| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. आयागदायकत्थेरअपदानं
8. Āyāgadāyakattheraapadānaṃ
९४.
94.
‘‘निब्बुते लोकनाथम्हि, सिखिम्हि वदतं वरे।
‘‘Nibbute lokanāthamhi, sikhimhi vadataṃ vare;
हट्ठो हट्ठेन चित्तेन, अवन्दिं थूपमुत्तमं॥
Haṭṭho haṭṭhena cittena, avandiṃ thūpamuttamaṃ.
९५.
95.
‘‘वड्ढकीहि कथापेत्वा, मूलं दत्वानहं तदा।
‘‘Vaḍḍhakīhi kathāpetvā, mūlaṃ datvānahaṃ tadā;
हट्ठो हट्ठेन चित्तेन, आयागं कारपेसहं॥
Haṭṭho haṭṭhena cittena, āyāgaṃ kārapesahaṃ.
९६.
96.
अवसेसेसु कप्पेसु, वोकिण्णं संसरिं अहं॥
Avasesesu kappesu, vokiṇṇaṃ saṃsariṃ ahaṃ.
९७.
97.
‘‘काये विसं न कमति, सत्थानि न च हन्ति मे।
‘‘Kāye visaṃ na kamati, satthāni na ca hanti me;
उदकेहं न मिय्यामि, आयागस्स इदं फलं॥
Udakehaṃ na miyyāmi, āyāgassa idaṃ phalaṃ.
९८.
98.
‘‘यदिच्छामि अहं वस्सं, महामेघो पवस्सति।
‘‘Yadicchāmi ahaṃ vassaṃ, mahāmegho pavassati;
देवापि मे वसं एन्ति, पुञ्ञकम्मस्सिदं फलं॥
Devāpi me vasaṃ enti, puññakammassidaṃ phalaṃ.
९९.
99.
‘‘सत्तरतनसम्पन्नो, तिसक्खत्तुं अहोसहं।
‘‘Sattaratanasampanno, tisakkhattuṃ ahosahaṃ;
न मं केचावजानन्ति, पुञ्ञकम्मस्सिदं फलं॥
Na maṃ kecāvajānanti, puññakammassidaṃ phalaṃ.
१००.
100.
‘‘एकत्तिंसे इतो कप्पे, आयागं यमकारयिं।
‘‘Ekattiṃse ito kappe, āyāgaṃ yamakārayiṃ;
दुग्गतिं नाभिजानामि, आयागस्स इदं फलं॥
Duggatiṃ nābhijānāmi, āyāgassa idaṃ phalaṃ.
१०१.
101.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा आयागदायको थेरो इमा गाथायो अभासित्थाति।
Itthaṃ sudaṃ āyasmā āyāgadāyako thero imā gāthāyo abhāsitthāti.
आयागदायकत्थेरस्सापदानं अट्ठमं।
Āyāgadāyakattherassāpadānaṃ aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ८. आयागदायकत्थेरअपदानवण्णना • 8. Āyāgadāyakattheraapadānavaṇṇanā
