| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
(༡༢) ༢. ཨཱཡཱཙནཝགྒཝཎྞནཱ
(12) 2. Āyācanavaggavaṇṇanā
༡༣༡. སདྡྷོ བྷིཀྑཱུཏི སདྡྷཱཡ སམནྣཱགཏོ བྷིཀྑུ། ཡོ བྷིཀྑུ སཱརིཔུཏྟམོགྒལླཱནེཧི སདིསབྷཱཝཾ པཏྠེཏི, སོ ཡེཧི གུཎེཧི སཱརིཔུཏྟམོགྒལླཱནཱ ཨེཏདགྒེ ཋཔིཏཱ, ཏེ གུཎེ ཨཏྟནོ ཨབྷིཀངྑེཡྻཱཏི ཨཱཧ ‘‘ཡཱདིསོ སཱརིཔུཏྟཏྠེརོ པཉྙཱཡཱ’’ཏིཨཱདི། ཨིཏོ ཨུཏྟརི པཏྠེནྟོ མིཙྪཱ པཏྠེཡྻཱཏི སཱརིཔུཏྟམོགྒལླཱནཱནཾ ཡེ པཉྙཱདཡོ གུཎཱ ཨུཔལབྦྷནྟི, ཏཏོ ཨུཏྟརི པཏྠེནྟོ མིཙྪཱ པཏྠེཡྻ། ཨགྒསཱཝཀགུཎཔརམཱ ཧི སཱཝཀགུཎམརིཡཱདཱ། ཏེསཾ སཱཝཀགུཎཱནཾ ཡདིདཾ ཨགྒསཱཝཀགུཎཱ, ན ཏཏོ པརཾ སཱཝཀགུཎཱ ནཱམ ཨཏྠི། ཏེནེཝཱཧ ‘‘ཡཾ ནཏྠི, ཏསྶ པཏྠིཏཏྟཱ’’ཏི། སེསམེཏྠ ཨུཏྟཱནམེཝ།
131.Saddho bhikkhūti saddhāya samannāgato bhikkhu. Yo bhikkhu sāriputtamoggallānehi sadisabhāvaṃ pattheti, so yehi guṇehi sāriputtamoggallānā etadagge ṭhapitā, te guṇe attano abhikaṅkheyyāti āha ‘‘yādiso sāriputtatthero paññāyā’’tiādi. Ito uttari patthento micchā pattheyyāti sāriputtamoggallānānaṃ ye paññādayo guṇā upalabbhanti, tato uttari patthento micchā pattheyya. Aggasāvakaguṇaparamā hi sāvakaguṇamariyādā. Tesaṃ sāvakaguṇānaṃ yadidaṃ aggasāvakaguṇā, na tato paraṃ sāvakaguṇā nāma atthi. Tenevāha ‘‘yaṃ natthi, tassa patthitattā’’ti. Sesamettha uttānameva.
༡༣༥. པཉྩམེ ཡསྶ གུཎཱ ཁཏཱ ཨུཔཧཏཱ ཙ, སོ ཁཏོ ཨུཔཧཏོ ནཱམ ཧོཏཱིཏི ཨཱཧ ‘‘གུཎཱནཾ ཁཏཏྟཱ’’ཏིཨཱདི། ཁཏཏྟཱཏི ཚིནྣཏྟཱ། ཨུཔཧཏཏྟཱཏི ནཊྛཏྟཱ། ཏེནཱཧ ‘‘ཚིནྣགུཎཾ ནཊྛགུཎནྟི ཨཏྠོ’’ཏི། ཨཔུཉྙསྶ པསཝོ ནཱམ ཨཏྠཏོ པཊིལཱབྷོཏི ཨཱཧ ‘‘པསཝཏཱིཏི པཊིལབྷཏཱི’’ཏི, ཨཏྟནོ སནྟཱནེ ཨུཔྤཱདེཏཱིཏི ཨཏྠོ། ཨནནུཔཝིསིཏྭཱཏི ཉཱཎེན ཨནོགཱཧེཏྭཱ། སེསམེཏྠ ཚཊྛཱདཱིནི ཙ སུཝིཉྙེཡྻཱནེཝ།
135. Pañcame yassa guṇā khatā upahatā ca, so khato upahato nāma hotīti āha ‘‘guṇānaṃ khatattā’’tiādi. Khatattāti chinnattā. Upahatattāti naṭṭhattā. Tenāha ‘‘chinnaguṇaṃ naṭṭhaguṇantiattho’’ti. Apuññassa pasavo nāma atthato paṭilābhoti āha ‘‘pasavatīti paṭilabhatī’’ti, attano santāne uppādetīti attho. Ananupavisitvāti ñāṇena anogāhetvā. Sesamettha chaṭṭhādīni ca suviññeyyāneva.
ཨཱཡཱཙནཝགྒཝཎྞནཱ ནིཊྛིཏཱ།
Āyācanavaggavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / (༡༢) ༢. ཨཱཡཱཙནཝགྒོ • (12) 2. Āyācanavaggo
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / (༡༢) ༢. ཨཱཡཱཙནཝགྒཝཎྞནཱ • (12) 2. Āyācanavaggavaṇṇanā
