| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
(12) 2. ආයාචනවග්‌ගවණ්‌ණනා
(12) 2. Āyācanavaggavaṇṇanā
131. සද්‌ධො භික්‌ඛූති සද්‌ධාය සමන්‌නාගතො භික්‌ඛු. යො භික්‌ඛු සාරිපුත්‌තමොග්‌ගල්‌ලානෙහි සදිසභාවං පත්‌ථෙති, සො යෙහි ගුණෙහි සාරිපුත්‌තමොග්‌ගල්‌ලානා එතදග්‌ගෙ ඨපිතා, තෙ ගුණෙ අත්‌තනො අභිකඞ්‌ඛෙය්‍යාති ආහ ‘‘යාදිසො සාරිපුත්‌තත්‌ථෙරො පඤ්‌ඤායා’’තිආදි. ඉතො උත්‌තරි පත්‌ථෙන්‌තො මිච්‌ඡා පත්‌ථෙය්‍යාති සාරිපුත්‌තමොග්‌ගල්‌ලානානං යෙ පඤ්‌ඤාදයො ගුණා උපලබ්‌භන්‌ති, තතො උත්‌තරි පත්‌ථෙන්‌තො මිච්‌ඡා පත්‌ථෙය්‍ය. අග්‌ගසාවකගුණපරමා හි සාවකගුණමරියාදා. තෙසං සාවකගුණානං යදිදං අග්‌ගසාවකගුණා, න තතො පරං සාවකගුණා නාම අත්‌ථි. තෙනෙවාහ ‘‘යං නත්‌ථි, තස්‌ස පත්‌ථිතත්‌තා’’ති. සෙසමෙත්‌ථ උත්‌තානමෙව.
131.Saddho bhikkhūti saddhāya samannāgato bhikkhu. Yo bhikkhu sāriputtamoggallānehi sadisabhāvaṃ pattheti, so yehi guṇehi sāriputtamoggallānā etadagge ṭhapitā, te guṇe attano abhikaṅkheyyāti āha ‘‘yādiso sāriputtatthero paññāyā’’tiādi. Ito uttari patthento micchā pattheyyāti sāriputtamoggallānānaṃ ye paññādayo guṇā upalabbhanti, tato uttari patthento micchā pattheyya. Aggasāvakaguṇaparamā hi sāvakaguṇamariyādā. Tesaṃ sāvakaguṇānaṃ yadidaṃ aggasāvakaguṇā, na tato paraṃ sāvakaguṇā nāma atthi. Tenevāha ‘‘yaṃ natthi, tassa patthitattā’’ti. Sesamettha uttānameva.
135. පඤ්‌චමෙ යස්‌ස ගුණා ඛතා උපහතා ච, සො ඛතො උපහතො නාම හොතීති ආහ ‘‘ගුණානං ඛතත්‌තා’’තිආදි. ඛතත්‌තාති ඡින්‌නත්‌තා. උපහතත්‌තාති නට්‌ඨත්‌තා. තෙනාහ ‘‘ඡින්‌නගුණං නට්‌ඨගුණන්‌ති අත්‌ථො’’ති. අපුඤ්‌ඤස්‌ස පසවො නාම අත්‌ථතො පටිලාභොති ආහ ‘‘පසවතීති පටිලභතී’’ති, අත්‌තනො සන්‌තානෙ උප්‌පාදෙතීති අත්‌ථො. අනනුපවිසිත්‌වාති ඤාණෙන අනොගාහෙත්‌වා. සෙසමෙත්‌ථ ඡට්‌ඨාදීනි ච සුවිඤ්‌ඤෙය්‍යානෙව.
135. Pañcame yassa guṇā khatā upahatā ca, so khato upahato nāma hotīti āha ‘‘guṇānaṃ khatattā’’tiādi. Khatattāti chinnattā. Upahatattāti naṭṭhattā. Tenāha ‘‘chinnaguṇaṃ naṭṭhaguṇantiattho’’ti. Apuññassa pasavo nāma atthato paṭilābhoti āha ‘‘pasavatīti paṭilabhatī’’ti, attano santāne uppādetīti attho. Ananupavisitvāti ñāṇena anogāhetvā. Sesamettha chaṭṭhādīni ca suviññeyyāneva.
ආයාචනවග්‌ගවණ්‌ණනා නිට්‌ඨිතා.
Āyācanavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / (12) 2. ආයාචනවග්‌ගො • (12) 2. Āyācanavaggo
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / (12) 2. ආයාචනවග්‌ගවණ්‌ණනා • (12) 2. Āyācanavaggavaṇṇanā
