| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
(๑๒) ๒. อายาจนวคฺควณฺณนา
(12) 2. Āyācanavaggavaṇṇanā
๑๓๑. สโทฺธ ภิกฺขูติ สทฺธาย สมนฺนาคโต ภิกฺขุฯ โย ภิกฺขุ สาริปุตฺตโมคฺคลฺลาเนหิ สทิสภาวํ ปเตฺถติ, โส เยหิ คุเณหิ สาริปุตฺตโมคฺคลฺลานา เอตทเคฺค ฐปิตา, เต คุเณ อตฺตโน อภิกเงฺขยฺยาติ อาห ‘‘ยาทิโส สาริปุตฺตเตฺถโร ปญฺญายา’’ติอาทิฯ อิโต อุตฺตริ ปเตฺถโนฺต มิจฺฉา ปเตฺถยฺยาติ สาริปุตฺตโมคฺคลฺลานานํ เย ปญฺญาทโย คุณา อุปลพฺภนฺติ, ตโต อุตฺตริ ปเตฺถโนฺต มิจฺฉา ปเตฺถยฺยฯ อคฺคสาวกคุณปรมา หิ สาวกคุณมริยาทาฯ เตสํ สาวกคุณานํ ยทิทํ อคฺคสาวกคุณา, น ตโต ปรํ สาวกคุณา นาม อตฺถิฯ เตเนวาห ‘‘ยํ นตฺถิ, ตสฺส ปตฺถิตตฺตา’’ติฯ เสสเมตฺถ อุตฺตานเมวฯ
131.Saddho bhikkhūti saddhāya samannāgato bhikkhu. Yo bhikkhu sāriputtamoggallānehi sadisabhāvaṃ pattheti, so yehi guṇehi sāriputtamoggallānā etadagge ṭhapitā, te guṇe attano abhikaṅkheyyāti āha ‘‘yādiso sāriputtatthero paññāyā’’tiādi. Ito uttari patthento micchā pattheyyāti sāriputtamoggallānānaṃ ye paññādayo guṇā upalabbhanti, tato uttari patthento micchā pattheyya. Aggasāvakaguṇaparamā hi sāvakaguṇamariyādā. Tesaṃ sāvakaguṇānaṃ yadidaṃ aggasāvakaguṇā, na tato paraṃ sāvakaguṇā nāma atthi. Tenevāha ‘‘yaṃ natthi, tassa patthitattā’’ti. Sesamettha uttānameva.
๑๓๕. ปญฺจเม ยสฺส คุณา ขตา อุปหตา จ, โส ขโต อุปหโต นาม โหตีติ อาห ‘‘คุณานํ ขตตฺตา’’ติอาทิฯ ขตตฺตาติ ฉินฺนตฺตาฯ อุปหตตฺตาติ นฎฺฐตฺตาฯ เตนาห ‘‘ฉินฺนคุณํ นฎฺฐคุณนฺติ อโตฺถ’’ติฯ อปุญฺญสฺส ปสโว นาม อตฺถโต ปฎิลาโภติ อาห ‘‘ปสวตีติ ปฎิลภตี’’ติ, อตฺตโน สนฺตาเน อุปฺปาเทตีติ อโตฺถฯ อนนุปวิสิตฺวาติ ญาเณน อโนคาเหตฺวาฯ เสสเมตฺถ ฉฎฺฐาทีนิ จ สุวิเญฺญยฺยาเนวฯ
135. Pañcame yassa guṇā khatā upahatā ca, so khato upahato nāma hotīti āha ‘‘guṇānaṃ khatattā’’tiādi. Khatattāti chinnattā. Upahatattāti naṭṭhattā. Tenāha ‘‘chinnaguṇaṃ naṭṭhaguṇantiattho’’ti. Apuññassa pasavo nāma atthato paṭilābhoti āha ‘‘pasavatīti paṭilabhatī’’ti, attano santāne uppādetīti attho. Ananupavisitvāti ñāṇena anogāhetvā. Sesamettha chaṭṭhādīni ca suviññeyyāneva.
อายาจนวคฺควณฺณนา นิฎฺฐิตาฯ
Āyācanavaggavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / (๑๒) ๒. อายาจนวโคฺค • (12) 2. Āyācanavaggo
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / (๑๒) ๒. อายาจนวคฺควณฺณนา • (12) 2. Āyācanavaggavaṇṇanā
