| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๘. อายาคทายกเตฺถรอปทานํ
8. Āyāgadāyakattheraapadānaṃ
๙๔.
94.
‘‘นิพฺพุเต โลกนาถมฺหิ, สิขิมฺหิ วทตํ วเร;
‘‘Nibbute lokanāthamhi, sikhimhi vadataṃ vare;
หโฎฺฐ หเฎฺฐน จิเตฺตน, อวนฺทิํ ถูปมุตฺตมํฯ
Haṭṭho haṭṭhena cittena, avandiṃ thūpamuttamaṃ.
๙๕.
95.
‘‘วฑฺฒกีหิ กถาเปตฺวา, มูลํ ทตฺวานหํ ตทา;
‘‘Vaḍḍhakīhi kathāpetvā, mūlaṃ datvānahaṃ tadā;
หโฎฺฐ หเฎฺฐน จิเตฺตน, อายาคํ การเปสหํฯ
Haṭṭho haṭṭhena cittena, āyāgaṃ kārapesahaṃ.
๙๖.
96.
อวเสเสสุ กเปฺปสุ, โวกิณฺณํ สํสริํ อหํฯ
Avasesesu kappesu, vokiṇṇaṃ saṃsariṃ ahaṃ.
๙๗.
97.
‘‘กาเย วิสํ น กมติ, สตฺถานิ น จ หนฺติ เม;
‘‘Kāye visaṃ na kamati, satthāni na ca hanti me;
อุทเกหํ น มิยฺยามิ, อายาคสฺส อิทํ ผลํฯ
Udakehaṃ na miyyāmi, āyāgassa idaṃ phalaṃ.
๙๘.
98.
‘‘ยทิจฺฉามิ อหํ วสฺสํ, มหาเมโฆ ปวสฺสติ;
‘‘Yadicchāmi ahaṃ vassaṃ, mahāmegho pavassati;
เทวาปิ เม วสํ เอนฺติ, ปุญฺญกมฺมสฺสิทํ ผลํฯ
Devāpi me vasaṃ enti, puññakammassidaṃ phalaṃ.
๙๙.
99.
‘‘สตฺตรตนสมฺปโนฺน, ติสกฺขตฺตุํ อโหสหํ;
‘‘Sattaratanasampanno, tisakkhattuṃ ahosahaṃ;
น มํ เกจาวชานนฺติ, ปุญฺญกมฺมสฺสิทํ ผลํฯ
Na maṃ kecāvajānanti, puññakammassidaṃ phalaṃ.
๑๐๐.
100.
‘‘เอกตฺติํเส อิโต กเปฺป, อายาคํ ยมการยิํ;
‘‘Ekattiṃse ito kappe, āyāgaṃ yamakārayiṃ;
ทุคฺคติํ นาภิชานามิ, อายาคสฺส อิทํ ผลํฯ
Duggatiṃ nābhijānāmi, āyāgassa idaṃ phalaṃ.
๑๐๑.
101.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา อายาคทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā āyāgadāyako thero imā gāthāyo abhāsitthāti.
อายาคทายกเตฺถรสฺสาปทานํ อฎฺฐมํฯ
Āyāgadāyakattherassāpadānaṃ aṭṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๘. อายาคทายกเตฺถรอปทานวณฺณนา • 8. Āyāgadāyakattheraapadānavaṇṇanā
