| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೮. ಆಯಾಗದಾಯಕತ್ಥೇರಅಪದಾನಂ
8. Āyāgadāyakattheraapadānaṃ
೯೪.
94.
‘‘ನಿಬ್ಬುತೇ ಲೋಕನಾಥಮ್ಹಿ, ಸಿಖಿಮ್ಹಿ ವದತಂ ವರೇ।
‘‘Nibbute lokanāthamhi, sikhimhi vadataṃ vare;
ಹಟ್ಠೋ ಹಟ್ಠೇನ ಚಿತ್ತೇನ, ಅವನ್ದಿಂ ಥೂಪಮುತ್ತಮಂ॥
Haṭṭho haṭṭhena cittena, avandiṃ thūpamuttamaṃ.
೯೫.
95.
‘‘ವಡ್ಢಕೀಹಿ ಕಥಾಪೇತ್ವಾ, ಮೂಲಂ ದತ್ವಾನಹಂ ತದಾ।
‘‘Vaḍḍhakīhi kathāpetvā, mūlaṃ datvānahaṃ tadā;
ಹಟ್ಠೋ ಹಟ್ಠೇನ ಚಿತ್ತೇನ, ಆಯಾಗಂ ಕಾರಪೇಸಹಂ॥
Haṭṭho haṭṭhena cittena, āyāgaṃ kārapesahaṃ.
೯೬.
96.
ಅವಸೇಸೇಸು ಕಪ್ಪೇಸು, ವೋಕಿಣ್ಣಂ ಸಂಸರಿಂ ಅಹಂ॥
Avasesesu kappesu, vokiṇṇaṃ saṃsariṃ ahaṃ.
೯೭.
97.
‘‘ಕಾಯೇ ವಿಸಂ ನ ಕಮತಿ, ಸತ್ಥಾನಿ ನ ಚ ಹನ್ತಿ ಮೇ।
‘‘Kāye visaṃ na kamati, satthāni na ca hanti me;
ಉದಕೇಹಂ ನ ಮಿಯ್ಯಾಮಿ, ಆಯಾಗಸ್ಸ ಇದಂ ಫಲಂ॥
Udakehaṃ na miyyāmi, āyāgassa idaṃ phalaṃ.
೯೮.
98.
‘‘ಯದಿಚ್ಛಾಮಿ ಅಹಂ ವಸ್ಸಂ, ಮಹಾಮೇಘೋ ಪವಸ್ಸತಿ।
‘‘Yadicchāmi ahaṃ vassaṃ, mahāmegho pavassati;
ದೇವಾಪಿ ಮೇ ವಸಂ ಏನ್ತಿ, ಪುಞ್ಞಕಮ್ಮಸ್ಸಿದಂ ಫಲಂ॥
Devāpi me vasaṃ enti, puññakammassidaṃ phalaṃ.
೯೯.
99.
‘‘ಸತ್ತರತನಸಮ್ಪನ್ನೋ, ತಿಸಕ್ಖತ್ತುಂ ಅಹೋಸಹಂ।
‘‘Sattaratanasampanno, tisakkhattuṃ ahosahaṃ;
ನ ಮಂ ಕೇಚಾವಜಾನನ್ತಿ, ಪುಞ್ಞಕಮ್ಮಸ್ಸಿದಂ ಫಲಂ॥
Na maṃ kecāvajānanti, puññakammassidaṃ phalaṃ.
೧೦೦.
100.
‘‘ಏಕತ್ತಿಂಸೇ ಇತೋ ಕಪ್ಪೇ, ಆಯಾಗಂ ಯಮಕಾರಯಿಂ।
‘‘Ekattiṃse ito kappe, āyāgaṃ yamakārayiṃ;
ದುಗ್ಗತಿಂ ನಾಭಿಜಾನಾಮಿ, ಆಯಾಗಸ್ಸ ಇದಂ ಫಲಂ॥
Duggatiṃ nābhijānāmi, āyāgassa idaṃ phalaṃ.
೧೦೧.
101.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಆಯಾಗದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā āyāgadāyako thero imā gāthāyo abhāsitthāti.
ಆಯಾಗದಾಯಕತ್ಥೇರಸ್ಸಾಪದಾನಂ ಅಟ್ಠಮಂ।
Āyāgadāyakattherassāpadānaṃ aṭṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೮. ಆಯಾಗದಾಯಕತ್ಥೇರಅಪದಾನವಣ್ಣನಾ • 8. Āyāgadāyakattheraapadānavaṇṇanā
