnaguṇaṃ naṭṭhaguṇanti attho. Attānaṃ pariharatīti nigguṇaṃ attānaṃ jaggati gopāyati. Sāvajjoti sadoso. Sānuvajjoti saupavādo. Pasavatīti paṭilabhati. Ananuviccāti ajānitvā avinicchinitvā. Apariyogāhetvāti ananupavisitvā. Avaṇṇārahassāti avaṇṇayuttassa micchāpaṭipannassa titthiyassa vā titthiyasāvakassa vā. Vaṇṇaṃ bhāsatīti ‘‘suppaṭipanno esa sammāpaṭipanno’’ti guṇaṃ katheti. Vaṇṇārahassāti buddhādīsu aññatarassa sammāpaṭipannassa. Avaṇṇaṃ bhāsatīti ‘‘duppaṭipanno esa micchāpaṭipanno’’ti aguṇaṃ katheti. Avaṇṇārahassa avaṇṇaṃ bhāsatīti idhekacco puggalo duppaṭipannānaṃ micchāpaṭipannānaṃ titthiyānaṃ titthiyasāvakānaṃ ‘‘itipi duppaṭipannā itipi micchāpaṭipannā’’ti avaṇṇaṃ bhāsati. Vaṇṇārahassa vaṇṇaṃ bhāsatīti suppaṭipannānaṃ sammāpaṭipannānaṃ buddhānaṃ buddhasāvakānaṃ ‘‘itipi suppaṭipannā itipi sammāpaṭipannā’’ti vaṇṇaṃ bhāsati.
136. чадтз аббасаад̣̇анийяз таанзд̇и аббасаад̣̇агааран̣з. басаад̣̇ам̣ убад̣̇ам̣сзд̇ийд̇и д̣̇уббадибад̣̇ааяа мижчаабадибад̣̇ааяа ‘‘аяам̣ суббадибад̣̇аа саммаабадибад̣̇аа’’д̇и басаад̣̇ам̣ ж̇анзд̇и. басаад̣̇анийяз таанз аббасаад̣̇анд̇и суббадибад̣̇ааяа саммаабадибад̣̇ааяа ‘‘аяам̣ д̣̇уббадибад̣̇аа мижчаабадибад̣̇аа’’д̇и аббасаад̣̇ам̣ ж̇анзд̇ийд̇и. сзсамзд̇т̇а уд̇д̇аанамзва.
136. Chaṭṭhe appasādanīye ṭhāneti appasādakāraṇe. Pasādaṃupadaṃsetīti duppaṭipadāya micchāpaṭipadāya ‘‘ayaṃ suppaṭipadā sammāpaṭipadā’’ti pasādaṃ janeti. Pasādanīye ṭhāne appasādanti suppaṭipadāya sammāpaṭipadāya ‘‘ayaṃ duppaṭipadā micchāpaṭipadā’’ti appasādaṃ janetīti. Sesamettha uttānameva.
137. сад̇д̇амз д̣̇вийсууд̇и д̣̇вийсу огаасзсу д̣̇вийсу гааран̣зсу. мижчаабадибаж̇ж̇амаанод̇и мижчаабадибад̇д̇им̣ бадибаж̇ж̇амаано. маад̇ари жа бид̇ари жаад̇и мид̇д̇авинд̣̇аго вияа маад̇ари, аж̇аад̇асад̇д̇у вияа бид̇ари. суггабагко вуд̇д̇анаязнзва взд̣̇ид̇аб̣б̣о.
137.Sattame dvīsūti dvīsu okāsesu dvīsu kāraṇesu. Micchāpaṭipajjamānoti micchāpaṭipattiṃ paṭipajjamāno. Mātari ca pitari cāti mittavindako viya mātari, ajātasattu viya pitari. Sukkapakkho vuttanayeneva veditabbo.
138. адтамз д̇ат̇ааг̇ад̇з жа д̇ат̇ааг̇ад̇асаавагз жаад̇и д̣̇звад̣̇ад̇д̇о вияа д̇ат̇ааг̇ад̇з, гогаалиго вияа жа д̇ат̇ааг̇ад̇асаавагз. суггабагкз аананд̣̇ад̇т̇зро вияа д̇ат̇ааг̇ад̇з, нанд̣̇аг̇обаалагасздтибуд̇д̇о вияа жа д̇ат̇ааг̇ад̇асаавагз.
138. Aṭṭhame tathāgate ca tathāgatasāvake cāti devadatto viya tathāgate, kokāliko viya ca tathāgatasāvake. Sukkapakkhe ānandatthero viya tathāgate, nandagopālakaseṭṭhiputto viya ca tathāgatasāvake.
139. навамз сажид̇д̇авод̣̇аананд̇и сагажид̇д̇асса вод̣̇аанам̣, адтаннам̣ самаабад̇д̇ийнам̣ зд̇ам̣ наамам̣. на жа гин̃жи логз убаад̣̇ияад̇ийд̇и логз жа руубаад̣̇ийсу д̇хаммзсу гин̃жи згам̣ д̇хаммамби на г̇ан̣хаад̇и на бараамасад̇и. звамзд̇т̇а анубаад̣̇аанам̣ наама д̣̇уд̇ияо д̇хаммо ход̇и. д̣̇асамзгаад̣̇асамаани уд̇д̇аанад̇т̇аанзваад̇и.
139. Navame sacittavodānanti sakacittassa vodānaṃ, aṭṭhannaṃ samāpattīnaṃ etaṃ nāmaṃ. Na ca kiñci loke upādiyatīti loke ca rūpādīsu dhammesu kiñci ekaṃ dhammampi na gaṇhāti na parāmasati. Evamettha anupādānaṃ nāma dutiyo dhammo hoti. Dasamekādasamāni uttānatthānevāti.
ааяаажанаваг̇г̇о д̣̇уд̇ияо.
Āyācanavaggo dutiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / (12) 2. ааяаажанаваг̇г̇о • (12) 2. Āyācanavaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / (12) 2. ааяаажанаваг̇г̇аван̣н̣анаа • (12) 2. Āyācanavaggavaṇṇanā
